Մադոննա Պյետրա

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Մադոննա Պյետրա
Madonna Pietra by Dante Gabriel Rossetti (Koriyama City Museum of Art).jpg
տեսակգեղանկար
նկարիչԴանթե Գաբրիել Ռոսսետտի
տարի1874
բարձրություն90 սանտիմետր
լայնություն56 սանտիմետր
ուղղությունՊրեռաֆայելիտներ
ժանրհոգևոր արվեստ
նյութՊաստել և թուղթ
գտնվում էKōriyama City Museum of Art?
հավաքածուKōriyama City Museum of Art?

«Մադոննա Պյետրա» (անգլ.՝ Madonna Pietra), անգլիացի պրեռաֆայելիտ նկարիչ Դանթե Գաբրիել Ռոսսետտիի պաստելային նկարը՝ ստեղծված 1874 թվականին։ Ներկայումս նկարը գտնվում է Կորիյամայի գեղարվեստի թանգարանի հավաքածուում։

Տեղեկություն նկարի մասին[խմբագրել | խմբագրել կոդը]

Madonna Pietra degli Scrovigni, Մարիա Սպարտալի Սթիլման, 1884 թվական

Ռոսսետտին «Մադոննա Պյետրա» նկարը մտածել է ստեղծել յուղաներկով 1874 թվականի սկզբին։ Դրա մասին նա գրել է եղբորը՝ Ուիլյամ Մայքլ Ռոսսետտիին ուղղված նամակում, երբ ավարտել է պաստելային էսքիզը[1]։ Նկարում պատկերված է մերկ Պյետրա Սկրովենյին (պադովացի վաշխառու Ռինալդո Սկրովենյիի դուստրը, որին Ռոսսետտին սխալմամբ համարել է Դանթե Ալիգիերիի Al poco giorno e al gran cerchio d’ombra բանաստեղծության հերոսուհին[2], որը նա թարգմանել է անգլերեն[3]):

Աղջիկը աջ ձեռքում պահում է հախճապակե գունդ, ձախ ձեռքը բարձրացրած է ուսին, շագանակագույն երկար մազերը թափվում են ձախ ուսի վրա։ Բնորդուհին եղել է Ալեքսա Ուայլդինգը[4]։ Նկարչի խոսքերով՝ գնդի մակերևույթին պետք է արտացոլվեր ժայռային բնանկար, որը խորհրդանշում էր հերոսուհու քարե սիրտը[5]։ Այդ պաստելային աշխատանքին զուգահեռ պահպանվել են նաև հերոսուհու հագուստի և հասակի երեք քառորդի չափով էսքիզներ։ Ռոսսետտիի նոթատետրում առկա են եղել քարին նստած Պյետրայի մարմնի պատկերներ[1]։ Ռոսսետտին ենթադրել է, որ նկարի վերջնական տարբերակում Պյետրան հագնված պիտի լինի և գտնվի բնության՝ գետերի և ժայռերի ֆոնին[2]։ Երբ նկարիչն առաջարկել է նկարի առաջարկն իր բարերար և մշտական Ֆրեդերիկ Լեյլանդին, վերջինս նրան հիշեցրել է անկատար պատվերների մասին և նախընտրել է, որ աշխատի դրանց վրա[4]։ Հետագայում Ռոսսետտին երազել է վերադառնալ լիարժեք նկարի ստեղծմանը, սակայն այդ մտահղացումն իրականացնել հաջողվել է արդեն Մարիա Սպարտալի Սթիլմանի հետ 1884 թվականին[4]։

Պաստելային նկարն սկզբնապես պատկանել է Չառլզ Հաուելին՝ Դանթե Գաբրիել Ռոսսետտիի գործակալին։ Նա հետագայում (ենթադրաբար 1876 թվականին) վաճառել է այն Չառլզ Ֆրային[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Madonna Pietra»։ Rossetti Archive (անգլերեն) 
  2. 2,0 2,1 «Dante Alighieri. “Sestina. Of the Lady Pietra degli Scrovigni”» (անգլերեն)։ Rossetti Archive 
  3. «Sestina of the Lady Pietra degli Scrovigni by Dante Alighieri» (անգլերեն)։ Poetry Foundation։ 2018-04-16։ Վերցված է 2018-04-17 
  4. 4,0 4,1 4,2 Dante Gabriel Rossetti, William Evan Fredeman The Correspondence of Dante Gabriel Rossetti. — Կաղապար:Нп3, 2002. — С. 426—427. — 645 с.
  5. H. C. Marillier Dante Gabriel Rossetti, An Illustrated Memorial of His Art and Life. — George Bell and Sons - Chiswick Press, Charles Whittingham and Co., 1899. — С. 188.