Կոնստանդին Դ Լամբրոնացի

Վիքիպեդիայից՝ ազատ հանրագիտարանից
Jump to navigation Jump to search
Կոնստանդին Դ Լամբրոնացի
Ծնվել է 1240-ականներ
Ծննդավայր Լամբրոն, Չամլըյայլա, Մերսին, Թուրքիա
Մահացել է 1326
Մահվան վայր Սիս
Մասնագիտություն Orthodox priest
Զբաղեցրած պաշտոններ կաթողիկոս

Կոստանդին Դ Լամբրոնացի (Դրազարկցի)։ Հայոց կաթողիկոս է նշանակվել 1323 թվականին։ Հաջորդել է Կոնստանդին Գ Կեսարացուն։

Կենսագրություն[խմբագրել | խմբագրել կոդը]

Ծնվել է մոտ 1240 թ.-ին Լամբրոն ամրոցում։ Մահացել է 1326 թվականին Սիս քաղաքում, ամփոփվել է Դրազարկի վանքում։ Եղել է Սսի եպիսկոպոսը և Դրազարկի վանքի առաջնորդը։

Մինչև կաթողիկոս դառնալը Կոստանդին Լամբրոնացին զբաղեցրել է Դրազարկի ուխտի առաջնորդի, ապա Սսի արքեպիսկոպոսի պաշտոնը։ Վերջինիս էր պատկանում նաև ջանցլերի կամ «Մեծաց ջանցլերի»` արքունի քարտուղարության պաշտոնը։

Սսի արքեպիսկոպոս Կոստանդին Լամբրոնացին մասնակցել է Սսի 1307 թվականիև Ադանայի 1317 թվականի ժողովներին։

Սկզբում գործակցել է իր նախորդին՝ Կոսաանդին Գ Կեսարցուն, սակայն կաթողիկոսական գահ բարձրանալուց (օծվել է հունվարի 6-ին, Սսում, ծերհասակում) հետո չի հարուցել դավանական վեճեր։ Ընդհակառակը, ենթադրվում է, որ սառել է Կոստանդին Դ Լամբրոնացու լատինասիրությունը, և նա Կիլիկիայի Հայոց թագավորության խնամակալ Օշին պայլի՝ Հռոմի հետ վարած թղթակցություններին ու բանագնացություններին չի մասնակցել՝ գրավելով չեզոք դիրք։ Հետամուտ է եղել երկրի քաղաքական կյանքի, նրա դիրքերի ու խաղաղության ամրապնդմանը։

Կոստանդին Դ Լամբրոնացու կաթողիկոսության շրջանում Կիլիկյան Հայաստանը գտնվում էր ռազմաքաղաքական բարդ իրավիճակում։ Լևոն Ե թագավորի անչափահաս լինելու պատճառով Հայոց կաթողիկոսը ստիպված զբաղվում է նաև քաղաքական գործունեությամբ։ Չնայած ծեր տարիքին ու տկարությանը` նա անձամբ է մեկնում Եգիպտոս՝ սուլթան Նասիրի հետ բանակցություններ վարելու։ 1323 թ.-ի մայիսի 31-ին Կիլիկիո Հայոց թագավորության և Եգիպտոսի սուլթանության միջև կնքվում է 15-ամյա հաշտության պայմանագիր, ըստ որի մամլուքները պարտավորվում էին 15 տարի չարշավել Կիլիկիա։ Այս պայմանագիրը որոշ ժամանակ խաղաղություն բերեց Կիլիկիո Հայոց թագավորությանը և երկարաձգեց նրա գոյությունը։

Կաթողիկոսական գահին Կոնստանդին Դ Լամբրոնացուն հաջորդել է Հակոբ Բ Անավարզեցին։

Գրականություն[խմբագրել | խմբագրել կոդը]

  • Օրմանյան Մ., Ազգապատում, հատ. Բ, Ս. Էջմիածին, 2001
Նախորդող՝
Կոնստանդին Գ Կեսարացի
Կաթողիկոս
1323–1326
Հաջորդող՝
Հակոբ Բ Անավարզեցի
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 614 CC-BY-SA-icon-80x15.png