Ալեքսանդր Ալյոխին

Վիքիպեդիայից՝ ազատ հանրագիտարանից
Ալեքսանդր Ալեքսանդրի Ալյոխին
Алекса́ндр Алекса́ндрович Але́хин
Alexandre Alekhine 01.jpg
Շախմատի աշխարհի չորրորդ չեմպիոն
Ծնվել է հոկտեմբերի 191892
Ծննդավայր Մոսկվա, Ռուսաստան
Մահացել է մարտի 24, 1946 (53 տարեկանում)
Մահվան վայր Էշտորիլ, Պորտուգալիա

Ալեքսանդր Ալեքսանդրի Ալյոխին (ռուս.՝ Алекса́ндр Алекса́ндрович Але́хин, հոկտեմբերի 19, 1892 - մարտի 24, 1946), ռուս շախմատիստ, տեսաբան։ Աշխարհի 4-րդ չեմպիոն (19271935, 19371946)։ Հաղթել է Կապաբլանկային և Էյվեին։ Շախմատի համաշխարհային օլիմպիադաներում գլխավորել է Ֆրանսիայի հավաքականը։ Կոմբինացիոն ոճի փայլուն շախմատիստ էր, «կույր խաղի» վարպետ։

1921 թվականից բնակվել է Ֆրանսիայում։ [1]

Ալյոխինը մտավ աշխարհի ուժեղագույն շախմատիստների ցուցակի մեջ Առաջին համաշխարհային պատերազմից առաջ՝ գրավելով երրորդ տեղը 1914 թվականի պետերբուրգյան մրցաշարի ժամանակ, իսկ 1921 թվականին նա լքում է Ռուսաստանը և մշտական բնակություն հաստատում Ֆրանսիայում, որտեղ քաղաքացիություն է ստանում 1925 թվականին: 1927 թվականին Ալյոխինը նվաճել է աշխարհի չեմպիոնի տիտղոսը՝ հաղթելով անհաղթ համարվող Խոսե Ռաուլ Կապաբլանկային և այնուհետև մի քանի տարի շարունակ՝ մրցակիցների նկատմամբ մեծ առավելության հասնելով, հաղթում էր իր ժամանակի խոշորագույն մրցաշարերում: Երկու անգամ (1929 և 1933 թվականներին) Ալյոխինը Եֆիմ Բոգոլյուբովի դեմ խաղի ժամանակ պաշտպանել է իր տիտղոսը, 1935 թվականին նա պարտվել է Մաքս Էյվեին, սակայն երկու տարի անց հաղթել է ռևանշ-մենամարտի ժամանակ և պահպանում էր իր տիտղոսը մինչ մահը: Ալյոխինը դարձել է աշխարհի միակ շախմատի չեմպիոնը, ով մահացել է անհաղթ:

Ալյոխինը խիստ բազմակողմանի շախմատիստ էր: Ամենից շատ նա հայտնի է խաղի հարձակողական ոճով և ազդեցիկ, խորը հաշվարկված հնարքներով: Բացի այդ, նրան են պատկանում սկզբնախաղում մեծ քանակությամբ տեսական մշակումներ, նա տիրապետում էր վերջնախաղի բարձր տեխնիկայի:


Ծանոթագրություններ[խմբագրել]

  1. Ալբերտ Միքայելյան, Մարզաշխարհի հարյուր գերաստղեր, Երևան, «ՎՄՊ-Պրինտ», 2008, էջ 10։

Արտաքին հղումներ[խմբագրել]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Commons-logo.svg