Վասիլի Սմիսլով

Վիքիպեդիայից՝ ազատ հանրագիտարանից
Վասիլի Վասիլևիչ Սմիսլով
Васи́лий Васи́льевич Смысло́в
Smyslov2002.jpg
Շախմատի աշխարհի յոթերորդ չեմպիոն
Ծնվել է մարտի 24, 1921
Ծննդավայր Մոսկվա, Ռուսաստան
Մահացել է մարտի 27, 2010
Մահվան վայր Մոսկվա, Ռուսաստան

Վասիլի Վասիլևիչ Սմիսլով (Васи́лий Васильевич Смысло́в) (Մարտ 24, 1921 - Մարտ 27, 2010) ԽՍՀՄ, հետագայում ռուս շախմատիստ, գրոսմայստեր, շախմատի աշխարհի 7-րդ չեմպիոն (1957-1958)։ ԽՍՀՄ չեմպիոն (1949)։ Եռակի Մոսկվայի չեմպիոն (1938, 1942, 1944/45)։ Համաշխարհային շախմատային օլիմպիադային իննակի հաղթող ԽՍՀՄ թիմի կազմում (1952, 1954, 1956, 1958, 1960, 1964, 1968, 1970, 1972)։

Աշխարհի առաջնության խաղերում երեք անգամ հանդիպել է Մ․ Բոտվիննիկի հետ․ 1954 թվականին՝ ոչ ոքի, 1957 թվականին՝ հաղթանակ, 1958 թվականին՝ պարտություն։ Աշխարհի առաջնության խաղ-մրցաշարի (1948 թվականին, 2-րդ տեղ Մ․ Բոտվիննիկից հետո) և եզրափակիչ փուլի (1984 թվական) մասնակից։ ԽՍՀՄ հավաքականի կազմում մասնակցել է շախմատային օլիմպիադաների (1952—1972 թվականներին) և Եվրոպայի առաջնությունների 1951—1973 թվականներին։ Պարգևատրվել է Լենինի շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png