Սիրեն Լիգեյա

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Սիրեն Լիգեյա
Ligeia Siren by Dante Gabriel Rossetti (1873).jpg
տեսակգեղանկար և գծանկար
նկարիչԴանթե Գաբրիել Ռոսսետտի
տարի1873
բարձրություն78,7 սանտիմետր
լայնություն47 սանտիմետր
ուղղությունՊրեռաֆայելիտներ
նյութՊաստել
հավաքածուանհայտ
Ծանոթագրություններ
Ligeia Siren by Dante Gabriel Rossetti Վիքիպահեստում

«Սիրեն Լիգեյա», անգլիացի նկարիչ-պրեռաֆայելիտ Դանթե Գաբրիել Ռոսսետտի գունամատիտանկարը՝ ստեղծված 1873 թվականին։

«Սիրենա Լիգեիան» դարձել է Ռոսսետտիի շատ ստեղծագործություններից մեկը, որը ուսումնասիրում է վտանգավոր գեղեցկության տիպաժն ու ճակատագրական կնոջ կերպարը։ Գունամատիտանկարի վրա պատկերված է կերպար՝ վերցված հին հունական դիցաբանությունից՝ Սիրեն Լիգեյան[1]։ Աշխատանքը հիշեցնում է 1877 թվականի «Ծովային հմայություն» նկարը, որտեղ ևս ներկայացված է սիրենի կերպարը։ Հենրի Մարիլերը ենթադրում է, որ «Սիրեն Լիգեյան» որպես վաղ էսքիզ է ծառայել «Ծովային հմայություն»-ի համար[2]։ Այս կերպարներին նվիրված Ռոսսետտիի հեղինակային բանաստեղծությունում ասվում է, որ սիրենների երգը գրավում է տղամարդկանց և սպանում նրանց, իսկ կերպարի նկարագրությունում հղում կա Լիլիթի կերպարանքին, ինքը՝ սոնետը հիշեցնում է Ռոսսետտիի սոնետը, որը նվիրված է Լիլիթին և ուղղակիորեն վերցնում է նրա կերպարանքը[3]։ «Սիրեն Լիգեյա» նկարի ֆոնին պատկերված նավը հղում է անում Ոդիսևսի կերպարին և արկածախնդիր նավաստիների ավանդական լեգեդներին, որոնք գնում են դեպի իրական մահ՝ լսելով սիրենների երգը[1]։

Ռոսսետտիին գունամատիտանկարի վրա աշխատել է 1873 թվականի փետրվարի վերջից մինչև մարտ Քելսքոտ առանձնատանը, բնորդուհու անունը մնում է անհայտ, միայն հայտնի է, որ նրան նկարիչի մոտ է բերել ընթերական՝ Գ․ Դաննը[4]։ Ինքը՝ Ռոսսետտին իր նամակներից մեկում աշխատանքը անվանել է «իր լավագույն ստեղծագործություններից մեկը»[1]․ չնայած նա հաճախ էր այդպես խոսում իր նոր ավարտած աշխատանքների մասին[2]։ Գունամատիտանկարը գնել է Չարլզ Հաուելը՝ Ռոսսետտիի գործակալը, որից հետո վերավաճառել է այն հավաքորդ Կոնստանտին Իոնիդեսին[1]։ Ներկայումս նկարը գտնվում է մասնավոր հավաքածուում։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Ligeia Siren»։ Rossetti Archive (անգլերեն) 
  2. 2,0 2,1 Marillier, Henry Currie. Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 172.
  3. Pritha Kundu Muse Turned “Femme Fatale” in D. G. Rossetti’s Painting and Poetry // Journal of Literature and Art Studies. — 2013. — В. 12. — Т. 3. — ISSN 2159-5836.
  4. William Michael Rossetti Dante Gabriel Rossetti as Designer and Writer. — Cassell & Company, Limited, 1889. — С. 85—87.