Լևոն Արոնյան

Լևոն Գրիգորի Արոնյան
Լևոն Արոնյանը
Պետություն(ներ)
Ծննդյան ամսաթիվ	հոկտեմբերի 6 1982(1982-10-06)
Ծննդավայր	Երևան, Հայկական ԽՍՀ
Կոչում	Գրոսմայստեր (2000)
Առավելագույն վարկանիշ	2825 (մայիս, 2012, 2-ը ՖԻԴԵ-ի ցուցակում)
Ներկայիս վարկանիշ	2825 (մայիս, 2012, 2-ը ՖԻԴԵ-ի ցուցակում)
Պարգևներ և մրցանակներ	Մովսես Խորենացու մեդալ (2006); «Հայրենիքին մատուցած ծառայությունների համար» մեդալ (2008)
Անձնական էջ ՖԻԴԵ-ի կայքում

Լևոն Արոնյան (ծնվել է 1982-ի հոկտեմբերի 6-ին, Երևանում), հայ շախմատիստ, միջազգային գրոսմայստեր։ 2005-ի աշխարհի գավաթակիր, Հայաստանի հավաքականի կազմում 37-րդ և 38-րդ համաշխարհային օլիմպիադաների, 2011 թ. աշխարհի թիմային առաջնության հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Բիլբաո–Մեծ սաղավարտի հաղթող, 2009-ի արագ շախմատի աշխարհի չեմպիոն, 2008-ի և 2009-ի Ֆիշերի շախմատի աշխարհի չեմպիոն, 2010-ի կայծակնային շախմատի աշխարհի չեմպիոն, 2002-ի Հայաստանի չեմպիոն: 2011-ին Մոնակոյում նա մասնակցեց «կույր» և արագ շախմատի «Ամբեր» ավանդական մրցաշարին և դարձավ նրա վերջին հաղթողը (մրցաշարն այլևս չի անցկացվելու): Երկու տարի անընդմեջ` 2005-ին և 2006-ին, մարզական լրագրողների հարցմամբ ճանաչվել է Հայաստանի լավագույն մարզիկ: 2012-ի մայիսի 1-ի դրությամբ անհատական վարկանիշով աշխարհի 2-րդ շախմատիստն է (2825):

Կենսագրություն

Հայրը՝ Գրիգորի Արոնովը, ֆիզիկոս-բյուրեղագետ է, մայրը՝ Սեդա Արոնյանը, լեռնային ճարտարագետ : Շախմատ խաղալ սովորել է ինը տարեկանում` քրոջից: Մանկության տարիներին նրա մարզիչը եղել է ներկայումս գրոսմայստեր Մելիքսեթ Խաչիյանը: Տարիներ անց նրան մոտ կես տարի մարզել է գրոսմայստեր Արշակ Պետրոսյանը, որի հետ պարապմունքների ժամանակ Արոնյանը յուրացրել է շախմատի բազմաթիվ նրբություններ: 1994-ին Հունգարիայի Սեգեդ քաղաքում դարձել է մինչև 12 տարեկանների աշխարհի չեմպիոն: Այդ առաջնությունում նա իրենից հետ թողեց ապագա բարձրակարգ գրոսմայստերներ Էթիեն Բաքրոյին (Ֆրանսիա), Ռուսլան Պոնոմարյովին (Ուկրաինա), Ֆրանսիսկո Վալիեխոյին (Իսպանիա) և Ալեքսանդր Գրիշչուկին (Ռուսաստան): Այդ առաջնությունում հաղթելու համար Արոնյանին շնորհվեց ՖԻԴԵ-ի վարպետի կոչում: 1995-ին Փարիզում Արոնյանը հաղթեց մինչև 14 տարեկանների արագ շախմատի աշխարհի առաջնությունում: 1996-ին դարձավ միջազգային վարպետ: 1997-ին Արոնյանը նվաճեց «Կասպարովի գավաթը»: 1999-ին դարձավ Հայաստանի փոխչեմպիոն և ընդգրկվեց Հայաստանի հավաքականի կազմում, որը Բաթումում դարձավ Եվրոպայի չեմպիոն: 2000-ից միջազգային գրոսմայստեր է: 2002-ին Հնդկաստանում նա նվաճեց մինչև 20 տարեկանների աշխարհի չեմպիոնի կոչումը:

Լևոն Արոնյան. 14.08.2005

2001-ից ապրում է Գերմանիայում, սակայն շարունակում է ներկայացնել Հայաստանը, որը համարում է իր հայրենիքը. «Գերմանիայում ինձ լավ եմ զգում, սակայն... դա իմ հայրենիքը չէ»: 2003-ին դարձավ Ֆիշերի շախմատի (շախմատ 960) գծով Մայնցի մրցաշարի հաղթող: 2005 թ Հիկարու Նակամուրայի և Բորիս Ավրուխի հետ համատեղ հաղթեց Ջիբրալթարի մրցաշարում, իսկ Ստեփանակերտի մրցաշարում դարձավ միանձնյա հաղթող` առաջ անցնելով նույն Նակամուրայից և ուկրաինացի Վասիլի Իվանչուկից: Այդ հաղթանակներով սկսվեց Արոնյանի վերելքը և նա ներխուժեց շախմատային էլիտա:

2005-ի դեկտեմբերին նա հասավ իր կարիերայի առայժմ ամենամեծ նվաճմանը` Խանտի Մանսիյսկում նվաճեց ՖԻԴԵ-ի աշխարհի գավաթը: Այդ մրցաշարի եզրափակչում նա 3—1 (0,5—0,5, 0,5—0,5, 1—0, 1—0) հաշվով առավելության հասավ Ռուսլան Պոնոմարյովի նկատմամբ: Այդ հաղթանակը նրան հնարավորություն ընձեռեց պայքարելու աշխարհի չեմպիոնի կոչման հավակնորդների մրցամարտերում: 2007-ին առաջին մրցամարտում նա 7—5 հաշվով առավելության հասավ նորվեգացի Մագնուս Կառլսենի, իսկ երկրորդում 3,5—2,5 հաշվով` Իսպանիայի դրոշի ներքո հանդես եկող Ալեքսեյ Շիրովի նկատմամբ և նվաճեց հավակնորդների մրցաշարին մասնակցելու իրավունք: Մեքսիկայի մայրաքաղաք Մեխիկոյում կայացած այդ մրցաշարում Արոնյանը հանդես եկավ վատառողջ վիճակում, ցույց տվեց ոչ այնքան լավ արդյունք և զբաղեցրեց նախավերջին` 7-րդ տեղը:

Լևոն Արոնյան. 19.08.2007

Աշխարհի գավաթը նվաճելուց հետո Արոնյանին սկսեցին հրավիրել մասնակցելու գերմրցաշարերին: Այդպիսի առաջին մրցաշարը հոլանդական Վեյկ ան Զեյում կայացած 19-րդ կարգի մրցաշարն էր, որտեղ Արոնյանը վաստակեց միավորների կեսը և 14 մասնակիցների մեջ բաժանեց 7—9-րդ տեղերը: 2006-ի մարտին նա գերազանց հաղթանակ տարավ Լինարեսի (Իսպանիա) 20-րդ կարգի ուժեղագույն մրցաշարում` 14 հնարավորից վաստակելով 8,5 միավոր (+5–2=4): Նա առաջ անցավ մի շարք ուժեղագույն գրոսմայստերներից, այդ թվում` ՖԻԴԵ-ի աշխարհի չեմպիոն Վեսելին Տոպալովից: Նույն թվականի հունիսին Վլադիմիր Հակոբյանի, Կարեն Ասրյանի, Սմբատ Լպուտյանի, Գաբրիել Սարգսյանի և Արտաշես Մինասյանի հետ դարձավ Թուրինի 37-րդ համաշխարհային օլիմպիադայի հաղթող: Այդ հաղթանակի համար նա և թիմակիցները պարգևատրվեցին Մովսես Խորենացու մեդալով: Երկու տարի անց Հայաստանի հավաքականը Դրեզդենում կրկնեց իր հաջողությունը` դառնալով 37-րդ համաշխարհային օլիմպիադայի չեմպիոն: Այդ հաղթանակի համար Արոնյանը և թիմի մյուս անդամները` Վլադիմիր Հակոբյանը, Գաբրիել Սարգսյանը, Տիգրան Լ. Պետրոսյանը և Արտաշես Մինասյանը, պարգևատրվեցին «Հայրենիքին մատուցած ծառայությունների համար» 1-ին աստիճանի մեդալով: 2010-ի նոյեմբերին Մոսկվայում դարձավ Միխայիլ Տալի հուշամրցաշարի հաղթող, մի քանի օր անց կրկին Մոսկվայում դարձավ կայծակնային շախմատի աշխարհի չեմպիոն:

Դառնալով ՖԻԴԵ-ի Մեծ մրցանակի (2008—2010) հաղթող` Արոնյանն իրավունք նվաճեց մասնակցելու աշխարհի չեմպիոնի կոչման հավակնորդների մրցամարտերին: 2011-ի մայիսին Ռուսաստանի Կազան քաղաքում մասնակցեց աշխարհի չեմպիոնի կոչման հավակնորդների մրցախաղերին, որտեղ ութ գրոսմայստերներ վիճարկում էին աշխարհի չեմպիոն Վիշվանաթան Անանդի հետ մրցախաղ անցկացնելու իրավունքը: Արոնյանի առաջին մրցակիցը ռուսաստանցի Ալեքսանդր Գրիշչուկն էր: Հիմնական չորս պարտիաներն ավարտվեցին ոչ-ոքի, իսկ արագացված ժամակարգով լրացուցիչ պարտիաներում հայ շախմատիստը 1,5—2,5 հաշվով տանուլ տվեց և դուրս մնաց հետագա պայքարից:

2011-ի հուլիսի 17—26-ին Չինաստանի Նինբո քաղաքում Հայաստանի հավաքականի կազմում (Լևոն Արոնյան, Սերգեյ Մովսիսյան, Վլադիմիր Հակոբյան, Գաբրիել Սարգսյան, Ռոբերտ Հովհաննիսյան) դարձավ աշխարհի թիմային առաջնության հաղթող:

2010-ի նոյեմբերին առաջին անգամ հաղթահարեց 2800 միավորի սահմանը (2801) և դարձավ աշխարհում վեցերորդ շախմատիստը (աշխարհի չեմպիոններ Գարի Կասպարովից, Վլադիմիր Կրամնիկից, Վիշվանաթան Անանդից, Վեսելին Տոպալովից, ինչպես նաև նորվեգացի Մագնուս Կառլսենից հետո), որին հաջողվեց հաղթահարել անհատական վարկանիշի այդ գերգրոսմայստերական նիշը:

Մասնակցությունը մրցաշարերին և մրցախաղերին

Տարի	Երկիր, քաղաք	Մրցաշար	+	=	−	Արդյունք	Տեղ
1993	Սլովակիա, Բրատիսլավա	Մինչև 12 տարեկանների աշխարհի առաջնություն	6	1	4	6½ 11-ից	17
1994	Ռումինիա, Բեյլե Էրկուլանե	Մինչև 12 տարեկանների Եվրոպայի առաջնություն	6	1	2	6½ 9-ից	3
	Ֆրանսիա, Փարիզ	Մինչև 12 տարեկանների Եվրոպայի առաջնություն (արագ շախմատ)	3	1	1	3½ 5-ից	3
	Հունգարիա, Շեգեդ	Մինչև 12 տարեկանների աշխարհի առաջնություն	8	0	1	8 9-ից	1
1995	Ռումինիա, Բուխարեստ	Bucharest Dreptatea մրցաշար	1	6	6	4 13-ից	13
	Ռումինիա, Բուխարեստ	Շրջանաձև մրցաշար	5	7	1	8½ 13-ից	3
	Ֆրանսիա, Վերդեն	Մինչև 14 տարեկանների Եվրոպայի առաջնություն	6	0	3	6 9-ից	3
	Ֆրանսիա, Փարիզ	Մինչև 14 տարեկանների աշխարհի առաջնություն (արագ շախմատ)	6	2	1	7 9-ից	1
	Ռուսաստան, Մոսկվա	Շրջանաձև մրցաշար	3	5	3	5½ 11-ից	6
1996	Ֆրանսիա, Կանն	Բաց մրցաշար	3	3	3	4½ 9-ից	35—44
	Ֆրանսիա, Կապել լա Գրանդ	12-րդ բաց մրցաշար	1	0	1	1 2-ից	Ժամկետից շուտ լքել է մրցաշարը
	Չեխիա, Պարդուբիցե	Komercni Banka բաց մրցաշար	4	2	3	5 9-ից	65
	Հայաստան, Երևան	32-րդ համաշխարհային օլիմպիադա (Հայաստանի 2-րդ հավաքականի կազմում` 2-րդ պահեստային խաղացող)	3	1	3	3½ 7-ից	50 (թիմը)
	Ռուսաստան, Մոսկվա	Ռուսաստանի գավաթ, 2-րդ փուլ	4	2	3	5 9-ից	59
	Ռուսաստան, Օմսկ	Ռուսաստանի գավաթ, 3-րդ փուլ	3	2	4	4 9-ից	34
	Հայաստան, Երևան	Երևանի բաց մրցաշար	4	5	2	6½ 11-ից	31
	Իսպանիա, Մենորկա	Մինչև 14 տարեկանների աշխարհի առաջնություն	6	5	0	8½ 11-ից	1
	Հայաստան, Երևան	Հայաստանի բարձրագույն խմբի 56-րդ առաջնություն	2	7	4	5½ 13-ից	9
	Չեխիա, Դեչին	Բաց մրցաշար	4	3	2	5½ 9-ից	14
1997	Ռուսաստան, Մոսկվա	Կասպարովի գավաթ	7	2	0	8 9-ից	1
	Վրաստան, Պասանաուրի	Բաց մրցաշար	2	1	1	2½ 4-ից	(մրցաշարի մասին ամբողջական տվյալներ չկան)
	Իրան	«Ֆաջր» 6-րդ բաց մրցաշար	5	1	3	5½ 9-ից	7
1998	Իսպանիա, Ուբեդա	3-րդ բաց մրցաշար	4	1	1	4½ 6-ից	(մրցաշարի մասին ամբողջական տվյալներ չկան)
	Իսպանիա, Լինարես	«Անիբալ» 5-րդ բաց մրցաշար	2	2	1	3 5-ից	(մրցաշարի մասին ամբողջական տվյալներ չկան)
	Ռումինիա, Բուխարեստ	Վիկտոր Չոկիլտյայի հուշամրցաշար	3	7	3	6,5 13-ից	7—9
	Բելառուս, Մինսկ	«Ցեպտեր» միջազգային բաց մրցաշար	2	3	1	3,5 6-ից	(մրցաշարի մասին ամբողջական տվյալներ չկան)
1999	Սլովենիա, Պորտորոժ	Դոկտոր Մ. Վիդմարի 13-րդ հուշամրցաշար	2	6	2	5 10-ից	4
	Իսպանիա, Ուբեդա	4-րդ բաց մրցաշար	3	2	2	4 7-ից	(մրցաշարի մասին ամբողջական տվյալներ չկան)
	Ռումինիա, Բուխարեստ	Վիկտոր Չոկիլտյայի հուշամրցաշար	3	8	2	7 13-ից	5
	ԱՄՆ, Լաս Վեգաս	ՖԻԴԵ-ի աշխարհի առաջնություն					Հաղթանակ մրցախաղում Էդուարդաս Ռոզենտալիսի նկատմամբ (2—0)` 1/64 եզրափակչում, պարտություն Յան Թիմանից (½—1½)` 1/32 եզրափակչում:
	Հայաստան, Երևան	Մինչև 20 տարեկանների աշխարհի առաջնություն	7	4	2	9 13-ից	3—4
	Հայաստան, Երևան	Հայաստանի բարձրագույն խմբի առաջնություն	6	3	2	7½ 11-ից	2
	Վրաստան, Բաթում	Եվրոպայի թիմային առաջնություն, 4-րդ խաղատախտակ	4	4	1	6 9-ից	1 (թիմը)
2000	Գերմանիա	Գերմանիայի բունդեսլիգայի առաջնություն				6 11-ից
	Իսպանիա, Լինարես	«Անիբալ» 7-րդ բաց մրցաշար	5	3	2	6½ 10-ից	13—19
	Իսպանիա, Ուբեդա	5-րդ բաց մրցաշար	4	4	2	6 10-ից	15—20
	Հայաստան, Երևան	Բաց մրցաշար	2	4	3	4 9-ից	22
	Հայաստան, Երևան	Հայաստանի բարձրագույն խմբի առաջնություն	2	5	2	4½ 9-ից	6
	Հայաստան, Երևան	Մինչև 20 տարեկանների աշխարհի առաջնություն	5	5	3	7½ 13-ից	13
	Մեծ Բրիտանիա, Հաստինգս	76-րդ միջազգային մրցաշար	2	6	1	5 9-ից	5
2001	Ֆրանսիա, Կապել լա Գրանդ	17-րդ միջազգային բաց մրցաշար				7 9-ից	3—11
		Dos Hermanas համացանցային միջազգային մրցաշար					Հաղթանակ 1-ին փուլի մրցախաղում Ալեքսանդր Ֆինկելի նկատմամբ` 2—0, պարտություն 2-րդ փուլում Իվան Սոկոլովից 1—2 հաշվով
	Շվեյցարիա, Լոզան	Երիտասարդ վարպետների մրցաշար	6	4	2	8 12-ից	1
	Մակեդոնիա, Օհրիդ	Եվրոպայի 2-րդ անհատական առաջնություն	3	7	3	6½ 13-ից	104
	Հունաստան, Աթենք	Մինչև 20 տարեկանների աշխարհի առաջնություն	6	6	0	9½ 13-ից	1
	Հայաստան, Երևան	Հայաստանի բարձրագույն խմբի 61-րդ առաջնություն	5	4	1	7 10-ից	2
	Գերմանիա	Գերմանիայի բունդեսլիգայի առաջնություն				8 14-ից
2002	Հայաստան, Երևան	Հայաստանի բարձրագույն խմբի 62-րդ առաջնություն				6 9-ից	4
	Գերմանիա, Բադ Վայսե	Offene Bayer Meister բաց մրցաշար				4½ 9-ից	1—7
	Հնդկաստան, Գոա	Մինչև 20 տարեկանների աշխարհի առաջնություն				10 13-ից	1
	Դանիա, Նիկոբինգ Մորս	Morso Invitational մրցաշար	2	5	2	4½ 9-ից	6
	Գերմանիա	Գերմանիայի բունդեսլիգայի առաջնություն				8 10-ից
	Վրաստան, Բաթում	Եվրոպայի 3-րդ անհատական առաջնություն	6	4	3	8 13-ից	19
2003	Ռուսաստան, Մոսկվա	«Աերոֆլոտ օփեն—2003»				5 9-ից	59
	Գերմանիա, Դայցիզաու	Neckar-Open միջազգային բաց մրցաշար				7 9-ից	1—13
	Թուրքիա, Սիլիվրի	Եվրոպայի 4-րդ անհատական առաջնություն	4	9	0	8½ 13-ից	11
	Գերմանիա	Գերմանիայի բունդեսլիգայի առաջնություն				4½ 7-ից
	Նիդերլանդներ, Հոգևեն	Essent Crown Group մրցաշար	1	4	1	3 6-ից	2—3
2004	Իսրայել	Իսրայելի ակումբային առաջնություն				2 2-ից
	Ֆրանսիա	Ֆրանսիայի ակումբային առաջնություն				1½ 3-ից
	Ռուսաստան, Մոսկվա	«Աերոֆլոտ օփեն—2004»				5½ 9-ից	21
	Իսլանդիա, Ռեյկյավիկ	«Ռեյկյավիկ օփեն—2004»				6½ 9-ից	1—8
	Լիբիա, Տրիպոլի	ՖԻԴԵ-ի աշխարհի առաջնություն					Հաղթանակներ մրցախաղերում Մագնուս Կառլսենի (2½—1½), Գադիր Հուսեյնովի (2—0) նկատմամբ, պարտություն 1/16 եզրափակչում Պավել Սմիռնովից (3—4):
	Թուրքիա, Բելեք	Եվրոպայի 5-րդ անհատական առաջնություն	5	7	1	8½ 13-ից	3
	Լիբիա, Տրիպոլի	Herren Weltmeisterschaft 2004					13
	Իտալիա, Կալվիա	36-րդ համաշխարհային օլիմպիադա, 2-րդ խաղատախտակ	4	8	0	8 12-ից	3 (թիմը)
2005	Մեծ Բրիտանիա, Ջիբրալթար	«Ջիբտելեկոմ Մաստերս—2005»				7½ 10-ից	1—5
	Ռուսաստան, Մոսկվա	«Աերոֆլոտ օփեն—2005»	3	5	1	5½ 9-ից	11—24
	Ռուսաստան, Դագոմիս	Ռուսաստանի ակումբային առաջնություն («Տոմսկ—400» թիմի կազմում), 3-րդ խաղատախտակ				7½ 9-ից	1 (թիմը)
	Ֆրանսիա	Top 16				2½ 4-ից
	Գերմանիա	Գերմանիայի բունդեսլիգայի առաջնություն				9½ 13-ից
	Նիդերլանդներ	Նիդերլանդների թիմային առաջնություն				4 4-ից
	Լեհաստան, Վարշավա	Եվրոպայի 6-րդ անհատական առաջնություն	5	8	0	9 13-ից	3
	Գերմանիա, Մայնց	Արագ շախմատի «Ordix-open 2005» մրցաշար	8	2	1	9 11-ից	2
	Շվեդիա, Գյոթեբորգ	Եվրոպայի թիմային առաջնություն, 2-րդ խաղատախտակ	2	5	1	4½ 8-ից	12 (թիմը)
	Իտալիա, Սեն Վենսան, Աոստա	Եվրոպայի ակումբային գավաթ («Տոմսկ-400» թիմի կազմում), 1-ին խաղատախտակ	2	5	0	4½ 7-ից	1 (թիմը)
	Իսրայել, Բեեր Շևա	Աշխարհի թիմային առաջնություն, 1-ին խաղատախտակ	2	6	0	5 8-ից	3 (թիմը)
	Ռուսաստան, Խանտի Մանսիյսկ	Աշխարհի գավաթի խաղարկություն	10	8	0	14 18-ից	Հաղթանակներ նախնական փուլերի մրցախաղերում Ֆրատի (2—0), Սադվակասովի (2—0), Արեշչենկոյի (1½—½), Վալեխո Պոնսի (1—1, արագ շախմատով` 1½—½), Միխայիլ Գուրևիչի (1½—½), կիսաեզրափակչում՝ Էթիեն Բաքրոյի (1½—½) և եզրափակչում՝ Ռուսլան Պոնոմարյովի (3—1) նկատմամբ:
	Իսպանիա, Մերիդա	Իսպանիայի թիմային առաջնություն				3 4-ից
2006	Նիդերլանդներ, Վեյկ ան Զեյ	19-րդ կարգի մրցաշար	3	7	3	6½ 13-ից	7—9
	Իսպանիա, Լինարես	«Լինարես–2006» գերմրցաշար	5	7	2	8½ 14-ից	1
	Ֆրանսիա, Նիցցա	«Ամբեր—2006» «կույր» և արագ շախմատի մրցաշար (տրված են ընդհանուր հաշվարկի արդյունքները)	7	7	8	10½ 22-ից	7—8 («կույր»` 10, արագ` 2)
	Գերմանիա	Գերմանիայի բունդեսլիգայի առաջնություն («Կրոյցբերգ» թիմի կազմում), 1-ին խաղատախտակ	1	2	0	2 3-ից	6 (թիմը)
	Ռուսաստան, Դագոմիս	Ռուսաստանի ակումբային առաջնություն («Տոմսկ—400» թիմի կազմում), 1-ին խաղատախտակ	2	3	1	3½ 6-ից	6 (1-ին խաղատախտակի վրա), 3 (թիմը)
	Իտալիա, Թուրին	37-րդ համաշխարհային օլիմպիադա, 1-ին խաղատախտակ	4	6	1	7 11-ից	1 (թիմը)
	Գերմանիա, Դորտմունդ	19-րդ կարգի մրցաշար	0	4	3	2 7-ից	7
	Գերմանիա, Մայնց	«Շախմատ—960»-ի (Ֆիշերի շախմատ) աշխարհի առաջնություն, եզրափակիչ մրցախաղ չեմպիոն Պյոտր Սվիդլերի հետ	5	0	3	5 8-ից	Հաղթանակ 5—3 հաշվով
	Ռուսաստան, Մոսկվա	Մ. Տալի հուշամրցաշար	3	5	1	5½ 9-ից	1—3
2007	Նիդերլանդներ, Վեյկ ան Զեյ	20-րդ կարգի մրցաշար	4	9	0	8½ 13-ից	1—3
	Մեքսիկա, Մորելիա, Իսպանիա, Լինարես	«Մորելիա–Լինարես–2007» գերմրցաշար	1	12	1	7 14-ից	4—5
	Ֆրանսիա, Նիցցա	«Ամբեր—2007» «կույր» և արագ շախմատի մրցաշար (տրված են ընդհանուր հաշվարկի արդյունքները)	8	8	6	12 22-ից	4—5 («կույր»` 6, արագ` 6)
	Գերմանիա	Գերմանիայի բունդեսլիգայի առաջնություն («Կրոյցբերգ» թիմի կազմում), 1-ին խաղատախտակ	1	1	1	1½ 3-ից	8 (թիմը)
	Հայաստան, Երևան	Ընկերական մրցախաղ աշխարհի չեմպիոն Վլադիմիր Կրամնիկի հետ (արագ շախմատ)	3	2	1	4 6-ից	Հաղթանակ 4—2 հաշվով
	Ռուսաստան, Էլիստա	Աշխարհի չեմպիոնի կոչման հավակնորդների մրցախաղ Մագնուս Կառլսենի հետ (1-ին փուլ)	2	2	2	3 6-ից	Հաղթանակ ընդհանուր 7—5 հաշվով (արագ շախմատի լրացուցիչ պարտիաներում` 2—2, կայծակնային պարտիաներում` 2—0)
	Ռուսաստան, Էլիստա	Աշխարհի չեմպիոնի կոչման հավակնորդների մրցախաղ Ալեքսեյ Շիրովի հետ (2-րդ փուլ)	1	5	0	3½ 6-ից	Հաղթանակ 3½—2½ հաշվով
	Մեքսիկա, Մեխիկո	Աշխարհի առաջնություն, եզրափակիչ մրցաշար	2	8	4	6 14-ից	7
	Հունաստան, Հերակլիոն	Եվրոպայի թիմային առաջնություն, 1-ին խաղատախտակ	1	7	0	4½ 8-ից	2 (թիմը)
	Ռուսաստան, Խանտի Մանսիյսկ	Աշխարհի գավաթի խաղարկություն	5	6	1	8 12-ից	Հաղթանակներ մրցախաղերում Խուան Պաբլո Օբաիկայի (2—0), Յան Գուստաֆսոնի (1½—½), Էռնեստո Ինարկիևի (1—1, արագ շախմատով` 2—0) նկատմամբ, պարտություն ⅛ եզրափակչում Դմիտրի Յակովենկոյից (1—1, արագ շախմատով` ½—1½):
2008	Նիդերլանդներ, Վեյկ ան Զեյ	20-րդ կարգի մրցաշար	4	8	1	8 13-ից	1—2
	Մեքսիկա, Մորելիա, Իսպանիա, Լինարես	«Մորելիա–Լինարես–2008» գերմրցաշար	3	9	2	7½ 14-ից	3—4
	Ֆրանսիա, Նիցցա	«Ամբեր—2008» «կույր» և արագ շախմատի մրցաշար (տրված են ընդհանուր հաշվարկի արդյունքները)	8	13	1	14½ 22-ից	1 («կույր»` 1—4, արագ` 1)
	Բուլղարիա, Սոֆիա	«Մ-Տել Մաստերս» գերմրցաշար	0	6	4	3 10-ից	5—6
	Ռուսաստան, Սոչի	ՖԻԴԵ-ի Մեծ մրցանակի մրցաշար	5	7	1	8½ 13-ից	1
	Իսպանիա, Բիլբաո	«Մեծ սաղավարտի» եզրափակիչ մրցաշար	3	4	3	5 10-ից	3
	Հունաստան, Հալկիդիկի	Եվրոպայի ակումբային գավաթ («Միկա» թիմի կազմում), 1-ին խաղատախտակ	2	3	1	3½ 6-ից	12 (թիմը)
	Գերմանիա, Դրեզդեն	38-րդ համաշխարհային օլիմպիադա, 1-ին խաղատախտակ	2	7	1	5½ 10-ից	1 (թիմը)
	Չինաստան, Նանկին	Pearl Spring Chess գերմրցաշար	2	7	1	5½ 10-ից	2
2009	Նիդերլանդներ, Վեյկ ան Զեյ	«Կորուս—2009» գերմրցաշար	3	9	1	7½ 13-ից	2
	Իսպանիա, Լինարես	«Լինարես—2009» գերմրցաշար	3	7	4	6½ 14-ից	5—7
	Ֆրանսիա, Նիցցա	«Ամբեր—2009» «կույր» և արագ շախմատի մրցաշար (տրված են ընդհանուր հաշվարկի արդյունքները)	9	10	3	14 22-ից	1 («կույր»` 1—3, արագ` 1—3)
	Ռուսաստան, Նալչիկ	ՖԻԴԵ-ի Մեծ մրցանակի մրցաշար	5	7	1	8½ 13-ից	1
	Հայաստան, Ջերմուկ	ՖԻԴԵ-ի Մեծ մրցանակի մրցաշար	5	6	2	8 13-ից	2—3 (ժամանակից շուտ ապահովեց 1-ին տեղը մրցաշարքում)
	Իսպանիա, Բիլբաո	«Մեծ սաղավարտի» եզրափակիչ մրցաշար	4	1	1	4½ 6-ից	1
	Մակեդոնիա, Օհրիդ	Եվրոպայի ակումբային գավաթ («Միկա» թիմի կազմում), 1-ին խաղատախտակ	3	3	1	4½ 7-ից	2 (թիմը)
	Սերբիա, Նովի Սադ	Եվրոպայի թիմային առաջնություն, 1-ին խաղատախտակ	2	5	1	4½ 8-ից	4 (թիմը)
	Ռուսաստան, Մոսկվա	Մ. Տալի հուշամրցաշար	2	6	1	5 9-ից	4—5
	Ռուսաստան, Մոսկվա	Կայծակնային շախմատի աշխարհի առաջնություն	14	14	14	21 42-ից	12
2010	Թուրքիա, Բուրսա	Աշխարհի թիմային առաջնություն, 1-ին խաղատախտակ	4	4	1	6 9-ից	2 (1-ին խաղատախտակի վրա), 5 (թիմը)
	Իսպանիա, Լինարես	«Լինարես—2010» գերմրցաշար	1	9	0	5½ 10-ից	3
	Մոնակո, Մոնտե Կառլո	«Ամբեր—2010» «կույր» և արագ շախմատի մրցաշար (տրված են ընդհանուր հաշվարկի արդյունքները)	8	6	8	11 22-ից	9 («կույր»` 9, արագ` 5—7)
	Չինաստան, Շանհայ	«Մեծ սաղավարտի» եզրափակիչ մրցաշար	1	4	1	3 6-ից	2—3
	Բուլղարիա, Պլովդիվ	Եվրոպայի ակումբային գավաթ («Միկա» թիմի կազմում), 1-ին խաղատախտակ	3	3	0	4½ 6-ից	1 (1-ին խաղատախտակի վրա), 11 (թիմը)
	Ռուսաստան, Մոսկվա	Մ. Տալի հուշամրցաշար	2	7	0	5½ 9-ից	1—3
	Ռուսաստան, Մոսկվա	Կայծակնային շախմատի աշխարհի առաջնություն				24½ 38-ից	1
2011	Նիդերլանդներ, Վեյկ ան Զեյ	20-րդ կարգի մրցաշար	3	10	0	8 13-ից	3—4
	Մոնակո, Մոնտե Կառլո	«Ամբեր—2011» «կույր» և արագ շախմատի մրցաշար (տրված են ընդհանուր հաշվարկի ընթացիկ արդյունքները)	10	11	1	15½ 22-ից	1 («կույր»` 1, արագ` 2)
	Ռուսաստան, Կազան	Աշխարհի չեմպիոնի կոչման հավակնորդների մրցախաղ Ալեքսանդր Գրիշչուկի հետ (¼ եզրափակիչ)	1	5	2	3½ 8-ից	Պարտություն 3½—4½ հաշվով («դասական» պարտիաներ՝ 2—2, «արագ» պարտիաներ՝ 1½—2½)
	Չինաստան, Նինբո	Աշխարհի թիմային առաջնություն, 1-ին խաղատախտակ	3	4	1	5 8-ից	2 (1-ին խաղատախտակի վրա), 1 (թիմը)
	Ռուսաստան, Մոսկվա	«Բոտվիննիկի հուշամրցաշար» (արագ շախմատ)	2	2	2	3 6-ից	2
	Բրազիլիա, Սան Պաուլու, Իսպանիա, Բիլբաո	«Մեծ սաղավարտի» եզրափակիչ մրցաշար	2	6	2	5 10-ից	3—5
	Գերմանիա	Գերմանիայի բունդեսլիգայի 2011—2012 թթ. առաջնություն («Բեռլին 1903» թիմի կազմում)	1	0	0	1 1-ից	(Առաջնության 15 խաղափուլերից 9 կայացել են 2012-ին)
	Հունաստան, Պորտո Կարաս	Եվրոպայի թիմային առաջնություն, 1-ին խաղատախտակ	3	5	0	5½ 8-ից	2 (1-ին խաղատախտակի վրա), 4 (թիմը)
	Ռուսաստան, Մոսկվա	Մ. Տալի հուշամրցաշար	2	7	0	5½ 9-ից	1—2 (լրացուցիչ ցուցանիշներով՝ 2)
	Մեծ Բրիտանիա, Լոնդոն	«Լոնդոն Չեսս կլասսիկ» 3-րդ մրցաշար	1	6	1	4 8-ից	5—6
2012	Նիդերլանդներ, Վեյկ ան Զեյ	Tata Steel Chess փառատոնի գլխավոր մրցաշար	7	4	2	9 13-ից	1
	Գերմանիա	Գերմանիայի բունդեսլիգայի 2011—2012 թթ. առաջնություն («Բեռլին 1903» թիմի կազմում)	1	1	0	1½ 2-ից	10 (թիմը) (Լևոն Արոնյանն իր պարտիաներից մեկը խաղացել է 2011-ին)
	Շվեյցարիա, Ցյուրիխ	Ընկերական մրցախաղ աշխարհի նախկին չեմպիոն Վլադիմիր Կրամնիկի հետ	1	4	1	3 6-ից	Վերջնական հաշիվը` 3—3: Արագ շախմատ (ընդհանուր հաշվարկից դուրս. եթե հիմնական պարտիան ոչ-ոքի էր ավարտվում 3 ժամից շուտ, խաղացվում էր արագ պարտիա)` Արոնյան — Կրամնիկ` 1—0

Խաղաոճը

Արոնյանը համարվում է ժամանակակից ամենավառ և ինքնատիպ շախմատիստներից մեկը: Նա հատկապես ուժեղ է այն դիրքերում, որտեղ ունի նախաձեռնություն, լավ է տիրապետում վերջնախաղի գաղտնիքներին: Արագ, կայծակնային և Ֆիշերի շախմատի մեծ վարպետ է:

Աղբյուրներ

• Լևոն Արոնյանի անձնական քարտը ՖԻԴԵ-ի կայքում (անգլ.)
• Լևոն Արոնյանի պարտիաները (անգլ.)
• Լևոն Արոնյանի հարցազրույցը ChessPro կայքին (ռուս.)
• Լևոն Արոնյանի կենսագրությունը (անգլ.)
• Հոդված Լևոն Արոնյանի մասին (ռուս.)