Նշավան

Վիքիպեդիայից՝ ազատ հանրագիտարանից
Jump to navigation Jump to search
Գյուղ
Նշավան
Nshavan village sign.jpg
Կոորդինատներ: 40°1′35.04″ հս․ լ. 44°31′31.08″ ավ. ե. / 40.0264000° հս․. լ. 44.5253000° ավ. ե. / 40.0264000; 44.5253000
ԵրկիրՀայաստան Հայաստան
ՄարզԱրարատի
Համայնքի ղեկավարՄյասնիկ Հովհաննիսյան
Հիմնադրված է1828 թ.
Այլ անվանումներԱլպավա
Մակերես3,49 կմ²
ԲԾՄ880 մետր
Պաշտոնական լեզուհայերեն
Բնակչություն1930 մարդ (2011)
Ազգային կազմՀայեր
Ժամային գոտիUTC+4
##Նշավան (Հայաստան)
Red pog.png

Նշավան, գյուղ Հայաստանի Արարատի մարզում, Արտաշատի տարածաշրջանում, Արտաշատ քաղաքից ընկած է 9 կմ հեռավորության վրա։

Նախկինում Ալպավա անվանումով ընդգրկված է եղել Երևանի նահանգի Երևանի գավառում[1]։

Պատմություն[խմբագրել | խմբագրել կոդը]

Բնակիչների նախնիները 1828 թվականին գաղթել են Խոյի և Սալմաստի գյուղերից։ Նախկինում ունեցել է Ալփավա, Ալփավան, Արպավար, Լուսակերտ անվանումները։ Նշավան է վերանվանվել 1967 թվականին։

Գյուղը տեղադրված է Արարատյան դաշտում Ազատ գետի հովտում։ Ծովի մակարդակից ունի 880 մ բարձրության վրա։

Կլիման[խմբագրել | խմբագրել կոդը]

Կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Բնակչություն[խմբագրել | խմբագրել կոդը]

Տարի Բնակչություն
1831 55 մարդ [2]
1897 127 մարդ [2]
1926 194 մարդ [2]
Տարի Բնակչություն
1939 795 մարդ [2]
1959 1266 մարդ [2]
1970 1519 մարդ [2]
Տարի Բնակչություն
1979 1618 մարդ [2]
1989 1824 մարդ [2]
2001 1978 մարդ [2]
Տարի Բնակչություն
2004 2000 մարդ [2]
2011 1930 մարդ


Տնտեսություն[խմբագրել | խմբագրել կոդը]

Գյուղն ունի առկա 488 տնտեսություն, դպրոց, մանկապարտեզ, բուժկետ, կապի հանգույց։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 237 հա։ Համայնքի հողերի հիմնական մասն օգտագործվում են որպես վարելահողեր՝ զբաղեցնելով մոտ 150 հա։ Ունի պտղատու և խաղողի այգիներ, համապատասխանաբար կազմելով 41 հա և 15 հա։ Զբաղվում են այգեգործությամբ, խաղողագործությամբ, դաշտավարությամբ, բանջարաբուծությամբ։ Մշակում են ջերմասեր բանջարաբոստանային կուլտուրաներ, ինչպես նաև հացահատիկ։ Զբաղվում են կաթնամսատու անասնապահությամբ, թռչնաբուծությամբ։

Արդյունաբերություն չունի։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Հայաստանի և հարակից շրջանների տեղանունների բառարան», հտ 1, էջ 101
  2. 2,0 2,1 2,2 2,3 2,4 2,5 2,6 2,7 2,8 2,9 Հայաստանի Հանրապետության բնակավայրերի բառարանԵրևան: 2008. — 184 p.

Արտաքին հղումներ[խմբագրել | խմբագրել կոդը]