Բեատրիչե (նկար)
 | |
|---|---|
.jpg) | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1879 |
| բարձրություն | 36,5 սանտիմետր |
| լայնություն | 30 սանտիմետր |
| նյութ | յուղաներկ և կտավ |
| հավաքածու | անհայտ |
Ծանոթագրություններ | |
«Բեատրիչե» (ֆր.՝ Les peniches à Billancourt), անգլիացի նկարիչ և բանաստեղծ, «Պրեռաֆայելիտների եղբայրության» հիմնադիրներից Դանթե Գաբրիել Ռոսսետտիի նկարներից։ Հեղինակը կտավը վրձնել է 1879 թվականին։ Յուղաներկով կտավի չափերն են՝ 36,5 × 30 սմ։
Այսօր «Բեատրիչե» ստեղծագործությունը գտնվում է մասնավոր հավաքածուում։
Նկարագիր[խմբագրել | խմբագրել կոդը]
.jpg)
«Բեատրիչե» ստեղծագործության համար որպես բնորդուհի կեցվածք է ընդունել Ջեյն Մորրիսը։ Նկարի հետևում բանաստեղծություն է գրված՝ Դանթե Ալիգիերիի «Նոր կյանք» ժողովածուից. «Tanto gentile e tanto onesta pare» [Այդչափ ազնվազարմ, այդչափ համեստ չկա…])[1]: Ռոսսետտիի կնոջ՝ Էլիզաբեթ Սիդդալի մահից հետո, ում նույնպես որպես Բեատրիչե էր նկարել, հեղինակն իր զգացմունքները Ջեյն Մորիսի հանդեպ պատկերացնում էր որպես Դանթեի և Բեատրիչեի հարաբերություններ։ Նկարը ստեղծվել է որպես «Մարիանա» կտավի կրկնություն, որը նկարվել է 1870 թվականին. այս նկարում հերոսուհու սանրվածքը և վարսերի զարդը նույնն են մնացել[2]։
Կտավում բնորդուհին դիտողին չի նայում։ Կինը նայում է աջ, կարծես հետևում է ինչ-որ իրադարձության։ Գլուխը թեթևակի հակված է դեպի աջ և ներքև, չնայած որ դիտողը չի տեսնում կնոջ մարմինը։ Պարանոցը երկարաձգված է, որը ստեղծում է ուղղահայացության պատրանք[3]։
1883 թվականին նկարը վաճառվել է Ռոսսետտիի գործերի վաճառքի ժամանակ։ Այդ ժամանակ կտավը գնեց հեղինակի գործակալ Չարլզ Հաուելը։ Ավելի ուշ կտավն անցավ վերջինիս թոռանը՝ Չարլզ Բաթլերին։ 2015 թվականին Քրիստիս աճուրդի տանից կտավը գնել է մասնավոր անձ[4][5]։
Ծանոթագրություններ[խմբագրել | խմբագրել կոդը]
- ↑ «Beatrice»։ Rossetti Archive
- ↑ «Beatrice, a Portrait of Jane Morris»։ Victorian Web
- ↑ «Tragic Love in Rossetti's Beatrice (A Portrait of Jane Morris)»։ Victorian Web
- ↑ «Dante Gabriel Rossetti (1828-1882) Beatrice: A Portrait of Jane Morris signed»։ The Salesroom
- ↑ «Beatrice, a Portrait of Jane Morris by Dante Gabriel Rossetti»։ Peter Nahum At The Leicester Galleries
