Լուսաշող

Լուսաշող
Գյուղ
	Լուսաշող
	ռուս.՝ Карахач
Երկիր	Հայաստան
Մարզ	Արարատի
Հիմնադրված է	1831 թ.
Մակերես	41,94 կմ²
ԲԾՄ	2000 մ
Պաշտոնական լեզու	հայերեն
Բնակչություն	▼478 մարդ (2011)
Ժամային գոտի	UTC+4
	Լուսաշող (Հայաստան)
	Լուսաշող (Հայաստան)
	Լուսաշող Վիքիպահեստում

Լուսաշող (նախկին անվանումը՝ Ղարախաչ), գյուղ Հայաստանի Հանրապետության Արարատի մարզի Արարատի տարածաշրջանում, տեղադրված Վեդի գետի ձախակողմյան վտակի մեղմաթեք ու գեղատեսիլ ափին, շրջապատված ոչ բարձր, կանաչապատ լեռներով։ Հեռավորությունը մարզկենտրոնից՝ 48 կմ հարավ-արևելք, բարձրությունը ծովի մակերևույթից՝ 2000 մ։

Նախկինում Ղարախաչ անվան տակ ընդգրկված է եղել Ցարական Ռուսաստանի Երևանի նահանգի Երևանի գավառում։ Խորհրդային տարիներին մասն է կազմել Հայկական ԽՍՀ Երևանի գավառի, իսկ 1930 թվականից` Վեդու (1968 թվականից` Արարատի) շրջանի։ Վերանվանվել է Լուսաշող 1978 թ. հունվարի 25-ին։ 1995 թվականից մտնում է ՀՀ Արարատի մարզի մեջ։

Բնակչություն[խմբագրել | խմբագրել կոդը]

Ըստ Հայաստանի 2011 թ. մարդահամարի արդյունքների՝ Լուսաշողի մշտական բնակչությունը կազմել է 478, առկա բնակչությունը՝ 491 մարդ^[3]։ Լուսաշողի բնակչության փոփոխությունը ժամանակի ընթացքում` ստորև^[4].

Տարի	Բնակչություն
1831	94 մարդ	^[5]
1873	600 մարդ	^[6]
1897	1005 մարդ	^[5]
1926	289 մարդ	^[5]
1939	598 մարդ	^[5]
1959	371 մարդ	^[5]
1970	432 մարդ	^[5]
1979	419 մարդ	^[5]
1989	493 մարդ	^[7]
2001	601 մարդ	^[5]
2011	478 մարդ	^[2]

Տնտեսություն[խմբագրել | խմբագրել կոդը]

Բնակիչները զբաղվում են անասնապահությամբ, հողագործությամբ, այգեգործությամբ։

Պատմամշակութային հուշարձաններ[խմբագրել | խմբագրել կոդը]

Ունի միջնակարգ դպրոց։ 12 կմ հյուսիս գտնվում է Աղձվան (XIII-XX դդ.), 5 կմ հյուսիս՝ Շամամ (IX-XVII դդ.), 10 կմ հյուսիս՝ Վերին Արմիկ գյուղատեղիները (XVII-XIX դդ.)։ Գյուղի մոտ են գտնվում՝ Հովհաննու սբ.Կարապետ վանական համալիրը (XIV դ.), սբ.Աստվածածին (Սպիտակավոր) (1301 թ.), սբ.Հովհաննես (Զանգակատուն) եկեղեցիները (XVII-XIX դդ.), իսկ “Մոշաղբյուր” գյուղատեղիում՝ սբ. Սարգիս եկեղեցին (XIX դ.) և XIX դ. մատուռ (Ղարախաչ)։