Լանջանիստ

Գյուղ
Երկիր	Հայաստան
Երկրամաս	Արարատի
Համայնք	Ուրցաձոր (համայնք)
Հիմնադրված է	1831 թ.
Մակերես	34,82 կմ²
ԲԾՄ	1815 մետր
Պաշտոնական լեզու	Հայերեն
Բնակչություն	▼190 մարդ (2011)
Ազգային կազմ	Հայեր
Ժամային գոտի	UTC+4
	Լանջանիստ Վիքիպահեստում

Լանջանիստ, գյուղ Հայաստանի Հանրապետության Արարատի մարզի Արարատի տարածաշրջանում, Ուրցաձոր համայնքում։ Գտնվում է մարզկենտրոնից 43 կմ հեռավորության վրա։

Պատմություն[խմբագրել | խմբագրել կոդը]

Գյուղը հիմնադրվել է 1831 թվականին։ Նախնիները եկել են Պարսկահայաստան նահանգի Ղարադաղի գյուղերից։ Նախկինում ունեցել է Գադիլի, Խդըրլի, Կադիլի, Կատրլու, Ղադրլու անվանումները։ 1968 թվականի հուլիսի 3-ին ՀԽՍՀ գերագույն խորհուրդը գյուղը անվանափոխել է «Լանջանիստ»։ Եղել է Երևանի նահանգի Երևանի գավառի մեջ։ Գյուղից հյուսիս գտնվում է հին ավերված եկեղեցու մնացորդներ։ Գյուղը գտնվում է Կատարասարի լեռների լանջին՝ բարձրադիր վայրում, ունի առողջարար կլիմա։ Տեղադրված է ծովի մակարդակից 1815 մ բարձրության վրա։

Գյուղից 3 կմ հարավ-արևմուտք կա 9-13-րդ դդ. գյուղատեղի, 7 կմ հյուսիս՝ «Երանոս» (9-16-րդ դդ.), 1 կմ հյուսիս՝ «Հին գյուղատեղ» (13-19-րդ դդ.), 7 կմ հյուսիս-արևելք՝ Ներքին Արմիկ (10-15-րդ դդ.), 1,5 կմ հյուսիս-արևմուտք՝ «Սպիտակ վանք» (13-17-րդ դդ.) գյուղատեղիներ։ «Սպիտակվանք» գյուղատեղիում կա համանուն եկեղեցի (1301 թ.), «Ներքին Արմիկ» գյուղատեղիում Արմիկի Սուրբ Ստեփանոս եկեղեցական համալիրը (13-14-րդ դդ.), «Հին գյուղատեղ» գյուղատեղիում՝ Սուրբ Աստվածածին մատուռը (17-19-րդ դդ.)։

Կլիման[խմբագրել | խմբագրել կոդը]

Կլիման բարեխառն լեռնային է։ Ձմեռը տևական է, ցուրտ, հաստատուն ձնածածկույթով։ Ամառը տաք է, համեմատաբար խոնավ։ Հունվարյան միջին ջերմաստիճանը տատանվում է -8-ից -12 °C, հուլիսյան միջինը՝ 15-ից 18 °C։ Բնական լանդշաֆտները սևահողային տափաստաններն են։ Ագրոկլիմայական տեսակետից ընկած է մասնակի ոռոգման գոտում։

Բնակչություն[խմբագրել | խմբագրել կոդը]

Ըստ ՀՀ 2011 թ. մարդահամարի արդյունքների` Լանջանիստի մշտական բնակչությունը կազմել է 190, առկա բնակչությունը` 176 մարդ^[2]։ Բնակչության փոփոխությունը ժամանակի ընթացքում` ստորև.

Տարի	Բնակչություն
1831	45 մարդ	^[3]
1873	389 մարդ	^[4]
1897	588 մարդ	^[3]
1926	377 մարդ	^[3]
1939	604 մարդ	^[3]
1959	362 մարդ	^[3]
1970	263 մարդ	^[3]
2001	216 մարդ	^[3]
2011	190 մարդ	^[1]

Տնտեսություն[խմբագրել | խմբագրել կոդը]

Գյուղն ունի առկա 115 տնտեսություն։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 1489 հա։ Պահուստային հողերը օգտագործվում են հիմնականում որպես արոտավայրեր՝ 1300 հա։ Զբաղվում են կաթնամսատու անասնապահությամբ, թռչնաբուծությամբ։

Արդյունաբերություն չունի։