Կիրկոր Կիրկորով
| Կիրկոր Կիրկորով | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | բռնցքամարտիկ |
| Երկիր՝ |  Բուլղարիա |
| Ծննդյան ամսաթիվ՝ | մարտի 4, 1968 (56 տարեկան) |
| Ծննդավայր՝ | Վառնա, Բուլղարիա |
| 171 սանտիմետր | |
| Քաշ՝ | 57 կիլոգրամ[1] |
Կիրկոր Կիրկորով (բուլղ.՝ Киркор Михайлов Киркоров, մարտի 4, 1968, Վառնա, Բուլղարիա[2]), հայկական ծագումով բուլղարացի բռնցքամարտիկ, աշխարհի և Եվրոպայի սիրողական առաջնությունների չեմպիոն։
Մարզական կարիերա[խմբագրել | խմբագրել կոդը]
Մարզական առաջին խոշոր հաջողությունը ձեռք է բերել 1986 թվականին՝ Դանիայի մայրաքաղաք Կոպենհագենում անցկացված Եվրոպայի պատանեկան առաջնությունում մինչև 54 կիլոգրամ քաշային կարգում նվաճելով փոխչեմպիոնի տիտղոսը։ Ընդ որում՝ վճռորոշ՝ եզրափակիչ մենամարտում պարտվել է Գերմանական Դեմոկրատական Հանրապետության ներկայացուցիչ Դիեգո Դրումին[3]։
Դրանից երեք տարի անց՝ 1989 թվականին, Աթենքում կայացած Եվրոպայի մեծահասակների առաջնությունում ոսկե մեդալ է նվաճել՝ եզրափակիչում հաղթելով գերմանացի բռնցքամարտիկ Մարկո Ռուդոլֆոյին[4]։ Այդ նույն տարում Խորհրդային Միության մայրաքաղաք Մոսկվայում անցկացված աշխարհի առաջնությունում արժանացել է արծաթե մեդալի՝ եզրափակիչում զիջելով տանտերերի ներկայացուցիչ Այրաթ Խամատովին[5]։ 1991 թվականին շվեդական Գյոթեբորգ քաղաքում կայացած Եվրոպայի առաջնությունում դեռ քառորդ եզրափակիչում պարտվել է Ֆրանսիայի ներկայացուցիչ Ջամել Լիֆային և մնացել առանց մրցանակի[6]։ Սակայն այդ նույն տարում ավստրալիական Սիդնեյ քաղաքում անցկացված աշխարհի առաջնությունում հաղթելով իր բոլոր մրցակիցներին՝ հռչակվել է աշխարհի չեմպիոն և արժանացել ոսկե մեդալի[7]։
Կիրկորովը Բուլղարիայի հավաքականի կազմում մասնակցել է Սեուլի 1988 թվականի և Բարսելոնայի 1992 թվականի ամառային օլիմպիական խաղերին, բայց երկու օլիմպիադայից էլ վերադարձել է առանց մրցանակի[8]։
1993 թվականից նա իր ուժերը փորձել է պրոֆեսիոնալ բռնցքամարտում։ Այստեղ առաջին քսան մենամարտերն իրար հետևից ավարտել է հաղթանակով, բայց քսանմեկերորդում միավորների փոքր տարբերությամբ զիջել է մրցակցին։ Պրոֆեսիոնալ ռինգում նա ընդհանուր առմամբ տարել է 29 հաղթանակ և կրել 27 պարտություն։
Ծանոթագրություններ[խմբագրել | խմբագրել կոդը]
- ↑ Olympedia — 2006.
- ↑ Cytuj | url = https://www.olympedia.org/athletes/1081 | tytuł = Kirkor Kirkorov | opublikowany = olympedia.org | język = en | data dostępu = 2020-07-01
- ↑ cytuj| url = http://amateur-boxing.strefa.pl/Championships/EuropeanJuniorChampionships1986.html%7C(չաշխատող հղում) tytuł = 9.European Junior Championships - Copenhagen, Denmark - September 15-21 1986| data dostępu = 2013-09-22| opublikowany = amateur-boxing.strefa.pl| język = en
- ↑ cytuj| url = http://amateur-boxing.strefa.pl/Championships/EuropeanChampionships1989.html%7C(չաշխատող հղում) tytuł = 28.European Championships - Athens, Greece - May 29 - June 3 1989| data dostępu = 2013-09-22| opublikowany = amateur-boxing.strefa.pl| język = en
- ↑ cytuj| url = http://amateur-boxing.strefa.pl/Championships/WorldChamps1989.html%7C(չաշխատող հղում) tytuł = 5.World Championships - Moscow, Soviet Union - September 17 - October 1 1989| data dostępu = 2013-09-22| opublikowany = amateur-boxing.strefa.pl| język = en
- ↑ cytuj| url = http://amateur-boxing.strefa.pl/Championships/EuropeanChampionships1991.html%7C(չաշխատող հղում) tytuł = 29.European Championships - Gothenburg, Sweden - May 7-12 1991| data dostępu = 2013-09-22| opublikowany = amateur-boxing.strefa.pl| język = en
- ↑ cytuj| url = http://amateur-boxing.strefa.pl/Championships/WorldChamps1991.html%7C(չաշխատող հղում) tytuł = 6.World Championships - Sydney, Australia - November 15-23 1991| data dostępu = 2013-09-22| opublikowany = amateur-boxing.strefa.pl| język = en
- ↑ По материалам базы данных amateur-boxing.strefa.pl
Մատենագրություն[խմբագրել | խմբագրել կոդը]
- https://boxrec.com/en/proboxer/19523: Wykaz walk zawodowych Kirkorowa, 2020, boxrec.com, անգլերեն
- http://www.sportenote.com/vedi_dettagli.asp?id=18773: Kirkor KIRKOROV, 2013, Sport & Note, անգլերեն
Արտաքին հղումներ[խմբագրել | խմբագրել կոդը]
- Profil bei BoxRec
- Website: amateur-boxing.strefa.pl
- Киркор Киркоров(անգլ.) — պրոֆեսիոնալ մենամարտերի վիճակագրություն BoxRec կայքում։
- Киркор Киркоров – օլիմպիական վիճակագրությունը Sports-Reference.com կայքում (անգլ.)
| ||||||
