Քվանտային ֆիզիկա
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Քվանտային ֆիզիկա, տեսական ֆիզիկայի բաժին, որում ուսումնասիրվում են քվանտա-մեխանիկական և քվանտա-դաշտային համակարգերը և դրանց շարժման օրենքները։ Քվանտային ֆիզիկայի հիմնական օրենքներն ուսումնասիրվում են քվանտային մեխանիկայի և դաշտի քվանտային տեսության շրջանակներում և կիրառվում են ֆիզիկայի մյուս բաժիններում։
Պատմություն[խմբագրել | խմբագրել կոդը]
Քվանտային ֆիզիկան և նրա հիմնական տեսությունները՝ քվանտային մեխանիկան և դաշտի քվանտային տեսությունը, ստեղծվել են 20-րդ դարի առաջին կեսերին։ Բազմաթիվ գիտնականների թվում էին Մաքս Պլանկը, Ալբերտ Այնշտայնը, Արթուր Կոմպտոնը, Լուի դը Բրոյլը, Նիլս Բորը, Էրվին Շրեդինգերը, Պոլ Դիրակը, Վոլֆգանգ Պաուլին և այլք։
Ենթաբաժինները[խմբագրել | խմբագրել կոդը]
Քվանտային ֆիզիկան միավորում է ֆիզիկայի մի քանի բաժիններ, որոնցում սկզբունքային դեր ունեն քվանտային մեխանիկայի և դաշտի քվանտային տեսության երևույթները, որոնք ի հայտ են գալիս միկրոաշխարհի մակարդակում, սակայն հետևանքներ են ունենում նաև մակրոաշխարհում։ Դրանց թվում են.
- քվանտային մեխանիկան,
- դաշտի քվանտային տեսությունը և նրա կիրառությունները՝ միջուկային ֆիզիկան, տարրական մասնիկների ֆիզիկան, մեծ էներգիաների ֆիզիկան,
- քվանտային վիճակագրական ֆիզիկան,
- պինդ մարմնի ֆիզիկան,
- քվանտային օպտիկան։