Նորամարգ

Գյուղ
Երկիր	Հայաստան
Մարզ	Արարատի
Համայնքի ղեկավար	Սարգիս Գալստյան
Հիմնադրված է	1989 թ.
ԲԾՄ	835 մետր
Պաշտոնական լեզու	հայերեն
Բնակչություն	▲2069 մարդ (2011)
Ազգային կազմ	Հայեր
Ժամային գոտի	UTC+4

Նորամարգ (նախկին անվանումը` Կալինինի անվան ավան, Հաբիլքենդ), գյուղ Հայաստանի Հանրապետության Արարատի մարզի Մասիսի տարածաշրջանում` Հրազդան գետի ստորին հոսանքի աջափնյակում, Երևանից 24 կմ (Մասիս քաղաքից 7 կմ) հարավ, մարզկենտրոնից 22 կմ հյուսիս-արևմուտք, ծովի մակարդակից 830-840 մ բարձրության վրա։ Վերանվանվել է Նորամարգ 1991 թ. ապրիլի 3-ին։

Կլիման[խմբագրել | խմբագրել կոդը]

Կլիման չոր է, խիստ ցամաքային։ Օդի տարեկան միջին ջերմաստիճանը կազմում է 10-12 °C։ Մթնոլորտային տեղումների տարեկան միջինը 280-300 մմ։ Գարնանային ցրտահարություններ լինում են ապրիլի կեսերին, իսկ աշնանային ցրտահարությունները դիտվում են արդեն հոկտեմբերի վերջերին։

Գերակշռում են աղուտները, իսկ գետամերձ հատվածներում՝ ճահճուտները։ Գյուղի տարածքի հողերը բնութագրվում են բաց շագանակագույն գունավորումներով, միջին և ցածր կավ-ավազային կազմով, միջին հզորությամբ և ուժեղ կարբոնատվությամբ։ Գրունտային ջրերը գտնվում են 1,5-2,5 մ խորության վրա։ Տարածված է կիսաանապատային գոտուն բնորոշ բուսական և կենդանական աշխարհ։ Շատ են կրծողները, սողունները և ջրլող թռչունները։

Գյուղի հարևանությամբ կան արհեստական խոշոր լճեր։

Բնակչություն[խմբագրել | խմբագրել կոդը]

Ըստ ՀՀ 2011 թ. մարդահամարի արդյունքների` Նորամարգի մշտական բնակչությունը կազմել է 2069, առկա բնակչությունը` 1963 մարդ^[2]։ Նախկինում բնակեցված է եղել ադրբեջանցիներով^[3]։ Նորամարգի բնակչության փոփոխությունը ժամանակի ընթացքում` ստորև.

Տարի	Բնակչություն
1831	85 մարդ	^[4]
1873	183 մարդ	^[4]
1897	234 մարդ	^[5]
1926	40 մարդ	^[5]
1959	318 մարդ	^[5]
1970	741 մարդ	^[5]
1979	1690 մարդ	^[5]
1989	2784 մարդ	^[6]
2001	2003 մարդ	^[6]
2011	2069 մարդ	^[1]