Ջոն Էվերեթ Միլլե

Վիքիպեդիայից՝ ազատ հանրագիտարանից
Jump to navigation Jump to search
Ջոն Էվերեթ Միլլե
անգլ.՝ John Everett Millais
Millais - Self-Portrait.jpg
Ծնվել էհունիսի 8, 1829(1829-06-08)[1][2][3][4][5][6][7][8][9][10]
ԾննդավայրՍաութհեմփթոն, City of Southampton, Հեմփշիր, Միացյալ Թագավորություն[11]
Վախճանվել էօգոստոսի 13, 1896(1896-08-13)[1][2][3][4][5][6][7][8][9][10] (67 տարեկանում)
Մահվան վայրPalace Gate, Կենսինգտոն և Չելսի, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[11]
ՔաղաքացիությունFlag of the United Kingdom.svg Մեծ Բրիտանիայի և Իռլանդիայի միացյալ թագավորություն
ԿրթությունԹագավորական գեղարվեստական ակադեմիա
Մասնագիտություննկարիչ, նկարազարդող և լուսանկարիչ
ՈճՊրեռաֆայելիտներ[11]
Ժանրպատմական գեղանկարչություն և դիմանկար
Թեմաներգեղանկարչություն, Պատկերազարդում և փորագրություն
Ուշագրավ աշխատանքներPeace Concluded?, A Huguenot?, The Black Brunswicker?, Օֆելյա (Միլլեի նկար), Christ in the House of His Parents?, The Order of Release? և Մարիանա (Միլլեի նկար)
ՄեկենասներՋոն Ռասքին
ՊարգևներԱրվեստի և գիտության ոլորտում ունեցած վաստակի շքանշան Պատվավոր լեգիոնի շքանշանի սպա և Օքսֆորդի համալսարանի պատվավոր դոկտոր
ԱնդամակցությունԹագավորական գեղարվեստական ակադեմիա, Գեղեցիկ արվեստների ակադեմիա, Դիմանկարիչների թագավորական ընկերություն և Բեռլինի գեղարվեստի ակադեմիա
ՀայրՋոն Ուիլյամ Միլլե[7]
ՄայրMary Emily Evamy?[7]
ԱմուսինԷֆի Գրեյ[12]
ԶավակներJohn Guille Millais?[7][12], Sir Everett Millais, 2nd Baronet?[7], George Gray Millais?[7], Effie Gray Millais?[7][12], Mary Hunt Millais?[7], Alice Sophia Caroline Millais?[7][12], Sir Geoffrey William Millais, 4th Bt.?[7] և Sophia Margaret Jameson Millais?[7]
John Everett Millais Վիքիպահեստում

Ջոն Էվերեթ Միլլե (անգլ.՝ John Everett Millais, հունիսի 8, 1829(1829-06-08)[1][2][3][4][5][6][7][8][9][10], Սաութհեմփթոն, City of Southampton, Հեմփշիր, Միացյալ Թագավորություն[11] - օգոստոսի 13, 1896(1896-08-13)[1][2][3][4][5][6][7][8][9][10], Palace Gate, Կենսինգտոն և Չելսի, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[11])՝ անգլիացի խոշոր գեղանկարիչ, «Պրեռաֆայելիտների եղբայրության» հիմնադիրներից մեկը[13]:

Կենսագրություն[խմբագրել | խմբագրել կոդը]

Միլլեն ծնվել է Սաութհեմփթոն քաղաքում և սկսել է նկարել սովորել ինը տարեկանում[14]: 1838 թվականին, երբ ակնհայտ դարձան նրա ընդունակությունները, ընտանիքը տեղափոխվեց Լոնդոն[15]:

Ակադեմիա, «Պրեռաֆայելիտների եղբայրություն»[խմբագրել | խմբագրել կոդը]

1840 թ. դեկտեմբերին, 11 տարեկան հասակում ընդունվեց Գեղարվեստի թագավորական ակադեմիա, ակադեմիայի ամբողջ պատմության մեջ դառնալով ամենաերիտասարդ ուսանողը: Ակադեմիայում Ջոնը սովորեց վեց տարի[16]: 1843 թվականին նա արծաթե մեդալ ստացավ նկարի համար:

«Պիսառոն գերի է վերցնում պերուացի ինկերին» (Լոնդոն: Վիկտորիայի և Ալբերտի թանգարան)

15 տարեկանում հիանալի տիրապետում էր վրձնին: 1846 թվականին նրա «Պիսառոն գերի է վերցնում պերուացի ինկերին» պատմական կտավը ցուցադրվեց ակադեմիայի ամառային ցուցահանդեսի ժամանակ: Արդյունքում քննադատները ճանաչեցին կտավը, որպես այդ տարվա ակադեմիական ցուցահանդեսի լավագույն կտավ[14][17]:

«Քրիստոսը հայրական տանը»

1848 թվականին Միլանի ցուցահանդեսներից մեկի ժամանակ ծանոթանում է Ուիլյամ Հոլման Հանտի և Դանթե Գաբրիել Ռոսսետտիի հետ և նրանց հետ միասին հիմնադրում «Պրեռաֆայելիտների եղբայրությունը»[18]:

Նրա վաղ աշխատանքները բնութագրվում են զգալի մանրամասնությամբ, հատկապես «Քրիստոսը հայրական տանը» (Christ In The House Of His Parents, 1850 թվական, Լոնդոն) կտավը, որը համարեցին չափազանց իրատեսական և «Թայմս» թերթում անվանեցին «զայրացուցիչ»: Սակայն Միլլեին դա չշփոթեցրեց, և նա շարունակեց իր արվեստը պրեռաֆայելիտների շրջանում: Իրականում Միլլեի կտավների տեխնիկական կատարելությունը առանձնանում էր այլ գեղանկարիչների շրջանում, այդ իսկ պատճառով Միլլեի աշխատանքները միշտ ընդունում էին ակադեմիայի ցուցահանդեսների ժամանակ:

Միլեի հուշրձանը Լոնդոնում

Նրան աջակցում էր քննադատ Ջոն Ռասկին, ով միանգամից նկատել էր Միլլեի տաղանդը:

1853 թվականի ամռանը Ռասկին և նրա կինը՝ Էֆֆին Միլլեին, հրավիրեցին ամռանը գնալ Գլենֆինլաս: Միլլեն և Էֆֆին սիրեցին միմյանց և նրա սկանդալային ամուսնալուծությունից հետո ամուսնացան:

Օֆելյա
Մարիանա

Եղբայրության անկումից հետո[խմբագրել | խմբագրել կոդը]

Ամուսնությունը փոխեց Միլլեին. ընտանիքը պահելու համար նա պետք է արագ և մեծ քանակությամբ կտավներ ստեղծեր և թանկ վաճառեր:

Միլլեն հրաժարվեց պրեռաֆայելիտների գաղփարներից և հայացքներից, հատկապես «Սեր Իզյումբրաս» (1857 թվական) կտավը, որտեղ նկարիչը հեռացել էր պրեռաֆայելիտների տեխնիկայից, Ռասկին անվանեց «նույնիսկ ոչ անհաջող, այլ աղետալի»: Փոխարենը Միլլեն մեծ ճանաչում ձեռք բերեց և մեծ կարողություն վաստակեց՝ 30 հազար ֆունտ, տարվա ընթացքում նա դարձավ դիմանկարիչ, մասամբ բնանկարիչ (ընդ որում Միլլեն բնանկարները նկարում էր ոչ թե պատվերով, այլ որպես հոբբի) և դարձավ առաջի անգլիացի նկարիչը, ով ստացել է բարոնետի տիտղոս (1885 թվական): 1896 թվականին նա նախագահ ընտրվեց Գեղարվեստի թագավորական ակադեմիայում: Որպես կանոն Միլլեն նկարում է հայտնի մարդկանց դիմանկարներ, ովքեր բարձր դիրք են գրավում հասարակության մեջ:

Ներկայումս Միլեն համարվում է XIX դարի կեսերի անգլիացիների ամենասիրելի նկարիչներից մեկը:

Առավել հայտնի է  «Օֆելյա» (անգլ.՝ Ophelia, 1851-1852 թվականներ) կտավը, որտեղ պատկերված է Ռոսսետտիի սիրելին՝ Էլիզաբեթ Սիդալը: Մյուս հայտնի կտավը՝  «Հասած բալը» («Cherry Ripe», 1879 թվական):'

Նկարներ[խմբագրել | խմբագրել կոդը]

  • 1848 թվական՝ «Ռոմեո և Ջուլիետի մահը» (The Death of Romeo and Juliet) (Մանչեստերի արվեստի պատկերասրահ)
  • 1848-1849-ական թվականներ՝ «Իզաբելլա» (Isabella)
  • 1850 թվական՝ «Քրիստոսը հայրական տանը» (Christ In The House Of His Parents) (Թեյթ պատկերասրահ, Լոնդոն)
  • 1851 թվական՝ «Մարիաննա» (Mariana)
  • 1852 թվական՝ «Օֆելյա» կամ «Օֆելյայի մահը» (Ophelia), (Թեյթ պատկերասրահ, Լոնդոն)
  • 1856 թվական՝ «Աշնանային տերևներ» (Autumn Leaves)
  • 1862 թվական՝ «Հավատա ինձ» (Trust Me)
  • 1868 թվական՝ «Վանեսսա» (Vanessa)
  • 1873 թվական՝ «Վառելափայտ ձմռան համար» (Winter Fuel), (Մանչեստերի արվեստի պատկերասրահ)
  • 1873 թվական՝ «Էֆֆի Միլլեի դիմանկարը» (Portrait of Effie Millais)
  • 1875 թվական՝ «Հոկտեմբերյան ցուրտ» (Chill October)
  • 1886 թվական՝ «Օճառի պղպջակներ» (Bubbles)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France data.bnf.fr: տվյալների բաց շտեմարան — 2011.
  2. 2,0 2,1 2,2 2,3 2,4 John Everett (Sir) Millais
  3. 3,0 3,1 3,2 3,3 3,4 Benezit Dictionary of Artists — 2006. — ISBN 978-0-19-977378-7, 978-0-19-989991-3
  4. 4,0 4,1 4,2 4,3 4,4 SNAC — 2010.
  5. 5,0 5,1 5,2 5,3 5,4 Encyclopædia Britannica
  6. 6,0 6,1 6,2 6,3 6,4 Internet Speculative Fiction Database — 1995.
  7. 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 Lundy D. R. The Peerage
  8. 8,0 8,1 8,2 8,3 8,4 Mapping the Practice and Profession of Sculpture in Britain and Ireland 1851–1951
  9. 9,0 9,1 9,2 9,3 9,4 Discogs — 2000.
  10. 10,0 10,1 10,2 10,3 10,4 Բրոքհաուզի հանրագիտարան
  11. 11,0 11,1 11,2 11,3 11,4 11,5 11,6 Oxford Dictionary of National Biography / C. MatthewOxford: OUP, 2004.
  12. 12,0 12,1 12,2 12,3 Kindred Britain
  13. Фамилия произносится на манер французского языка: Merriam-Webster OnLine. В русских источниках нередко встречается «Миллес».
  14. 14,0 14,1 «Милле, Джон»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907 
  15. Tate Britain| Past Exhibitions | Millais
  16. Путеводитель по искусству. Под ред. Яна Чилверса. - М.: ОАО Издательство «Радуга», 2002
  17. Шестаков В. П. Прерафаэлиты: мечты о красоте. - М.: Прогресс-Традиция, 2004. ISBN 5-89826-217-2.
  18. Екатерина Беляева. Плодовит по семейным обстоятельствам. Выставка Джона Миллеса открылась в Амстердаме. - Газета «Культура» № 9, 12 марта 2008 г., с. 15

Արտաքին հղումներ[խմբագրել | խմբագրել կոդը]