Վարդի Մանուելյան
| Վարդի Մանուելյան | |
|---|---|
| Ծնվել է | 1970 Պլովդիվ, Բուլղարիա |
| Երկիր |  ԱՄՆ |
| Մասնագիտություն | ջութակահար |
| Ամուսին | Մովսես Պողոսյան |
Վարդի Մանուելյան (1970, Պլովդիվ, Բուլղարիա), հայ ջութակահարուհի։ Ջութակահար Մովսես Պողոսյանի կինն է։
Կենսագրություն[խմբագրել | խմբագրել կոդը]
Վարդի Մանուելյանը ծնվել է 1970 թվականին Պլովդիվում (Բուլղարիա)։ Սովորել է Պլովդիվի «Պերկով» երաժշտական դպրոցում, ավարտել Բուլղարիայի երաժշտական ակադեմիան (Սոֆիա) և Քլիվլենդի երաժշտական ինստիտուտը (Դ. Վայլերշտեյնի դասարան)։ Բնակություն է հաստատել Գլենդելում. 2004 թվականին դարձել է Լոս Անջելեսի ֆիլհարմոնիայի «Դետրոյտ» սիմֆոնիկ նվագախմբի մենակատարուհի։ Դասավանդում է Քոլբուրնի երաժշտական ակադեմիայում։
Կամերային գործերի կատարումներով մասնակցել է «Մալբորո», «Էլ Պասո», «Օլիմպիական», «Էփլ Հիլ», «Սեբագո» երաժշտական փառատոներին։ Ճանաչված սիմֆոնիկ նվագախմբերի հետ շրջագայել է համերգային ծրագրերով (ԱՄՆ, Բուլղարիա, ԽՍՀՄ, Լեհաստան, Իսպանիա, Իտալիա) և մենահամերգներով։ Լոս Անջելեսի երաժշտական կազմակերպության «Ութնյակի» անդամ է։
2016 թվականին Վարդի Մանուելյանն ամուսնու՝ Մովսես Պողոսյանի հետ Երևանում նվագել է Հայաստանի սիմֆոնիկ նվագախմբում (դիրիժոր՝ Էդուարդ Թոփչյան)։
Վարդի Մանուելյանի և Մովսես Պողոսյանի՝ Ստեֆան Վոլփի ամբողջական ջութակի ստեղծագործությունների «Bridge Records» ձայնասկավառակը ընդգրկվել է Sunday Times-ի 2015 թվականի լավագույն տասնյակում (Մեծ Բրիտանիա)[1]։
Մրցանակներ[խմբագրել | խմբագրել կոդը]
- 1977 – Ա. Կոձիանի անվան մրցույթի դափնեկիր (Չեխոսլովակիա),
- 1985 – Հ. Վենյավսկու անվան մրցույթի դափնեկիր (Լեհաստան),
- 1991 – Քոնեքթիքութի ջութակահարների միջազգային մրցույթի դափնեկիր,
- 1993 – Բրայան միջազգային փառատոնի 1-ին մրցանակ (ԱՄՆ)։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|