Լեսոթո, պաշտոնապես Լեսոթոյի թագավորություն (սեսոթո՝ 'Muso oa Lesotho), անկլավային, առանց ծովի ելք ունեցող երկիր հարավային Աֆրիկայում, ամբողջովին շրջապատված Հարավ Աֆրիկյան հանրապետությամբ։ Տարածքը մոտ 30.000 կմ քառակուսի, բնակչությունը մոտ երկու միլիոն[2]։ Մայրաքաղաքը և ամենամեծ քաղաքը Մասերուն է։ Լեսոթոն Միավորված ազգերի կազմակերպության, Ազգերի Բրիտանական Համագործակցություն և Հարավային Աֆրիկայի զարգացման հիմնադրամի (SADC) անդամ է։ Լեսոթո անվանումը ուղակիորեն թարգմանվում է երկիր, որտեղ ժողովուրդը խոսում է Սեսոթոերեն[3]։ Երկրի բնակչության մոտ 40%-ը ապրում է աղքատության շեմին` օրական մոտ 1,25 ԱՄՆ դոլար եկամուտով[4]։
1860֊ական թվականների վերջին երկիրը զավթել են անգլիացի գաղութարարները, 1884 թվականին պաշտոնապես հայտարարվել է Մեծ Բրիտանիայի պրոտեկտորատը՝ Բուսուտոլենդ անունով (անգլ.՝ Basutoland, բառացի՝ «բասուտոների երկիր», և Land՝ «երկիր»)։
1966 թվականի հոկտեմբերի 4֊ին Բասուտոլենդը ստացավ անկախություն և նոր սահմանադրությամբ կոչվեց Լեսոթոյի Թագավորություն[5]։
Լեսոթան մասնակցում է ամառային օլիմպիական խաղերին, իսկ 1972 թվականին Լեոթոյի աթլետներին հաջողվեց գրանցել ամենաբարձր ցուցանիշը։ Լեսոթոյի օլիմպիական պատմության մեջ Լեսոթոյի մարզիկները երբևէ չեն նվաճել որևէ օլիմպիական մեդալ։
Լեսոթայի ֆուտբոլի ազգային հավաքականը հիմնադրվել է 1932 թվականին, իսկ արդեն 1964 թվականին Լեսոթան անդամագրվել է ՖԻՖԱ[6] և ապա ԿԱՖ Կոնֆեդերացիա։ Լեսոթայի ֆուտբոլիստները երբևէ չեն մասնակցել Աշխարհի կամ Աֆրիկայի առաջնություններին։
↑«Lesotho»։ International Monetary Fund։ Վերցված է 2013 թ․ ապրիլի 17
↑Department of Economic and Social Affairs Population Division (2009)։ «World Population Prospects, Table A.1» (PDF)։ 2008 revision։ United Nations։ Վերցված է մարտի 12, 2009
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 585)։
.svg){kind=small}
.svg){kind=small}
