Էսվատինի

Էսվատինի
Էսվատինիի դրոշ	Զինանշան
;	;
Կարգավիճակ	ինքնիշխան պետություն, դեպի ծով ելք չունեցող պետություն և թագավորություն
Ներառում է	Հոհո, Լուբոմբո, Մանզինի և Շիսելվենի
Պետական լեզու	անգլերեն և սվատի
Մայրաքաղաք	Լոբամբա և Մբաբանե
Պետական կարգ	Բացարձակ միապետություն
Օրենսդիր մարմին	Էսվատինիի խորհրդարան
Երկրի ղեկավար	Մսվատի III
Կառավարության ղեկավար	Russell Dlamini?
Ազգաբնակչություն	▲1 230 506 մարդ (2023)
Հիմն	Nkulunkulu Mnikati wetibusiso temaSwati
Կարգախոս	Մենք ամրոց ենք
Հիմնադրված է	սեպտեմբերի 6, 1968 թ.
Արժույթ	լիլանգենի
Ժամային գոտի	Հարավային Աֆրիկայի ստանդարտ ժամանակ, UTC+2 և Africa/Mbabane?
Հեռախոսային կոդ	+268
Ինտերնետ-դոմեն	.sz
Մարդկային ներուժի զարգացման ինդեքս	0,597
	gov.sz

Էսվատինիի Թագավորություն (անգլերեն՝ Kingdom of Eswatini, նախկինում՝ Սվազիլենդի Թագավորություն) փոքր երկիր է Հարավային Աֆրիկայում, որը սահմանկցում է ՀԱՀ-ի հետ արևմուտքում և Մոզամբիկի հետ արևելքում։ Ազգերի Բրիտանական համագործակցության անդամ է։ Տարածությունը 17,4 հզ. կմ² է, բնակչությունը՝ 601 հզ (1981)։ Մայրաքաղաքը՝ Մբաբանե (29,9 հզ. բն., 1981)։ Վարչականորեն բաժանվում է 4 շրջանի։

Պետական կարգը

1978 թվականից Սահմանադրական միապետություն է։ Պետության գլուխը թագավորն է։ Օրենսդիր իշխանությունը պատկանում է թագավորին և երկպալատ (ներքին պալատ և սենատ) պառլամենտին։ Պառլամենտի ընտրությունները երկաստիճան են. բնակչությունն ընտրում է ընտրողների կոլեգիա, իսկ կոլեգիան էլ ներքին պալատի 40 պատգամավոր և 10 սենատոր։ Բացի այդ, ներքին պալատի 10 անդամներին և 10 սենատորներին նշանակում է թագավորը։ Գործադիր իշխանությունն իրականացնում է կառավարությունը՝ վարչապետի գլխավորությամբ։

Արտաքին հարաբերություններ

2013 թվականի մայիսի 3-ին ՄԱԿ-ում Հայաստանի ու Սվազիլենդի Թագավորության մշտական ներկայացուցիչներ՝ Կարեն Նազարյանը և Զվելեթհու Մնիսին ստորագրել են երկու երկրների միջև դիվանագիտական հարաբերություններ հաստատելու մասին Համատեղ հայտարարություն։ Նյու Յորքում Հայաստանի մշտական ներկայացուցչության շենքում Համատեղ հայտարարության ստորագրման արարողությանը նախորդել է երկու երկրների դեսպանների առանձնազրույցը, որի ժամանակ կարևորվել են երկկողմ համագործակցության խթանումը և երկուստեք նշվել ՄԱԿ-ի ու միջազգային կազմակերպությունների շրջանակներում շփումների ակտիվացումը^[4]։