Ֆելիքս Ցոլակյան

Ֆելիքս Ցոլակյան;
Ծնվել է	հունվարի 27, 1952 (72 տարեկան)
Ծննդավայր	Ներքին Ջրափի, Աղինի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	Նահանգապետ և քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր, Minister of Emergency Situations? և Governor of Shirak?
Կուսակցություն	Հայաստանի Հանրապետական կուսակցություն
Պարգևներ և ; մրցանակներ	և

Ֆելիքս Խոստեղի Ցոլակյան (հունվարի 27, 1952(1952-01-27), Ներքին Ջրափի, Աղինի շրջան, Հայկական ԽՍՀ, ԽՍՀՄ), ՀՀ պետական գործիչ, ՀՀ 6-րդ գումարման ԱԺ պատգամավոր, գեներալ-լեյտենանտ (2009 թ.)^[1], ՀՀ արտակարգ իրավիճակների նախարար (04.10.2018 թ.)^[2]:

Կրթություն

1969-1974 - սովորել և ավարտել է Երևանի պետական համալսարանի պատմության ֆակուլտետը։

Աշխատանքային գործունեությունը

1974-1976 - Արարատ քաղաքի արդյունաբերատեխնիկական տեխնիկում։
1976-1980 - ՀԼԿԵՄ Արարատի շրջկոմի քարտուղար, ապա երկրորդ քարտուղար։
1980-1985 - ՀԽՍՀ ՊԱԿ Գորիսի բաժանմունքի օպերլիազոր, ավագ օպերլիազոր։
1985-1991 - ՀԽՍՀ ՊԱԿ Եղեգնաձորի բաժանմունքի պետ։
1991-1992 - Եղեգնաձորի շրջանային գործադիր կոմիտեի նախագահի տեղակալ։
1993-1996 - ՀՀ ԱԱՊՎ Մասիսի բաժանմունքի պետ։
1996-1997 - ՀՀ ԱԱՆ, ապա ՀՀ ՆԳ և ԱԱՆ Շիրակի մարզային վարչության պետ։
1997-1999 - ՀՀ ՆԳ և ԱԱՆ Երևանի քաղաքային վարչության պետ։
1999-2003 - ՀՀ Նախագահի վերահսկողական ծառայության ղեկավար։
2003-2007 - ՀՀ ԿԱ հարկային պետական ծառայության պետ։
2007 թ. հուլիս-հոկտեմբեր - ՀՀ Նախագահի խորհրդական։
2007 թ. նոյեմբերի 1-ին ՀՀ Նախագահի հրամանագրով նշանակվել է ՀՀ Ազգային անվտանգության ծառայության տնօրենի տեղակալ։
2013 թ. մարտի 6-ին ՀՀ Նախագահի հրամանագրով ազատվել է ՀՀ Ազգային անվտանգության ծառայության տնօրենի տեղակալի պաշտոնից^[3]։
2013 թ. մարտի 7-ին ՀՀ Կառավարության որոշմամբ նշանակվել է Հայաստանի Հանրապետության Շիրակի մարզպետ^[4]։
2016 թ. փետրվարի 24-ին ՀՀ կառավարության որոշմամբ ազատվել է Հայաստանի Հանրապետության Շիրակի մարզպետի պաշտոնից՝ իր դիմումի համաձայն^[5]։
2016 թվականի հունիսի 29-ին ՀՀ նախագահի հրամանագրով նշանակվել է Հայաստանի Հանրապետության Նախագահի վերահսկողական ծառայության ղեկավար^[6]։
2017 թվականի մայիսի 17-ին ՀՀ Նախագահի հրամանագրով Ֆելիքս Ցոլակյանը ազատվել է Հայաստանի Հանրապետության Նախագահի վերահսկողական ծառայության ղեկավարի պաշտոնից^[7]։
2018 թվականի հոկտեմբերի 4-ին ՀՀ Նախագահի հրամանագրով նշանակվել է ՀՀ արտակարգ իրավիճակների նախարար^[2]։