Հուսահատ ռոմանտիկներ

Հուսահատ ռոմանտիկներ
Ժանր	դրամա
Երկիր	Միացյալ Թագավորություն
Լեզու	անգլերեն
Գլխավոր դերերում	Ջեննի Ժակ
Երաժշտություն	Դաբիել Փեմբերթոն
Եթերաշրջանների քանակ	1
Սերիաների քանակ	6
Էկրաններին է	հուլիսի 21, 2012-ից օգոստոսի 25, 2009-ը
Հեռուստաալիք	BBC Two
Պաշտոնական կայքէջ

«Հուսահատ ռոմանտիկներ» (անգլ.՝ Desperate Romantics), բրիտանական դրամատիկ սերիալ, որը նվիրված է պրեռաֆայելիտ նկարիչների կյանքին և ստեղծագործությանը։ Առաջին ցուցադրությունը իրականացվել է BBC Two հեռուստաալիքով 2009 թվականի հուլիսի 21-ից մինչև օգոստոսի 25-ը։

Դիպաշար

Լոնդոն, 19-րդ դարի կեսեր։ Սկսնակ նկարիչներ Դանթե Գաբրիել Ռոսսետտին, Ուիլյամ Հոլման Հանտը, Ջոն Էվերեթ Միլլեն և լրագրող Ֆրեդ Ուոլթերսը կազմավորում են «Պրեռաֆայելիտների եղբայրություն» միավորումը, որը հակադրվում էր Գեղարվեստի թագավորական ակադեմիային։ Որպեսզի հասնեն հաջողությունների և ճանաչման, երիտասարդ գեղանկարիչները ունեն բարձր հասարակության օժանդակության կարիքը, ինչպիսին գտնում են հանձին Ջոն Ռասկինի։

Այդ ժամանակ Ֆրեդ Ուոլթերսն իր ընկերներին ծանոթացնում է Էլիզաբեթ Սիդալի՝ գլխարկների խանութի վաճառողուհու հետ, որն իդեալական ձևով համապատասխանում էր պրեռաֆայելիտների ապագա աշխատանքներում բնորդուհու դերին։ Ինքը Ֆրեդը համակրանք է զգում Լիզի հանդեպ, սակայն աղջիկը նախընտրությունը տալիս է խռովարար Ռոսսետտիին։

Ուիլյամ Հանտը հրավիրում է Էննի Միլլերին՝ կեցվածք ընդունելու իր նոր աշխատանքի համար, սիրահարվում է նրան և առաջարկություն անում։ Սակայն նկարիչն ստիպված է լինում մի քանի տարով մեկնել Պաղեստին՝ թողնելով Էննիին Ուոլթերսի խնամքի տակ։

Միլլեն իր «Օֆելյա» նկարի հաջողությունից հետո ստանում է Ռասկինի հովանավորության առաջարկը և հաճախ է այցելում նրա տուն, որտեղ մտերմանում է հովանավորի կնոջ՝ Էֆֆի Գրեյի հետ, որը դժգոհ էր ամուսնությունից և համակրում է երիտասարդ նկարչին։

Արտաքին հղումներ

• «Հուսահատ ռոմանտիկներ»(անգլ.) ֆիլմը Internet Movie Database կայքում
• «Հուսահատ ռոմանտիկներ»(անգլ.) BBC Two կայքում
• The Pre-Raphaelite Online Resource Archived 2009-05-29 at the Wayback Machine. The largest online collection of Pre-Raphaelite art