Արուսյակ Բալթայան
| Արուսյակ Բալթայան | |
|---|---|
| Ծնվել է | մայիսի 18, 1971 (52 տարեկան) Պլովդիվ, Բուլղարիա |
| Մասնագիտություն | երաժիշտ և ջութակահարուհի |
Արուսյակ Կարոյի Բալթայան (մայիսի 18, 1971, Պլովդիվ, Բուլղարիա), հայազգի ջութակահարուհի։
Կենսագրություն[խմբագրել | խմբագրել կոդը]
Արուսյակ Բալթայանը ծնվել է 1971 թվականի մայիսի 18-ին, Բուլղարիայի Պլովդիվ քաղաքում[1]։
Ավարտել է Պլովդիվի «Դոբրին Պետհով» բարձրագույն երաժշտական դպրոցը, որից հետո՝ ԱՄՆ-ի Կենտրոնական Արկանզասի համալսարանն ու ստացել բակալավրի աստիճան։ Բրիտանական խորհրդի կրթաթոշակով ուսումը շարունակել է Լոնդոնի երաժշտության և դրամայի «Հիլդհոլ» դպրոցում՝ Ի. Նիմաևի ղեկավարությամբ։
Երաժշտության մագիստրոսի աստիճան ստացել է Հարավային Կալիֆոռնիայի համալսարանում (2003, ղեկ.՝ Մ. Չալիֆուրի)։ Հանդես է գալիս Լոս Անջելեսի ֆիլհարմոնիայի սիմֆոնիկ, «Նյու Վեսթ» սիմֆոնիկ և կամերային նվագախմբերի հետ։
Արուսյակ Բալթայանըը մենահամերգներով շրջագայել է ԱՄՆ-ում, Մեծ Բրիտանիայում, Ավստրիայում, Գերմանիայում, Իտալիայում, Իսպանիայում, Չեխիայում։ 1993 թվականին Հոլանդիայում թողարկել է խտասալիկ՝ Արամ Խաչատրյանի ջութակի կոնցերտը[2]։
Մրցանակներ[խմբագրել | խմբագրել կոդը]
- Արամ Խաչատրյանի անվան միջազգայինմրցանակ (1990, Նյու Յորք)
- Wid-American («Լեոպոլդ Շոպմեյքեր» մրցանակ, 1991, 1995, Կանզաս Սիթի)
- «Բեթհովեն ակումբի» («Ռուդոլֆ Լիպիցեր» մրցանակ, 1996, Իտալիա)
- «Maurice Warshaw» (Մեծ Բրիտանիա, 1997)
- Բերբանկի ֆիլհարմոնիկ (Մեծ մրցանակ, 2002)
Ծանոթագրություններ[խմբագրել | խմբագրել կոդը]
- ↑ «Гаро Балтаян | Вестник "ДУМА"». duma.bg. Վերցված է 2023 թ․ հունվարի 26-ին.
- ↑ Հայ երաժշտության հանրագիտարան. Երևան: «Հայկական հանրագիտարան. հրատարակչություն»,. 2019. էջեր 108–109.
{{cite book}}: Text "Գիտահրատարակչական խորհուրդ՝ Հ. Մ. Այվազյան (գլխ. խմբագիր) և ուրիշներ" ignored (օգնություն)CS1 սպաս․ հավելյալ կետադրություն (link)
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|