Մոզամբիկ

Վիքիպեդիայից՝ ազատ հանրագիտարանից
Jump to navigation Jump to search
Մոզամբիկի Հանրապետություն
República de Moçambique
Մոզամբիկ դրոշ
Դրոշ
Մոզամբիկ զինանշանը
Զինանշան
Մոզամբիկ դիրքը
Մայրաքաղաք
Ամենամեծ քաղաք
Մապուտու
Պետական լեզուներ պորտուգալերեն
Տարածք
 -  Ընդհանուր 802 000 կմ² 
Բնակչություն
 -   նախահաշիվը 24 096 000 մարդ 
 -  Խտություն 30 /կմ² 
 /մղոն²
Արժույթ մետիկալ (mzn)
Ժամային գոտի +2
Ազգային դոմեն .mz
Հեռախոսային կոդ +258

Մոզամբիկը աֆրիկյան երկիր է։ Նախկինում եղել է պորտուգալական գաղութ, անկախացել է 1975 թվականի հունիսի 25-ին։ Մակերեսը կազմում է 802,000 կմ²։ Բնակչությունը 2013 թ. տվյալներով 24,096,000[1]։ Հունվարի միջին ջերմաստիճանը Մոզամբիկի ցածրադիր վայրերում կազմում է 26 °C մինչև 30 °C, հուլիսին՝ 15 °C - 20 °C։ Հարթավայրերում ամառային և ձմեռային ջերմաստիճանը ցածր է 3-5 °C-ից։

Ըստ ինտերնետային World Gazeteer կայքի, Մոզամբիկում կա 24 000 և ավելի բնակիչ ունեցող 34 քաղաք[2]։

Աշխարհագրական դիրք[խմբագրել | խմբագրել կոդը]

Մոզամբիկը գտնվում է Աֆրիկայի հարավ-արևելքում: Հյուսիսում սահմանակից է Տանզանիայի, արևմուտքում` Մալավիի, Զամբիայի, Զիմբաբվեի, հարավ-արևմուտքում և հարավում` ՀԱՀ-ի, Սվազիլենդի հետ։ Արևելքում ողողվում է Հնդկական օվկիանոսի ջրերով:

Բնական պայմաններ[խմբագրել | խմբագրել կոդը]

Հյուսիսային ափերը բարձրադիր են, ժայռոտ ու զառիթափ, հարավայինը` ցածրադիր, տեղ-տեղ` ճահճոտ։ Ծովափի երկայնքով ձգվում են բուստային խութեր, որոնք դժվարացնում են նավարկությունը։ Երկրի արևմուտքում Ինյանգա սանդղափուլի գագաթներն են (առավելագույնը` 2436 մ, Բինգա լեռ), արևելքում Մոզամբիկի դաշտավայրն է, հարավում` Լեբոբմա լեռները։ Խոշոր գետերն են Զամբեզին, Լիմպոպոն, Սավին, Ռուվուման։ Մոզամբիկի սահմաններում են Նյասա և Շիրվա լճերի արևելյան ափերը։ Կլիման հյուսիսում մերձհասարակածային է, հարավում` արևադարձային։

Բնակչությունը[խմբագրել | խմբագրել կոդը]

Բնակչության ավելի քան 98%–ը բանտու լեզվաընտանիքի ժողովուրդներ են։Բնակվում են նաև եվրոպացիներ ու ասիական ծագում ունեցող ժողովուրդներ, արաբներ, հնդիկներ, մուլատներ և այլք։Խոշոր քաղաքներն են Մապուտուն, Բեյրան, Կելիմանեն։

Գյուղատնեսություն[խմբագրել | խմբագրել կոդը]

Մոզամբիկը թույլ զարգացած ագրարային երկիր է։Գյուղատնտեսության մեջ զբաղված է ինքնագործ բնակչության մոտ 70%–ը։Մշակում են շաքարեղեգ,թեյ, բամբակ, սիզալ, բրինձ, մանիոկա, կոկոսյան արմավենի, եգիպտացորեն և այլն։Անասնապահության զարգացմանը խանգարում է ցեցե ճանճը։Զբաղվում են նաև փայտամթերմամբ ու ձկնորսությամբ։Արդյունահանում է քարածուխ, բոքսիտներ, ոսկի, արծաթ, ուրանի և  բերիլիումի հանքաքար, աղ, ասբեստ։Կան ընկույզի մշակման, սննդի, ծխախոտի, բամբակազտիչ, ցեմենտի, փայտամշակման, ցեմենտի, կահույքի, կարի և այլ ձեռնարկություններ։

Ծանոթագրություններ[խմբագրել | խմբագրել կոդը]

  1. Census.gov (2013)։ «Country Rank. Countries and Areas Ranked by Population: 2013»։ U.S. Department of Commerce։ Արխիվացված օրիգինալից-ից 2013-05-09-ին։ Վերցված է 2013 թ․ մայիսի 9 
  2. «Mozambique: largest cities and towns and statistics of their population» (անգլերեն)։ Արխիվացված օրիգինալից-ից 2011-08-22-ին։ Վերցված է 2011 թ․ մայիսի 5 

Արտաքին հղումներ[խմբագրել | խմբագրել կոդը]