Երևան (թերթ, Սոֆիա)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Երևան (այլ կիրառումներ)

«Երևան», գրական, հասարակական-քաղաքական և մշակութային շաբաթաթերթ (սկզբում՝ եռօրյա)։ «Երևան» մշակութային միության կենտրոնական վարչության պաշտոնաթերթ: Լույս է տեսնում 1944 թվականից, Սոֆիայում՝ հայերեն, բուլղարերեն: Խմբագիրներ՝ Մ. Փաչաճյան, Բ. Թյուֆենկճյան, Հ. Օրմանճյան, Կարո Հայրապեայան, 1996 թվականից՝ Վարդանուշ Թոքաբաշյան։ Լուսաբանում է բուլղարահայերի մասնակցությունը երկրի հասարակական-քաղաքական, տնտեսական և մշակութային կյանքին։

Եղել է Բուլղարահայ «Երևան» մշակութային միության կենտրոնական վարչության օրգանը։ Լույս է տեսնում 1944 թվականից, Սոֆիայում։ Խմբագիրներ՝ Ս․ Փաչաճյան, Բ․ Թյուֆենկճյան, Կ․ Օրմանճյան։ Պրոպագանդում էր մարքս-լենինյան տեսությունը, լուսաբանում Բուլղարիայում սոցիալիզմի կառուցման ընթացքը, պայքարում հանուն բուլղարա-խորհրդային բարեկամության ամրապնդման։ Ակնարկներով, դիմանկարներով, հոդվածներով ընթերցողներին է ներկայացնում բուլղարահայ գիտնականներին, հասարակական գործիչներին, մշակույթի ներկայացուցիչներին։ Տպագրում է ԲԿԿ ԿԿ-ի և Բուլղարիայի կառավարության որոշումները, տեղեկություններ՝ ներքին ու արտաքին քաղաքականության մասին։ Կատարում է արտատպումներ հանրապետական մամուլից, պատմում ֆաշիզմի դեմ պայքարում զոհված բուլղարահայ հերոսների մասին։ «Երևան»-ը արտացոլում է Խորհրդային Հայաստանի տնտեսության, արդյունաբերության, գիտության ու արվեստի հաջողությունները, տպագրում արձակ և չափածո գործեր։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 565 CC-BY-SA-icon-80x15.png