Մարշալյան կղզիներ

Վիքիպեդիայից՝ ազատ հանրագիտարանից
Մարշալյան Կղզիներ Marshall Islands

ի դրոշ
Դրոշ

Մարշալյան կղզիների զինանշան
Զինանշան

Մարշալյան կղզիների տեղադրությունը

Հիմնական տեղեկություններ
Պետական լեզու մարշալերեն անգլերեն
Մայրաքաղաք Մաջուրո
Պետական կարգ Նախագահական հանրապետություն
Մակերես 181 կմ²
Ազգաբնակչություն. 70,000 (2013) (342.5 (2014)/կմ²)
Պետական ատրիբուտներ
Արժույթ ԱՄՆ դոլար (USD)
Ժամային գոտի +12
Վեբ | ISO | Հեռ. .mh | MHT | 692

Մարշալյան կղզիներ (անգլ.՝ Marshall Islands), արշիպելագ Խաղաղ օվկիանոսում, Միկրոնեզիայում։ Բաղկացած է մի քանի հարյուր կորալային ոչ մեծ կղզիներից, ատոլներից ու խութերից, որոնք կազմում են երկու խումբ․ Ռադակը՝ արևելքում և Ռալիկը՝ արևմուտքում։ Մարշալյան կղզիներին մոտ են գտնվում` Միկրոնեզիայի ֆեդերատիվ Նահանգները` արևմուտքից, Ուեյք կղզին` հյուսիսից, Կիրիբաթին` հարավ-արևելքից և Նաուրուն` հարավից։ Երկրի մայրաքաղաքը Մաջուրո կղզում է։ Մարշալյան կղզիների պետական լեզուները երկուսն են` մարշալերենը և անգլերենը։ Կլիման արևադարձային, մերձհասարակածային է, տարեկան [[տեղումները՝ 2000-4000 մմ։ Բնակիչները զբաղվում են կոկոսյան արմավենու, հացի ծառի, բատատի մշակությամբ, ձկնորսությամբ։ Արտահանում են կոկոսյան ընկույզի միջուկ։ Մարշալյան կղզիները հայտնաբերել է իսպանացի Ա․ Սաավեդրան 1529 թվականին։

Արևմուտքում և հարավ-արևմուտքում սահմանակցում է Միկրոնեզիայի Դաշնային Նահանգների տարածքային ջրերին, հարավում՝ Կիրիբատիի տարածքային ջրերին, մյուս կողմերից՝ Խաղաղ օվկիանոսի չեզոք ջրերին: Ափամերձ հատվածի երկայնությունը 370,4 կմ է: Մարշալյան Կղզիներ Հանրապետությունը գտնվում է 29 ատոլների և Մարշալյան կղզու արշիպելագի 5 կղզիների վրա: Ցամաքի ընդհանուր մակերեսը կազմում է 181,3 կմ², ծովածոցերով ծածկված տարածքը՝ 11 673 կմ²: Մարշալյան Կղզիների բնակչությունը կազմում է 53 158 մարդ (2011)[1][2][3]: Մայրաքաղաքը Մաջուրոն է:

Առաջին կղզին, որը հայտնաբերվել է եվրոպացիների կողմից, Բոկակ ատոլն է, որը 1526 թվականին հայտնագործել է իսպանացի ծովագնաց Ալոնսո դե Սալասարը: Հետագայում Մարշալյան Կղզիները հերթականությամբ դառնում էին տարբեր գաղութային տերությունների տարածք: 1886 թվականին՝ Գերմանիայի, 1914 թվականին՝ Ճապոնիայի, որը շարունակեց կղզիների ղեկավարումը Առաջին համաշխարհային պատերազմից հետո արդեն Ազգերի լիգայի մանդատով: 1947 թվականին ԱՄՆ ղեկավարության տակ ընդգրկվել է ՄԱԿենթակա տարածքների կազմի մեջ: Որպես պետական կազմավորում՝ Մարշալյան Կղզիները ի հայտ են եկել 1983 թվականին: 1986 թվականից Կղզիները ԱՄՆ-ի հետ գտնվում են «ազատ ասոցացման» մեջ: Մարշալյան Կղզիներ Հանրապետությունը ՄԱԿ-ի, Հարավխաղաղօվկիանոսյան կոմիտեի և Խաղաղօվկիանոսյան կղզիների ֆորումի անդամ է:


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png
  1. Перепись населения (Economic Policy, Planning, and Statistics Office)
  2. Перепись населения (geohive — 2011)
  3. Перепись населения (Statoids — 2011)