Լևոն Արոնյան
Վիքիփեդիայից՝ ազատ հանրագիտարանից
| Լևոն Արոնյան | |
 գրոսմայստեր |
|
| Ծննդյան օր՝ | հոկտեմբեր 6, 1982 |
| Ծննդավայր՝ | Երևան, ՀԽՍՀ  |
Լևոն Արոնյան (ծնվել է 1982 թ. հոկտեմբերի 6, Երևան)՝ հայ շախմատի գրոսմայստեր։ Լևոն Արոնյանի հայրը՝ Գրիգորիյ Արոնովը, հրեա ֆիզիկոս է, մայրը ազգությամբ հայ է։ Ծննդական վկայականում իր անունը եղել է Լև Արոնով։ Երբ պարզ դարձան Լևի շախմատային ունակությունները, Լև Արոնովի անունը և ազգանունը հայաֆիկացվեցին։
Ապրիլի 1-ի դրությամբ 2759 վարկանիշով նա զբաղեցնում է աշխարհում հինգերորդ տեղը։ 24-ամյա Արոնյանը շախմատային էլիտա ներխուժեց իր հաղթանակներով: Հաղթարշավը սկսվեց Ջիբրալթար, Ղարաբաղ-2005, Տալի հուշամրցաշար, Վեյկ ան Զեե մրցաշարերով, Խանտի-Մանսիյսկում կայացած ՖԻԴԵ-ի Աշխարհի գավաթով և 20-րդ կարգի Մորելիա-Լինարես գերմրցաշարով։ Արոնյանը պատանիների կրկնակի չեմպիոն է (1994 թ.` մինչև 12 և 2002 թ.` մինչև 20 տարեկանների շրջանում), նրա հաղթանակների շարքին է պատկանում նաև համաշխարհային 37-րդ օլիմպիադայում գրաված Թուրինի ոսկին:
 |
Սա անձի մասին անավարտ հոդված է։ Դուք կարող եք օգնել Վիքիփեդիային՝ ուղղելով և լրացնելով այն։ |
