Սարգիս Գ Մյուսայլ

Վիքիպեդիայից՝ ազատ հանրագիտարանից
Սարգիս Գ Մյուսայլ
Ծնվել է15-րդ դար
Մահացել է1515
ՄասնագիտությունEastern Orthodox priest
Զբաղեցրած պաշտոններԱմենայն Հայոց Կաթողիկոս

Սարգիս Գ Մյուսայլ (15-րդ դար - 1515), Ամենայն Հայոց կաթողիկոս 1484 թվականից։ Հաջորդել է Հովհաննես Է Աջակիրին։ Ծննդյան թիվն ու վայրն անհայտ են։ Մահացել է 1515 թվականին Վաղարշապատում։

Սարգիս Բ Աջատարից տարբերվելու համար Մ. Օրմանյանը նրան անվանում է մյուս, այլ, այստեղից էլ առաջացել է Մյուսայլ մականունը։ Եղել է Հովհաննես Է Աջակիրի աթոռակիցը։

Սարգիս Գ Մյուսայլի հայրապետության շրջանն ընթացել է Հայ եկեղեցու պատմության չափազանց ծանր ժամանակահատվածում։ Քաղաքական և տնտեսական պայմանների փոփոխության արդյունքում Մայր Աթոռի և վանական–միաբանական կյանքի նյութական աննախանձ վիճակն անհնարին է դարձրել ազգային–եկեղեցական կյանքի արդյունավետ գործունեությունը։ Գերազանցապես սահմանափակված լինելով հայ ժողովրդի և եկեղեցու ինքնության պահպանության օրախնդիր հարցերով՝ Հայոց ընդհանրական հայրապետությունը նվազագույն հնարավորություն անգամ չի ունեցել գործունեույթուն ծավալելու վարչական, շինարարական, հոգևոր-մշակութային և կրթական ոլորտներում։ Այդ գործոններով է պայմանավորված այն, որ Սարգիս Գ Մյուսայլի նվիրապետական գործունեության մասին ոչ մի հիշատակություն չի պահպանվել։ Մ. Օրմանյանն այդ առնչությամբ գրում է, թե Սարգիս Գ Մյուսայլի «երկարատև պաշտոնավարությունը, ինչպես և իր անձն ալ իսպառ ամուլ են կարևոր գործունեութենե, և պատմությունը ոչ մի արդյունավորություն կամ եղելություն չի գտներ, որով կարենա անոր ժամանակը ճոխացնել»։ Սակայն դա չի կարող պատճառ հանդիսանալ Սարգիս Գ Մյուսայլի գրեթե երեսնամյա հայրապետական շրջանը «ավուր անշքություն» համարելու համար։

Կաթողիկոսական գահին Սարգիս Գ Մյուսայլցուն հաջորդել է Զաքարիա Բ Վաղարշապատցին։

Գրականություն[խմբագրել | խմբագրել կոդը]

  • Չամչյան Մ., Պատմութիւն Հայոց, հատ. Բ, Վենետիկ, 1785
  • Սիմեոն Երևանցի, Ջամբռ, Վաղարշապատ, 1873
  • «ԺԵ դարերի հայերեն ձեռագրերի հիշատակարաններ», հատ. Ա, Երևան, 1955
  • Առաքել Դավրիժեցի, Գիրք պատմութեանց, Երևան, 1990
  • Օրմանյան Մ., Ազգապատում, հատ. Բ, Ս. Էջմիածին, 2001
Նախորդող՝
Հովհաննես Է Աջակիր
Կաթողիկոս
1484–1515
Հաջորդող՝
Զաքարիա Բ Վաղարշապատցի