Վիկտորյա և Գրիգոր Թյությունջյան վարժարան
| Վիկտորյա և Գրիգոր Թյությունջյան վարժարան | |
|---|---|
_25.jpg) | |
 | |
 | |
| Տեսակ | միջնակարգ դպրոց |
| Հիմնադրված է | 1834 |
| Երկիր |  Բուլղարիա |
| Տեղագրություն | Պլովդիվ |
Վիկտորյա և Գրիգոր Թյությունջյան վարժարան կամ Պլովդիվի հայկական դպրոց, բուլղարահայ միջնակարգ կրթական կենտրոն Պլովդիվ քաղաքի հին հատվածում՝ սուրբ Գևորգ եկեղեցու հարևանությամբ։ Հիմնվել է 1834 թվականին ու տարբեր ժամանակաշրջանների ընդհատումներով`գործում է մինջև օրս[1]։
Պատմություն[խմբագրել | խմբագրել կոդը]
«Վարդանանց» վարժարանը հիմնադրվել է 1834 թվականին՝ որպես տարրական դպրոց, որտեղ սկզբում կրթություն են ստացել միայն տղաները։ Առաջին ուսուցիչը եղել է Պետրոս դպիր Տեր-Ստեփանյանը։ 1866 թվականին բացվել է նաեւ օրիորդաց «Վառվառյան» դպրոցը[2]։
Գոյություն ունեցող դպրոցի շենքը պահպանվել է գրեթե մինչև 19-րդ դարի վերջը, 1894 թվականին Պլովդիվի հայկական եկեղեցու բակում կառուցվել են նոր շենքեր՝ «Վարդանանց»՝ տղաների, և «Վառվառյան»՝ աղջիկների դպրոցներ[3]։ 1926 թվականին մասնագիտությամբ իրավաբան, դպրոցի խորհրդի նախագահ Վաղինակ Հայրապետյանը միավորում է երկու դպրոցները և դպրոցը գրանցում որպես կրտսեր միջնակարգ դպրոց։ Այսպիսով, կազմավորվեց Վարդանանց-Վարվարյան հայկական ազգային խառը վարժարանը։ 1925/1926 ուսումնական տարում դպրոցն ունեցել է մինչև յոթերորդ դասարան և ճանաչվել է կրտսեր ավագ դպրոցով տարրական դպրոց։
1942 թվականին Վիկտորյա և Գրիգոր Թյությունջյան ընտանիքի կողմից սկսվեց վարժարանի նոր շենքի կառուցումը։ 1944/1945 ուսումնական տարում դասերը սկսվեցին դպրոցի նորակառույց շենքում։ 1944 թվականից հետո, Բուլղարիայի թագավորության անկմամբ և Բուլղարիայի ժողովրդական հանրապետության ստեղծմամբ պայմանավորված, դպրոցը վերանվանվել է կոմունիստական շարժման առաջնորդներից մեկի՝ Ստեփան Շահումյանի անունով։ Կառավարության որոշմամբ հայկական դպրոցը փակվել է 1976 թվականին։
1990 թվականի ժողովրդավարական փոփոխություններից հետո դպրոցը վերաբացվեց նվիրատուների անունով՝ Թությունջյան ընտանիք։ 2003/2004 թվականներից «Մեսրոպ Մաշտոց» ասոցիացիայի շնորհիվ գլխավոր մասնաշենքին ավելացվել է նաև երկհարկանի շինություն, որտեղ ամբողջ օրը դասավանդում են առաջին դասարանցիներին։
2009 թվականի հուլիսին Երևանում կայացած օլիմպիադայում աշխարհի տարբեր ծայրերից ժամանած 130 հայ երեխաներից 20-ը ձեռք բերեց մրցանակներ, այդ թվում՝ դպրոցի երկու շրջանավարտներ՝ Ռաֆլին Սարգսյանը և Թերեզա Ոսկանյանը։
Հայտնի շրջանավարտներ[խմբագրել | խմբագրել կոդը]
Պլովդիվի հայկական դպրոցն ավարտել են հայտնի դեմքեր։ Այսօր դպրոցում սովորող երեխաների ճնշող մեծամասնությունը բուլղարացիներ են, դասավանդումն իրականացվում է բուլղարերենով։
- Գրիգոր Ազարյան – ռեժիսոր
- Գրիգոր Մարտիրոսյան – ջութակահար, ուսուցիչ ԱՄՆ-ում,
- Էմմա Տահմիզյան – դաշնակահարուհի
- Կարապետ Թովմասյան - Պլովդիվի քաղաքապետ
- Պետրոս Տողանյան - գործարար
- Վարդի Մանուելյան - ջութակահար ԱՄՆ-ում
Տես նաև[խմբագրել | խմբագրել կոդը]
- Պլովդիվի հայկական գերեզմանատուն
- Սուրբ Գևորգ եկեղեցի (Պլովդիվ)
- Հայոց ցեղասպանության հուշարձան (Պլովդիվ)
Ծանոթագրություններ[խմբագրել | խմբագրել կոդը]
- ↑ «ՀՀ դեսպան Արսեն Սհոյանի այցը Պլովդիվի դպրոց». bulgaria.mfa.am. Բուլղարիայում Հայաստանի դեսպանություն. 6 սեպտեմբերի 2013 թվական.
- ↑ «Арменското училище в Пловдив на 181 години». armenianchurch-bg.com. Арменската епархия.
{{cite web}}:|archive-url=requires|archive-date=(օգնություն) - ↑ «… ДО 1976 ГОДИНА». tutunjian.bg. Основно училище Виктория и Крикор Тютюнджян.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Վիկտորյա և Գրիգոր Թյությունջյան վարժարան կատեգորիայում։ |
