Շմուել (կաթողիկոս)

Վիքիպեդիայից՝ ազատ հանրագիտարանից
Jump to navigation Jump to search
Շմուել
Ծնվել էանհայտ
Մահացել է436
ՔաղաքացիությունՍասանյան Պարսկաստան
Մասնագիտությունկաթողիկոս
Զբաղեցրած պաշտոններԱմենայն Հայոց Կաթողիկոս

Շմուել (աղբյուրներում հիշատակվում է նաև որպես Շամվել Ասորի, ծննդյան թվականն անհայտ- 436 թ.), Ամենայն հայոց կաթողիկոս՝ 432 թվականից։ Ծագումով՝ ասորի։ Կաթողիկոս է կարգվել Բրքիշոյի գահընկեցությունից հետո պարսից արքայից արքա Վռամ Ե-ի կողմից Վաչե Արծրունու, Աշոցքի տեր Հմայակի և նրանց կողմնակից հայ նախարարների խնդրանքով՝ որպես Սահակ Պարթևին ընդդիմադիր և հակաթոռ հայրապետ։ Իրավունք է ստանում ընկերանալ մարզպանին, վերահասու լինել պահանջվելիք հարկերի բաշխմանը, դատական գործերին և աշխարհական այլ կարգերին։ Հայ մաենագիրների կողմից ներկայացվում է որպես խիստ բացասական կերպար՝ ագահ, ոչ միայն վախճանված այլև ողջ եպիսկոպոսների վիճակները հափշտակող։ Մասնավորապես պատմվում է, որ նա մեղադրելով եպիսկոպոսներին արքունի հարկերի չվճարման մեջ, հալածում էր և նրանց վիճակները յուրացնում։ Իր այդ քաղաքականությամբ նա ատելի դարձավ բոլոր հայ եպիսկոպոսների համար՝ արժանանալով նրանց արհամարհանքի։

Նրա մահից հետո կաթողիկոսությունը նորից անցնում է Սահակ Ա Պարթևին։

Արտաքին հղումներ[խմբագրել | խմբագրել կոդը]


Նախորդող՝
Բրքիշո
Կաթողիկոս
432–436
Հաջորդող՝
Սահակ Ա Պարթև