Գեղեցիկ ձեռքեր
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1875 |
| բարձրություն | 157,5 սանտիմետր |
| լայնություն | 116,8 սանտիմետր |
| ուղղություն | Պրեռաֆայելիտներ և էսթետիզմ |
| նյութ | յուղաներկ և կտավ |
| գտնվում է | Դելավերի գեղարվեստի թանգարան[1] |
| հավաքածու | Դելավերի գեղարվեստի թանգարան |
Ծանոթագրություններ | |
 La Bella Mano by Dante Gabriel Rossetti Վիքիպահեստում | |
«Գեղեցիկ ձեռքեր» (իտալ.՝ «La Bella Mano»), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1875 թվականին։
Պատմություն
[խմբագրել | խմբագրել կոդը]Դանթե Գաբրիել Ռոսսետտին իր նամակներից մեկում պարզաբանել է, որ նկարի անվանումը վերցրել է բանաստեղծ Ջուստո դե Կոնտիի 1440 թվականի բանաստեղծությունների ժողովածուից[2]։ Նկարում պատկերված է սիրո աստվածուհի Վեներան, որը լվանում է ձեռքերը, և կարմիր թևերով երկու հրեշտակներ, որոնք պահում են սկուտեղը և սրբիչը[3]։ Գլխավոր հերոսուհու բնորդ ծառայել է Ալեքսա Ուայլդինգը, իսկ սկուտեղ պահող հրեշտակի պատկերման համար հավանաբար կեցվածք է ընդունել Մեյ Մորիսը՝ Ուիլյամ Մորիսի դուստրը և Ջեյն Մորիսը[4][5]։ Դանթե Գաբրիել Ռոսսետտիի արվեստի մասին իր գրքում Ալիսիա Քրեյգ Դեքսոնը նշում է նկարի դետալներում սիմվոլիզմի կիրառման մասին. հիրիկը և կիտրոնի ծառը համարվում են Աստվածածնի խորհրդանշանները, վարդը՝ ինչպես Աստվածածնի, այնպես էլ Վեներայի, սիրո աստավածուհու ատրիբուտ է համարվել խեցին, որի ձևով նկարում պատկերված է սկուտեղը[6]։ Ձեռքերը լվանալու գործընթացն ինքը խորհրդանշում է մաքրություն և անմեղություն[6]։ Գլխավոր հերոսուհու գլխին սրբապատկերի լուսապսակի տպավորություն է ստեղծում հայելին, որը գտնվում է նրա հետևում, իսկ հայելին արտացոլում է ննջարանի օթոց[3]։
Ինչպես իր շատ այլ աշխատանքների դեպքում, Դանթե Գաբրիել Ռոսսետտին գրել է նկարն ուղեկցող սոնետ։ «Գեղեցիկ ձեռքերը» երկու աշխատանքներից մեկն է («Պրոզերպինայի» հետ), որի համար հեղինակն սկզբում գրել է իտալերեն սոնետ, ապա թարգմանել այն անգլերեն[2]։
1875 թվականի ապրիլին Ռոսսետտին ավարտել է նկարի մատիտով էսքիզը, իսկ բուն նկարի աշխատանքներն ավարտել է ենթադրաբար մինչև հուլիսի 20-ը։ Նկարը գտնվել է նկարչի արվեստանոցում մինչև 1875 թվականի սեպտեմբերին վաճառքը[2]։ Նկարը գնել է Մյուրեյ Մարքսը 1050£-ով[5]։ Այժմ նկարը գտնվում է Դելավերի գեղարվեստի թանգարանի հավաքածուի կազմում։
Ծանոթագրություններ
[խմբագրել | խմբագրել կոդը]- ↑ https://rossettiarchive.iath.virginia.edu/docs/s240.rap.html
- ↑ 2,0 2,1 2,2 «La Bella Mano (For a Picture)». Rossetti Archive (անգլերեն).
- ↑ 3,0 3,1 «La Bella Mano» (անգլերեն). Delaware Art Museum. Արխիվացված է օրիգինալից 2016 թ․ հունիսի 11-ին. Վերցված է 2020 թ․ մարտի 15-ին.
- ↑ «La Bella Mano». PreRaphaelite Sisterhood (անգլերեն). Արխիվացված է օրիգինալից 2020 թ․ հունվարի 23-ին. Վերցված է 2020 թ․ մարտի 15-ին.
- ↑ 5,0 5,1 «La Bella Mano». Rossetti Archive (անգլերեն).
- ↑ 6,0 6,1 Faxon, Alicia Craig Dante Gabriel Rossetti. — Abbeville Publishing Group. — С. 206—207. — ISBN 0896599280
