Ձնծաղիկներ (նկար)
Ձնծաղիկներ | |
---|---|
տեսակ | գեղանկար |
նկարիչ | Դանթե Գաբրիել Ռոսսետտի |
տարի | 1873 |
բարձրություն | 41,5 սանտիմետր |
լայնություն | 34 սանտիմետր |
ուղղություն | Պրեռաֆայելիտներ |
նյութ | յուղաներկ |
հավաքածու | Andrew Lloyd Webber Collection? |
պատկերված են
| |
Ծանոթագրություններ |
Ձնծաղիկներ, անգլիացի նկարիչ-պրեռաֆայելիտ Դանթե Գաբրիել Ռոսսետտիի նկարը՝ ստեղծված 1873 թվականին։ Ներկայումս գտնվում է Էնդրու Լլոյդ Ուեբեր հավաքածուում։
Պատմություն[խմբագրել | խմբագրել կոդը]
Նկարի համար բնորդուհի է դարձել Ջեյն Մորիսը[1]։ Նկարն ստեղծվել է Ռոսսետիի «Պրոզերպինա» հայտնի կտավներից մեկի ստեղծման երկրորդ փորձի արդյունքում։ «Պրոզերպինա» նկարի գաղափարը ծնվել է 1871 թվականին, դրանից հետո նկարիչը փորձել է նկարել այդ կտավը 8 անգամ․ հաճախ գոհ չի եղել արդյունքից և կտրել է կտավը՝ թողնելով միայն բնորդուհու գլուխն ու ձեռքերը, այդպես է եղել նաև «Ձնծաղիկներ»-ի հետ։ Պատվիրատուն՝ հավաքորդ Ֆրեդերիկ Լեյլանդը այն մի քանի անգամ հետ է վերադարձրել, իսկ մեկ անգամ նկարը վնասվել է տեղափոխելուց[2]։
Նկարը գնել է Ռոսսետտիի գործակալը Չարլզ Հաուելը, որը մի քանի տարի իր մոտ պահելուց հետո վաճառել է այն[3]։
Նկարագրություն[խմբագրել | խմբագրել կոդը]
Նկարի հերոսուհին ձեռքում բռնել է մի քանի ձնծաղիկ, իսկ մազերի մեջ գնարբուկի դեղին ծաղիկներ են։ Գարնանային ծաղիկների առկայությունը ենթադրում է, որ նկարում պատկերված է Պրոզերպինան՝ մինչև ստորգետնյա թագավորություն ընկնելը[1]՝ ի տարբերություն ավելի հայտնի վերջնական նկարի, որտեղ աստվածուհին գտնվում է Հադեսի թագավորությունում[4]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Blanzifiore». Rossetti Archive (անգլերեն).
- ↑ «Proserpine». Rossetti Archive (անգլերեն).
- ↑ Marillier, Henry Currie. Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 170.
- ↑ Riggs, Terry (1998). «Proserpine (1874)». Tate Collection. Արխիվացված օրիգինալից 2013 թ․ մարտի 17-ին. Վերցված է 2017 թ․ ապրիլի 10-ին.