Լատվիա

Վիքիպեդիայից՝ ազատ հանրագիտարանից
Latvijas Republika
Լատվիայի Հանրապետություն
Լատվիայի դրոշ
Դրոշ
Լատվիայի զինանշանը
Զինանշան
Ազգային օրհներգ՝
Dievs, svētī Latviju!
Լատվիայի դիրքը
Մայրաքաղաք
Ամենամեծ քաղաք
Ռիգա
Պետական լեզուներ լատվիերեն
Անկախություն
Տարածք
 -  Ընդհանուր 64,589 կմ² 
 -  Ջրային (%) 1.5
Բնակչություն
 -  2006 նախահաշիվը 2,291,000 
 -  2000 մարդահամարը 2 375 000 
 -  Խտություն 36 /կմ² 
93 /մղոն²
Դրամական միավոր Լատ (LVL)
Ժամային գոտի (UTC+2)
 -  Ամռանը (DST)  (UTC+3)
Ինտերնետ .lv
Հեռախոսային կոդ +371

Լատվիա (Լատվիերեն՝ Latvija), պաշտոնապես Լատվիայի Հանրապետություն (Latvijas Republika), պետություն Հյուսիսային Եվրոպայում։ Մայրաքաղաքն է Ռիգան։ Լատվիան մերձբալթիկ երկրներից մեկն է՝ Էստոնիայի և Լիտվայի հետ, որոնք համատասխանաբար սահմանակցում են հյուսիսից և հարավից։ Արևելքից Լատվիան սահմանակցում է Ռուսաստանին և Բելառուսին։ Երկիրը բաժանված է 4 մասերի՝ Կուրզեմե, Վիդզեմե, Զեմգալե և Լատգալե։

Լատվիացիները խոսում են լատվիերեն, որն ունի մի փոքր նմանություններ լիտվերենի հետ։

Լատվիայի ներկայիս նախագահն է Անդրիս Բերզինշը։

Պատմությունը[խմբագրել]

Լատվիայի տարածքը բնակեցվել է հազարավոր տարիներ առաջ՝ բալթիկ ցեղերի կողմից։ Այդ ցեղերը գլավորապես զբաղվում էին ձկնորսութամբ, որսորդութամբ և առևտրով։

Գերմանացի խաչակիրները և առևտրականները գալիս են Լատվիա 12-րդ դարի վերջին։ Դա պատճառ է հանդիսանում լատվիացիների համար կորցնելու իրենց ինքնավարությունը և մոտ 800 տարի լատվիացիները ստիպված են լինում պայքարել իրենց երկիր ներխուժող գերմանացիների, դանիացիների, շվեդների, լեհերի ու ռուսների դեմ։ Լատվիան ի վերջո դառնում է անկախ 1918 թ.-ին։

Երկրորդ համաշխարհային պատերազմի ժամանակ սովետական բանակը հարձակվում է Լատվիայի վրա և բավականին շատ թվով լատվիացիների աքսորում Սիբիր և այլ տեղեր՝ հեռու իրենց հայրենիքից։ Հետո երկիր է մտնում նացիստական Գերմանիան և սպանում Լատվիայում բնակվող հրեաներին։ Այնուհետև կրկին սովետական բանակը մտնում է Լատվիա և ամբողջովին օկուպացնում երկիրը։ Լատվիան վերջապես ձեռք է բերում անկախությունը 1991 թ.-ին՝ ԽՍՀՄ փլուզումից հետո։