Դիտակ

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Դիտակ (այլ կիրառումներ)
Գյուղ
Դիտակ
Արբանյակային պատկեր
Կոորդինատներ: 40°02′43″ հս․ լ. 44°31′07″ ավ. ե. / 40.04528° հս․. լ. 44.51861° ավ. ե. / 40.04528; 44.51861
Երկիր Հայաստան Հայաստան
Մարզ Արարատի
ԲԾՄ 900 մ
Պաշտոնական լեզու Հայերեն
Բնակչություն 670 մարդ (2011)
Ազգային կազմ Հայեր
Ժամային գոտի UTC+4
Ավտոմոբիլային կոդ 25
##Դիտակ (Հայաստան)
Red pog.png

Դիտակ, գյուղ Հայաստանի Հանրապետության Արարատի մարզում, Արտաշատի տարածաշրջանում, Արտաշատ քաղաքից 15 կմ հյուսիս։

Պատմություն[խմբագրել | խմբագրել կոդը]

Գյուղը հիմնադրել են շրջակա գյուղերից եկածները 1927 թվականին։ Գյուղի մոտ է գտնվում համանուն հնավայրը։ Այն վերաբերում է ուշ անտիկ ժամանակաշրջաններին։ Պեղումների ժամանակ բացվել են կիսակլոր աշտարակներով պարիսպների հետքեր, բնակելի շինությունների մնացորդներ։ Գյուղը գտնվում է Արարատյան դաշտում, ծովի մակարդակից 900 մ բարձրության վրա։

Կլիման[խմբագրել | խմբագրել կոդը]

Կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Բնակչություն[խմբագրել | խմբագրել կոդը]

Տարի 1931 1939 1959 1970 1979 2001 2004 2011
Բնակիչ 196 208 373 529 587 691 657 670

Տնտեսություն[խմբագրել | խմբագրել կոդը]

Գյուղն ունի առկա 190 տնտեսություն, դպրոց, գրադարան, բուժկետ, կապի հանգույց։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 164 հա։ Համայնքի հողերի հիմնական մասն օգտագործվում են որպես վարելահողեր՝ զբաղեցնելով մոտ 87 հա։ Ունի պտղատու և խաղողի այգիներ, համապատասխանաբար կազմելով 17 հա և 4 հա։ Զբաղվում են այգեգործությամբ, խաղողագործությամբ, դաշտավարությամբ, բանջարաբուծությամբ։ Մշակում են ջերմասեր բանջարաբոստանային կուլտուրաներ, ինչպես նաև հացահատիկ։ Զբաղվում են կաթնամսատու անասնապահությամբ, թռչնաբուծությամբ։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]