Գեղանիստ (Արարատի մարզ)

Անվան այլ կիրառումների համար տե՛ս՝ Գեղանիստ (այլ կիրառումներ)

Գյուղ
Գեղանիստ
ռուս.՝ Гёйгмбет ռուս.՝ Геганист
Երկիր	Հայաստան
Մարզ	ԱրարատիԱրարատի մարզ|Արարատի
Համայնք	Արարատի մարզ, Հայկական մարզ, Երևանի գավառ և Մասիսի շրջան
Հիմնադրված է	1831 թ.
ԲԾՄ	870 մ
Պաշտոնական լեզու	Հայերեն
Բնակչություն	2739 մարդ (2011)
Ազգային կազմ	Հայեր
Ժամային գոտի	UTC+4
Գեղանիստ (Արարատի մարզ) (Հայաստան)
Գեղանիստ Վիքիպահեստում

Գեղանիստ, գյուղ Հայաստանի Արարատի մարզում, մարզկենտրոնից՝ 27 կմ հեռավորության վրա։

Պատմություն

Գյուղը հիմնադրվել է 1831 թվականին։ Նախկինում ունեցել է Գյոլգմբեթ, Գյոքգմբեթ, Գյոյքյումբեթ, Թագգյումբեթ անվանումները։ Գեղանիստ անվանվել է 1949 թվականին։ Նախկինում մտել է Երևանի նահանգի Երևանի գավառի մեջ։ Գյուղն ընկած է Հրազդան գետի աջ ափին՝ Արարատյան հարթավայրում։

Հուշարձան Երկրորդ աշխարհամարտում զոհվածների

Կլիման

Գտնվում է ծովի մակարդակից 870 մ բարձրության վրա, կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3 -5 °C։ Ամառը տևական է՝ մայիսից մինչև հոկտեմբեր։ Օդի միջին ամսական ջերմությունը հասնում է +24-ից +26 °C, իսկ առավելագույնը՝ 42 °C։ Հաճախ լինում են խորշակներ, որոնք վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուրոռոգելի լանդշաֆտի։ Ագրոկլիմայական տեսակետից համայնքի տարածքը ընկած է բացարձակ ոռոգման տարածքում։

Բնակչություն

Տարի	1831	1897	1926	1939	1970	1979	1989	2001	2011
Բնակիչ	200	235	471	715	1602	1877	2225	2471	2739

Տնտեսություն

Գյուղն ունի 729 տնտեսություն։ Համայնքն ունի վարչական շենք, դպրոց, բուժամբուլատորիա, մանկապարտեզ, մշակույթի տուն, զոհվածների հուշարձան, գերեզմանատուն։ Համայնքի տնտեսության մասնագիտացման ճյուղը գյուղատնտեսությունն ու ծաղկաբուծությունն է։ Համախառն բերքի մեծ մասը տալիս է բուսաբուծությունը։ Գյուղնշանակության հողերը կազմում են շուրջ 62 հա։ Գյուղատնտեսական նշանակության հողերի 90% օգտագործվում է որպես վարելահող՝ զբաղեցնելով 53 հա։ Պտղատու և խաղողի այգիները փոքր տարածք են զբաղեցնում։ Մշակվում են ջերմասեր բանջարաբոստանային կուլտուրաներ, պտուղներ, ծաղկատեսակներ։ Բնակչությունն բաղվում է նաև կաթնամսատու անասնապահությամբ ու մեղվաբուծությամբ։ Պահուստային հողերը նույնպես օգտագործվում են որպես այգիներ, վարելահողեր։ Արդյունաբերություն չունի։

Տես նաև

• Գեղանիստի պատմության և մշակույթի անշարժ հուշարձանների ցանկ

Ծանոթագրություններ

• Գեղանիստ Արխիվացված 2014-09-12 Wayback Machine

Արտաքին հղումներ

• Արարատի մարզպետարան Արխիվացված 2012-04-13 Wayback Machine

Վիքիպահեստն ունի նյութեր, որոնք վերաբերում են «Գեղանիստ (Արարատի մարզ)» հոդվածին։