Լիխտենշտայն

Fürstentum Liechtenstein Լիխտենշտեյն
Դրոշ
Ազգային հիմն՝ Oben am jungen Rhein
Մայրաքաղաք		Վադուց
Ամենամեծ քաղաք		Շաան
Պետական լեզու(ներ)		գերմաներեն
Անկախություն
Տարածք
-	Ընդհանուր	160 կմ²   մղոն²
Բնակչություն
-	2006 նախահաշիվը	33 987
-	2000 մարդահամարը	33,307
-	Խտություն	210 /կմ²  544 /մղոն²
Դրամական միավոր		Շվեյցարական ֆրանկ (CHF)
Ժամային գոտի		CET (UTC+1)
-	Ամռանը (DST)	CEST (UTC+2)
Ինտերնետ		.li
Հեռախոսային կոդ		+423

Լիխտենշտայն այս փոքրիկ պետությունը գտնվում է Եվրոպայի կենտրոնում՝ Ավստրիայի և Շվեյցարիայի միջև՝ Հռենոս գետի աջ ափին։ 1699 — 1712 Վադուց կոմսության և Շելլենբերգ տիրույթի (Սրբազան հռոմեական կայսրության կազմում) հողերը ձեռք է բերել Լիխթենշթայն տոհմի ավստրիական իշխանը և 1719 դրանք միավորել Լիխտենշտայն իշխանության մեջ։ Այն 1805 դեկտեմբերի 26 հռչակել է իր անկախությունն Ավստրիայից։ Հետագայում եղել է տարբեր երկրների կազմերում։ 1921 պաշտոնապես լինելով ինքնուրույն պետություն, անցել է Շվեյցարիայի հովանավորության տակ։ Վերջինս էլ իրականացնում է Լիխտենշտայնի դիվանագիտական ներկայացուցչությունը։

Երկրի բնակիչները ավստրիացիներ և գերմանա — շվեյցարացիներ են

Պետության տարածքի մեծ մասը զբաղեցնում են Ալպերի անտառապատ լեռնաճյուղերը։ Արևմուտքում Հռենոսի հովիտն է։ Կլիման լեռներում խիստ է, հարթավայրերում` մեղմ տաք։ Ունի բավականին զարգացած արդյունաբերություն, արտադրում են ժամանակակից հաշվողական տեխնիկա, քիմիական տարբեր նյութեր, դեղորայք։ Բնակիչներն զբաղվում են անասնապահությամբ, մշակում հացահատիկ, խաղող, եփում գարեջուր։ Ֆաբրիկաներից մեկն էլ հայտնի է ամբողջ աշխարհին, այնտեղ պատրաստում են արհեստական ատամներ:Լիխտեյնշտայնի իշխանությունում խոսում են, հիմնականում, գերմաներեն։ Այս փոքր պետությունը բանակ չունի, իսկ ամբողջ ոստիկանությունը հաշվվում է 18 մարդ։ Պետությունը գլխավորում է իշխանը։

Պատմությունը

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լիխտենշտայն կատեգորիայում։