Մովսես Պողոսյան
| Մովսես Պողոսյան | |
|---|---|
| Ծնվել է | օգոստոսի 16, 1967 (56 տարեկան) Երևան, Հայկական ԽՍՀ, ԽՍՀՄ |
| Մասնագիտություն | ջութակահար |
| Կրթություն | Երևանի Կոմիտասի անվան պետական կոնսերվատորիա և Մոսկվայի կոնսերվատորիա |
| Ամուսին | Վարդի Մանուելյան |
Մովսես Պողոսյան (օգոստոսի 16, 1967, Երևան, Հայկական ԽՍՀ, ԽՍՀՄ), հայ ջութակահար։ Ջութակահարուհի Վարդի Մանուելյանի ամուսինը։
Կենսագրություն[խմբագրել | խմբագրել կոդը]
Մովսես Պողոսյանը ծնվել է 1967 թվականի օգոստոսի 16-ին Երևանում։ Սովորել է Երևանի պետական կոնսերվատորիայում (Լ. Զորյանի, Վ. Մոկացյանի դասարաններ) և Մոսկվայի պետական կոնսերվատորիայում (Վ. Ա. Կլիմովի, Լ. Կրասների դասարաններ)։
1985 թվականին ԽՍՀՄ ջութակահարների ազգային և 1986 թվականին Մոսկվայի Պ. Ի. Չայկովսկու անվան միջազգային մրցանակաբաշխություններում հաղթելուց հետո հանդես է եկել Մոսկվայի, ապա՝ Բրանդենբուրգի սիմֆոնիկ նվագախմբերում, ԱՄՆ տեղափոխվելուց հետո՝ «Boston Pops»-ի հետ (Պ. Ի. Չայկովսկու կոնցերտ)։ Համերգներով շրջագայել է Գերմանիայում, Կիպրոսում, Հայաստանում և այլուր, համագործակցել մի շարք ճանաչված կոմպոզիտորների և կատարողների հետ։
Հրավիրվել է Լոս Անջելեսի կամերային նվագախմբի 2016-2017 թվականների համերգաշրջանի բացմանը (Տ. Մանսուրյանի ջութակի 2-րդ կոնցերտ)։
«Դիլիջան» (ԱՄՆ) կամերային երաժշտության համերգաշարի գեղարվեստական ղեկավարն է[1], Կալիֆոռնիայի համալսարանի «Herb Albert» երաժշտական դպրոցի պրոֆեսոր։
Մովսես Պողոսյանը նոր երաժշտության առաջատարներից է։ Թողարկել է խտասալիկներ։
Կնոջ՝ Վարդի Մանուելյանի հետ բազմիցս այցելել է Հայաստան, հանդես եկել (և՛ առանձին, և՛ միասին) Լորիս Ճգնավորյանի և Էդուարդ Թոփչյանի ղեկավարությամբ։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|