Նադյա Աֆեյան

Նադյա Աֆեյան
Ծնվել է	մայիսի 3, 1917(1917-05-03) Վառնա, Բուլղարիայի թագավորություն
Երկիր	Բուլղարիա
Մահացել է	սեպտեմբերի 27, 2000(2000-09-27) (83 տարեկան) Մելբուռն, Ավստրալիա
Մասնագիտություն	օպերային երգչուհի
Երգչաձայն	մեցցո-սոպրանո
Գործիքներ	վոկալ
Ամուսին	Պողոս Աֆեյան

Նադյա Իվանի Աֆեյան (բուլղար․՝ Надежда Иванова Афеян, մայիսի 3, 1917(1917-05-03), Վառնա, Բուլղարիայի թագավորություն - սեպտեմբերի 27, 2000(2000-09-27), Մելբուռն, Ավստրալիա), բուլղարացի օպերային երգչուհի, մեցցո-սոպրանո, Բուլղարիայի ժողովրդական արտիստ (1969 թ․), Դիմիտրովյան մրցանակի դափնեկիր (1952 թ․)։

Բուլղարահայ ռեժիսոր և երգիչ Պողոս Աֆեյանի կինը և օպերային երգչուհի Նատալյա Աֆեյանի մայրը։

Կենսագրություն

Նադյա Աֆեյանը ծնվել է 1917 թվականի մայիսի 3-ին Բուլղարիայի թագավորության Վառնա քաղաքում։ 1947 թվականից աշխատել է Սոֆիայի Ազգային օպերայում։ 1960 թվականից ի վեր եղել է Բեռլինի պետական օպերայի աշխատակազմում։ Այնտեղ նա երգել է մինչև 1972 թվականը։ Իր երկարատև կարիերայի ընթացքում Նադյա Աֆեյանը բազմաթիվ անգամ հյուրընկալվել է Նորվեգիա, Շվեդիա, Դանիա, Հունաստան, Չինաստան, Լեհաստան և Չեխոսլովակիա։ Շնորհիվ գերմանական մեցցո-սոպրանո ռեպերտուարի՝ Նադյան նվաճել է հանդիսատեսի ոգևորությունը։ 1954 թվականին Նադյա Աֆեյանը բուլղարական երգերի լավագույն կատարման համար արժանացել է Բուլղարիայի կոմպոզիտորների միության մրցանակի։ 1959 թվակականին պարգևատրվել է «Կիրիլ և Մեֆոդի սրբերի» առաջին աստիճանի շքանշանով։

Դերեր

• Ամերիկա - "Այդա" - Ջուզեպպե Վերդի
• Էբոլի - "Դոն Կառլոս" - Ջուզեպպե Վերդի
• Ազուչենա - "Տրուբադուր" - Ջուզեպպե Վերդի
• Կարմեն - Կարմեն - Ժորժ Բիզե
• Մարիա - "Իվայլո" - Մարին Գոլեմինով
• Մարֆա - "Չավանս" - Մոդեստ Մուսորգսկի
• Եֆրոսինա - "Մոմչիլ" - Լյուբոմիր Պիպկով

Ընտանիքը

Նադյա Աֆեյանի երկրորդ ամուսինն է բուլղարահայ ռեժիսոր և երգիչ Պողոս Աֆեյանը։ Նրանց դուստրն է օպերային երգչուհի Նատալյա Աֆեյանը։

Մահը

Նադյա Աֆեյանը մահացել է ծանր հիվանդությունից՝ 2000 թվականի սեպտեմբերի 27-ին Ավստրալիայի Մելբուռն քաղաքում։

Աղբյուրներ

• Энциклопедия Болгарии, հատոր 1, БАС հրատարակչություն, Սոֆիա, 2011, էջ 139.