Պապեետեն (ֆր.՝ Papeete, թահիթ.Pape’ete) Ֆրանսիական Պոլինեզիայի մայրաքաղաքն է, որը գտնվում է Ընկերության կղզիների կղզեխմբին պատկանող Տահիտի կղզու վրա։ Բնակչության թիվը հենց Պապեետե քաղաքում կազմում է 26 հազար մարդ, սակայն դրա ագլոմերացիայում կա ավելի քան 130 հազար մարդ (ըստ 2002 թվականի)։ Պապեետեն Ֆրանսիական Պոլինեզիայի գլխավոր ծովային նավահանգիստն է, որի սահմաններում գտնվում է նաև համայնքի գլխավոր Ֆաա օդանավակայանը, միայն դա կարող է ընդունել միջազգային չվերթներ։