Խաչիկ Ա Արշարունի

Վիքիպեդիայից՝ ազատ հանրագիտարանից
Խաչիկ Ա Արշարունի
Ծնվել է անհայտ
Մահացել է 992
Մասնագիտություն քահանա

Խաչիկ Ա Արշարունի (Արշարունեցի, ծ. թ. անհայտ – 992 թ., ամփոփված է Արգինայի Կաթողիկե եկեղեցի), Ամենայն հայոց կաթողիկոս 973 թ-ից։ Հաջորդել է Ստեփանոս Գ Սևանցուն։

Նախքան կաթողիկոս ընտրվելը Արշարունիքի եպիսկոպոսն էր, որի համար էլ Մ. Օրմանյանն անվանել է «Արշարունի»։ Պաշտպանել է Հայ առաքելական եկեղեցու դավանությունը Սեբաստիայի և Մելիտինեի հույն մետրոպոլիտների ոտնձգություններից։

Բյուզանդական կայսրության արևելյան շրջաններում՝ Անտիոքում, Տարսոնում, Իսավրիայում և այլուր, որտեղ առաջացել էին հոծ հայ համայնքներ, նշանակել է եպիսկոպոսներ։ Զբաղվել է եկեղեցաշինությամբ՝ Արգինայում կառուցել երեք կաթողիկե եկեղեցի, հիմնել մատենադարան։ Կաթողիկոսական գահին նրան հաջորդել է Սարգիս Ա Սևանցին։

Աղբյուրներ[խմբագրել | խմբագրել կոդը]


Նախորդող՝
Ստեփանոս Գ Սևանցի
Կաթողիկոս
973-992
Հաջորդող՝
Սարգիս Ա Սևանցի


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png