Օվկիանիա

Վիքիպեդիայից՝ ազատ հանրագիտարանից
Օվկիանիան կիսագնդային քարտեզում

Օվկիանիան[1] աշխարհագրական, հաճախ համարվում է գեոպոլիտական երկրամաս, որը կազմված է հարյուրավոր կղզիներից և ատոլներից Խաղաղ օվկիանոսի արևմտյան և կենտրոնային մասերում։

Օվկիանիա եզրն ունի 2 իմաստ։ Ֆիզիկաաշխարհագրական տեսանկյունից այն Խաղաղ օվկիանոսի մաս է՝ բազմահազար կղզիների ամբողջությունը։ Օվկիանայի տարածաշրջանի կազմում են Ավստրալիա մայրցամաքը՝ հարակից Թասմանիա և այլ փոքր կղզիներով։ Օվկիանիայի փոքր կղզիների տաք և խոնավ կլիման բարենպաստ է արևադարձային ջերմասեր բույսերի մշակման համար։ Խաղաղ օվկիանոսում, Ավստրալիա մայրցամաքից հյուսիս և արևելք, ցրված են բազմաթիվ կղզիներ ու կղզիախմբեր, որոնց ընդհանուր անվանումը Օվկիանիա է. կղզիների թիվը 10 000 է, ընդհանուր տարածքը՝ 1300 հզ.քառ. կմ, որի 80% -ը զբաղեցնում են Նոր Գվինեա և Նոր Զելանդիա կղզիները։ Տարածաշրջանը ներառում է Պապուա Նոր Գվինեան, Նոր Զելանդիան և 23 կղզային ու կղզախմբային ինքնիշխան պետություններ, այլ երկրների պատկանող տարածքներ։ Օվկիանիայի կղզիներն ունեն մայրցամաքային ( Նոր Գվինեա, Նոր Զելանդիա), հրաբխային (Հավայան, Սամոա, Մարկիզյան) և բուստային( Մարշալյան, Կարոլինյան, Գիլբերտի, Նաուրու) ծագում։ Այս կղզիները բաժանվում են 3 խոշոր կղզիախմբերի՝ Մելանեզիա, Միկրոնեզիա և Պոլինեզիա։ Մելանեզիան (հունարեն՝ սև կղզիներ ) ընդգրկում է Ավստրալիային հարող խոշոր կղզիները՝ Նոր Գվինեա, Բիսմարկի, Սողոմոնյան, Նոր Հեբրիդյան, Նոր Կալեդոնիա, Ֆիջի և այլ կղզիներ : Միկրոնեզիան ( հունարեն՝ փոքր կղզիներ) ներառում է Մարիանյան, Մարշալյան, Կարոլինյան, Նաուրու և այլ կղզիներ։ Պոլինեզիան հունարեն՝ բազմաթիվ կղզիներ ընդգրկում է Խաղաղ օվկիանոսի կենտրոնական և հարավային շրջանների Հավայան, Տոնգա, Տուամոթու, Տուվալու, ՙԿուկի, Զատկի և այլ կղզիներ։

Աղբյուրներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]