Մարիա Զամբակոյի դիմանկար

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Մարիա Զամբակոյի դիմանկար
Rossetti 1967Ma103.jpg
տեսակգեղանկար
նկարիչԴանթե Գաբրիել Ռոսսետտի
տարի1870
բարձրություն100 սանտիմետր
լայնություն72 սանտիմետր
ժանրդիմապատկեր
նյութՊաստել և թուղթ
գտնվում էClemens Sels Museum Neuss?
հավաքածուClemens Sels Museum Neuss?
հիմնական թեմաՄարիա Զամբակո
կայք
Ծանոթագրություններ

«Մարիա Զամբակոյի դիմանկար» (անգլ.՝ Maria Theresa Zambaco), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1870 թվականին։ Ներկայումս նկարը գտնվում է գերմանական Կլեմենս Զելս թանգարանի հավաքածուում։

Տեղեկություն նկարի մասին[խմբագրել | խմբագրել կոդը]

Նկարում պատկերված է Մարիա Զամբակոն, որը հունական ծագմամբ նկարչուհի էր, բազմաթիվ պրեռաֆայելիտ նկարիչների բնորդուհի, մասնավորապես՝ Էդվարդ Բյորն-Ջոնսի։ Հետագայում Զամբակոյի և Բյորն-Ջոնսի միջև սիրավեպ է սկսվել, որը տևել է մի քանի տարի և ավարտվել երկուսի ինքնասպանության անհաջող փորձով[1][2]։

Ռոսսետտին դիմանկարում Մարիային պատկերել է սպիտակ ծալազարդարանքով զգեստով, որը նման է հունական քղամիդի, ինչը հղում է հանդիսանում բնորդուհու ծագմանը[3]։ Գունամատիտ նկարի կոմպոզիցիան և մանրամասները նման են Ֆաննի Կորնֆորտի հետ աշխատանքին, որն ստեղծվել է նույն թվականին և ստացել է «Հովհարով կինը» անվանումը։ Նմանությունն առկա է հերոսուհիների դիրքի, սպիտակ հագուստների և փետուրներով վառ հովհարի մեջ, սակայն աղջիկների բնավորությունն արտացոլվել է բացարձակ տարբեր կերպ։ Մարիա Զամբակոն մտազբաղ և հեռացած տեսք ունի, իսկ Ֆաննի Կորնֆորտը՝ զգայական և տիրական[4]։ Ռոսսետտին ստեղծագործության մասին հիշատակում է նամակի մեջ, որն ուղղված էր Ջեյն Մորիսին, որտեղ նա գրում է, որ վստահացել է, որ նրա [Զամբակո] սերը նրա համար ամենակարևորն է, և որ մինչև դիմանկարի վրա աշխատելը ինքը ոչ մի կերպ չի կարողացել հասկանալ նրան, ինչպես նաև հիշատակել է, որ Էդվարդ Բյորն-Ջոնսը գոհ է մնացել նկարից[5]։ Ամբողջ 1870 թվականին Ռոսսետտին ստեղծել է Մարիա Զամբակոյի չորս դիմանկար[5]։

Գունամատիտ նկարը պատկանել է հենց Մարիա Զամբակոյին և նրա ընտանիքին։ 1965 թվականին այն վաճառվել է Քրիստիս աճուրդում[4]։ Ներկայումս աշխատանքը գտնվում է գերմանական Կլեմենս Զելս թանգարանի հավաքածուում։

Ծանոթագրություններ[խմբագրել | խմբագրել կոդը]

  1. Marsh, Jan, Pre-Raphaelite Sisterhood, (London: 1985), p. 273
  2. Burne-Jones, Georgiana. The Memorials of Edward Burne-Jones. — London, 1904.
  3. «Dante Gabriel Rossetti — Maria Theresa Zambaco» (գերմաներեն)։ Clemens Sels Museum Neuss։ Արխիվացված է օրիգինալից 2017-09-06-ին։ Վերցված է 2020-04-28 
  4. 4,0 4,1 «Mrs. Zambaco»։ Rossetti Archive 
  5. 5,0 5,1 «Mrs. Zambaco»։ Rossetti Archive