Մաջուրո

Վիքիպեդիայից՝ ազատ հանրագիտարանից
Քաղաք
Մաջուրո
Majuro
Shoreline majuro.jpg
Մաջուրոյի ձախ ափը, 1983 թ. փետրվար
Կոորդինատներ: 7°4′0″ հս․ լ. 171°16′0″ ավ. ե. / 7.06667° հս․. լ. 171.26667° ավ. ե. / 7.06667; 171.26667
Երկիր Մարշալյան կղզիներ Մարշալյան կղզիներ
ԲԾՄ 3 մետր
Բնակչություն 25 400 մարդ (2004)
Ժամային գոտի UTC+12
##Մաջուրո (Մարշալյան Կղզիներ)
Red pog.png

Մաջուրո (Մյազրո) (անգլ.՝ Majuro [ˈmædʒəroʊ], մարշ.՝ Mājro [mʲæzʲ(ɛ͡ʌ)rˠɤ͡oo̯]), Խաղաղ օվկիանոսում գտնվող Մարշալյան կղզիներ պետության մայրաքաղաք։ Կառուցված է համանուն ատոլի վրա, որը բաղկացած է 64 կղզիներից։ Ատոլի մակերեսը կազմում է 9,71 կմ², ծովալճակի մակերեսը՝ 295 կմ²: Բնակչությունը՝ 27 797 մարդ (2011 թվականի դրությամբ)։

Պատմություն[խմբագրել | խմբագրել կոդը]

Բնակավայրը հիմնադրվել է XIX դարի վերջին, ենթադրաբար, 1884 թվականին[1] Եվրոպայի և Հյուսիսային Ամերիկայի բնակիչների կողմից։ 1885 թվականից գտնվել է Գերմանիայի «պաշտպանության» տակ[2], իսկ 1906 թվականից՝ գերմանական կայսերական գաղութային իշխանությունների անմիջական ղեկավարության տակ։ 1914 թվականին գրավվել է Ճապոնիայի կողմից, 1919 թվականից հայտնվել նրա մանդատով կառավարվող երկրի կազմում[3]: Երկրորդ համաշխարհային պատերազմի ժամանակ, 1944 թվականի հունվարի 30-ին ԱՄՆ-ի զորքերը գրավել են Մաջուրոն[4]: 1947 թվականից եղել է Խաղաղօվկիանոսյան կղզու խնամարկյալ տարածքի կազմում։ 1979 թվականից դարձել է վարչական կենտրոն, իսկ 1983 թվականից՝ Մարշալյան կղզիների մայրաքաղաք։

Բնակչություն և ենթակառուցվածք[խմբագրել | խմբագրել կոդը]

Հիմնական բնակչությունը կենտրոնացած է Դ-Ու-Դ կղզիներում (Դալապ – Ուլիգա – Դարիտ, Dalap – Uliga – Darrit)։ Կառավարական հաստատությունները գտնվում են Դալատ կղզում։ Այստեղ են գտնվում նաև մի քանի խոշոր խանութներ։ Ուլիգայում գտնվում են հիմնական գործարար թաղամասը, բանկային և տուրիստական կենտրոնները։ Ուլիգայում է գտնվում Մարշալյան կղզիների քոլեջը, միջնակարգ և տարրական դպրոցները։ Դարիտում եմ հիմնականում գտնվում են բնակելի շինությունները, տարրական և միջնակարգ դպրոցները։ Ատոլի արևմտյան շրջանում, Դ-Ու-Դ-ից 30 կմ հեռավորության վրա գտնվում է Լաուրա բնակավայրը, որտեղ գտնվում է հայտնի ծովափը: Մարշալյան կղզիների միջնակարգ դպրոցը գտնվում է Մաջուրոյի հյուսիսային ծայրամասում, Ռիտա կղզում։

Տրանսպորտ[խմբագրել | խմբագրել կոդը]

Գործում է նավահանգիստ և միջազգային օդանավակայան: Մաջուրոն համարվում է Մարշալյան կղզիների համար կարևոր տրանսպորտային հանգույց օդային և ծովային հաղորդակցությունների համար։

Տուրիզմ[խմբագրել | խմբագրել կոդը]

Զբոսաշրջիկների շրջանում տարածված է ձկնորսությունը և դայվինգը:

Քույր-քաղաքներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Столицы мира» 
  2. «справка Института Географии РАН» 
  3. Маджуро. — БРЭ, т. 1..
  4. Charles D. Melson Condition Red: Marine Defense Battalions in World War II. — С. 20.

Արտաքին հղումներ[խմբագրել | խմբագրել կոդը]