Այգեզարդ
| Գյուղ | |||
|---|---|---|---|
| Այգեզարդ | |||
| Երկիր |  Հայաստան | ||
| Մարզ | Արարատի մարզ | ||
| Գյուղապետ | Ազատ Ավետիսյան | ||
| Հիմնադրված է | 1831 թ. | ||
| Այլ անվանումներ | Անաստասավան | ||
| Մակերես | 8,64 կմ² | ||
| ԲԾՄ | 870 մ | ||
| Պաշտոնական լեզու | Հայերեն | ||
| Բնակչություն | 2994 մարդ (2017) | ||
| Ազգային կազմ | Հայեր | ||
| Կրոնական կազմ |  Հայ Առաքելական եկեղեցի | ||
| Ժամային գոտի | UTC+4 | ||
| Ավտոմոբիլային կոդ | 25 | ||
| |||
Այգեզարդ, գյուղ Հայաստանի Արարատի մարզի Արտաշատի տարածաշրջանում, մարզկենտրոնից գտնվում է 6.5 կմ հեռավորության վրա։
Պատմություն[խմբագրել | խմբագրել կոդը]
Նախկինում ունեցել է Անաստասավան, Դարղալը, Դարիդաղի, Դարղալու Վերին, Թազա Դարղալու անվանումները։ Գյուղը հիմնադրվել է 1831 թ.: Գտնվել է Շահումյան գյուղից ներքև դեպի Արաքսի ափ, որտեղ մինչև վերջերս պահպանվել էին մի քանի ավերակներ, իսկ գյուղի եկեղեցու ավերակների տեղում մի քանի հավատացյալներ 1970-ականներին մատուռ կառուցեցին։ Պատերազմի սկզբին գյուղը տեղահանվել է, մոտակայքում կառուցվել են պաշտպանական կառույցներ, փորվել են խրամատներ, իսկ տներում ապրել են զինվորներ։ Պատերազմից հետո գյուղը միացնում են Մասումլու հարևան գյուղին և վերանվանում Անաստասավան, ի պատիվ Անաստաս Միկոյանի, իսկ 1949 թվականի դեկտեմբերի 1ին նորից բաժանում և վերանվանում արդեն Այգեզարդ։
Բնակչություն[խմբագրել | խմբագրել կոդը]
Ըստ 2005 թ-ի ազգային վիճակագրական ծառայության տվյալների համայնքի բնակչությունը կազմում է 3329 մարդ, որից 48% տղամարդիկ են, իսկ կանայք՝ 52%։ Մինչաշխատունակ տարիքի բնակչությունը կազմում է 23%, աշխատունակ տարիքի ներկայացուցիչները՝ 63%, հետաշխատունակները՝ 14%։
Այգեզարդի ազգաբնակչության փոփոխությունը.[1]
| Տարի | 831 | 1873 | 1908 | 1919 | 1931 | 1959 | 1970 | 1979 | 2001 | 2004 | 2005 | 2017 |
|---|---|---|---|---|---|---|---|---|---|---|---|---|
| Բնակիչ | 535 | 789 | 1277 | 1350 | 1242 | 2627 | 2969 | 2984 | 3458 | 2961 | 3329 | 2994[2] |
Տնտեսություն[խմբագրել | խմբագրել կոդը]
Գյուղն ունի 926 տնտեսություն։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Բնակչությունը զբաղվում է այգեգործությամբ, բանջարաբուծությամբ, մեղվաբուծությամբ և դաշտավարությամբ։
Հասարակական կառույցներ[խմբագրել | խմբագրել կոդը]
Ունի դպրոց, մշակույթի տուն, գրադարան, մանկապարտեզ։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Հայաստանի հանրապետության բնակավայրերի բառարան, էջ 17»։ Վերցված է 2015 Մարտի 27
- ↑ ՀՀ մարզերը և Երևան քաղաքը թվերով, 2017
|
