Դիմիտրով

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Դիմիտրով (այլ կիրառումներ)
Գյուղ
Դիմիտրով
հայ․՝ Ղույլասար
Dimitrov, S.Kirill Assyrian church - panoramio.jpg
Կոորդինատներ: 40°00′29″ հս․ լ. 44°29′17″ ավ. ե. / 40.00806° հս․. լ. 44.48806° ավ. ե. / 40.00806; 44.48806
Երկիր Հայաստան Հայաստան
Մարզ Արարատի
Հիմնադրված է 1831 թ.
Մակերես 3,48 կմ²
ԲԾՄ 840 մ
Պաշտոնական լեզու Հայերեն
Բնակչություն 1668 մարդ (2011)
Ազգային կազմ Հայեր, ասորիներ
Ժամային գոտի UTC+4
##Դիմիտրով (Հայաստան)
Red pog.png

Դիմիտրով, գյուղ Հայաստանի Հանրապետության Արարատի մարզում, Արտաշատի տարածաշրջանում, Արտաշատ քաղաքից 6-8 կմ հյուսիս-արևմուտք։

Պատմություն[խմբագրել | խմբագրել կոդը]

Գյուղը հիմնադրվել է 1831 թվականին։ Նախկինում ունեցել է Գայլազոր, Գայլազոր Ներքին, Կույլասար, Ղույլասար անվանումները։ Դիմիտրով է վերանվանվել 1949 թվականից։ Տեղադրված է Արարատյան դաշտում` Արաքս գետի հովտում։ Գյուղը գտնվում է ծովի մակարդակից 840 մ բարձրության վրա։

Բնակչության նախնիների մի մասը` ասորիները, այստեղ են եկել 1828-1829 թթ. Պարսկաստանից։

Գյուղի հարավարևմտյան եզրին է գտնվում Սուրբ Աստվածածին եկեղեցին (1868), հյուսիսային եզրին՝ «Սուրբ Օջախ» մատուռը (19-20-րդ դդ.), գյուղի մեջ՝ Սուրբ Կիրիլ ասորական եկեղեցին (1840

Կլիման[խմբագրել | խմբագրել կոդը]

Կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է` մայիսից մինչև հոկտեմբեր, օդի միջին ամսական ջերմությունը հասնում է 24-26 °C, իսկ առավելագույնը` 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր- ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Բնակչություն[խմբագրել | խմբագրել կոդը]

Տարի 1831 1897 1926 1939 1959 1970 1979 2001 2004 2011
Բնակիչ 85 735 507 616 913 1231 1285 1353 1026 1668

Տնտեսություն[խմբագրել | խմբագրել կոդը]

Գյուղն ունի առկա 330 տնտեսություն, դպրոց, մանկապարտեզ, գրադարան, մշակույթի տուն (ակումբ), կապի հանգույց, բուժամբուլատորիա։ Բնակչությունը զբաղվում է այգեգործությամբ, պտղաբուծությամբ, բանջարաբոստանային կուլտուրաների, հացահատիկի մշակությամբ և անասնապահությամբ։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]