Ալֆրեդ Կաստլեր

Ալֆրեդ Կաստլեր
ԱԱՀ՝	Ալֆրեդ Կաստլեր
Ծննդյան օր՝	մայիսի 3, 1902
Ծննդավայր՝	Գյուբվիլեր (Գերմանական կայսրություն)
Վախճանի օր՝	հունվարի 7, 1984
Վախճանի վայր՝	Բանդոլ, (Ֆրանսիա)

Ալֆրեդ Կաստլեր (Alfred Kastler, 1902, մայիսի 3 - 1984, հունվարի 7), ֆրանսիացի ֆիզիկոս, Փարիզի ակադեմիայի անդամ (1964-ից), Նոբելյան մրցանակի դափնեկիր (1966)։

Ծնվել է Գյուբվիլերում։ 1926-ին ավարտել է Փարիզի հայտնի Նորմալ դպրոցը։ 1931-1936-ին աշխատել է Բորդոյում, 1936-1938-ին` Կլերմոն-Ֆերրանում, 1938-1941-ին` Նորմալ դպրոցում։

Աշխատանքները նվիրված են օպտիկային, ատոմային սպեկտրադիտմանը, քվանտային էլեկտրոնիկային։ Հետազոտել է ատոմների գրգռված օպտիկական վիճակները օպտիկական ռեզոնանսի մեթոդով։1951-ին ցույց է տվել ընդհանուր տեսքով սպին-ցանցային ռելաքսացիայի հետազոտության հնարավորությունը մագնիսաօպտիկական մեթոդի օգնությամբ (Ֆարադեյի երևույթ)։ Ուսումնասիրել է ատոմների բազմաթիվ քվանտային անցումները։ Նրա աշխատանքները ընկան մազերների և լազերների ստեղծման հիմքում, որոնք նրան 1966-ին բերեցին Նոբելյան մրցանակ։

Աղբյուրներ

• Պավել Ծատուրյան, Նոբելյան մրցանակի դափնեկիրներ. 1901-2000, գիրք Ա, Երևան, «ՎՄՎ-Պրինտ» հրատարակչություն, 2007, էջ 213-214։