Վինդհուկ

Վինդհուկ
Քաղաք
	Վինդհուկ
	Windhoek / Windhuk
	Զինանշան
Երկիր	Նամիբիա
Ենթարկում	Մայրաքաղաք
Համայնք	Կհոմաս
Հիմնադրված է	1840 թ.
Մակերես	645 կմ²
ԲԾՄ	1650 մ
Պաշտոնական լեզու	անգլերեն
Բնակչություն	▲431 000 մարդ (2020)
Ժամային գոտի	UTC+1, ամառը UTC+2
Հեռախոսային կոդ	+264 61
Փոստային դասիչ	10000, 10005, 10015, 10012
Պաշտոնական կայք	windhoekcc.org.na
	Վինդհուկ (Նամիբիա)
	Վինդհուկ (Նամիբիա)
	Վինդհուկ Վիքիպահեստում

Վինդհուկ (անգլ.՝ Windhoek, աֆրիկաանս՝ Windhoek, գերմ.՝ Windhuk), Նամիբիայի Հանրապետության մայրաքաղաք և ամենախոշոր քաղաքը։ Բնակչությունը՝ ▲431 000 մարդ (2020):

Վինդհուկը համարվում է երկրի սոցիալ, տնտեսական և մշակութային կենտրոնը։ Նամիբիական ցանկացած ազգային ձեռնարկության, պետական մարմնի, կրթական և մշակութային հաստատությունների շտաբ-կայանները գտնվում են այստեղ։

Պատմություն

Վինդհուկի այժմյան գտնվելու վայրում նամա ժողովրդի առաջնորդի իշխանության տակ առաջին բնակավայրը ի հայտ է եկել 1800 թվականին, սակայն քաղաքի հիմնադրման պաշտոնական ամսաթիվը համարվում է 1890 թվականին, երբ այն հռչակվել է Գերմանական Հարավ-Արևմտյան Աֆրիկայի մայրաքաղաք։ Քաղաքի անվանում է թարգմանաբար նշանակում է «քամոտ անկյուն»։ Առաջին համաշխարհային պատերազմից սկսած մինչև 1990 թվականի մարտի 21-ը Վինդհուկը գտնվել է ՀԱՀ իշխանության տակ։ Անկախության հռչակումից հետո 1990 թվականի մարտի 21-ին քաղաքը դարձել է Նամիբիայի մայրաքաղաքը։

Քաղաքի անվանում

«Windhoek» բառն առաջացել է աֆրիկաանսից և նշանակում է «քամոտ անկյուն» (գերմ.՝ Windecke)։ Առաջին անգամ այդ անվանումը բազմաթիվ անվանափոխություններից հետո կիրառվել է նամայի վեցերորդ առաջնորդ Յան Յոնկեր Աֆրիկաների նամակում։

Ավելի վաղ, այդ ցեղի լեզվով Վինդհուկը կրում էր ǀAi-ǁGams («տաք աղբյուր»)։ Քաղաքը կրում էր այդ անունը, քանի որ մոտակայքում գտնվում էր հիդրոթերմալ հանքավայր։ Նույն պատճառով հերերո լեզվով այն կոչվել է Otjomuise («գոլորշու վայր»)^[1]։

Կլիմա

Քաղաքը գտնվում է կիսաանապատային կլիմայական գոտում։ Ամառային ամիսներին այստեղ չոր է և տոթ, գիշերները՝ զով։ Առավելագույն ցերեկային ջերմաստիճանը ամռանը կազմում է 31 °C: Ձմռան ամիսներին (հունիս, հուլիս և օգոստոս) թափվում են աննշան քանակությամբ տեղումներ։ Նվազագույն ջերմաստիճանը տատանվում է 5 °C-ից մինչև 18 °C: Գիշերները սառն են, սակայն ջերմաստիճանն երբեմն է լինում 0 °C-ից ցածր և գրեթե երբեք ձյուն չի տեղում։ Առավելագույն ցերեկային ջերմաստիճանը կազմում է մոտ 20 °C:

Վինդհուկ, Նամիբիաի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Ռեկորդային բարձր °C (°F)	36 (97)	34 (93)	34 (93)	31 (88)	32 (90)	26 (79)	25 (77)	29 (84)	33 (91)	34 (93)	36 (97)	36 (97)	36 (97)
Միջին բարձր °C (°F)	30.5 (86.9)	29.1 (84.4)	27.8 (82)	26.2 (79.2)	23.7 (74.7)	21.0 (69.8)	21.3 (70.3)	23.9 (75)	27.6 (81.7)	29.7 (85.5)	30.4 (86.7)	31.6 (88.9)	26.9 (80.43)
Միջին ցածր °C (°F)	17.8 (64)	17.2 (63)	16.1 (61)	13.2 (55.8)	10 (50)	7.1 (44.8)	7.0 (44.6)	9.0 (48.2)	12.6 (54.7)	15.0 (59)	16.2 (61.2)	17.3 (63.1)	13.21 (55.78)
Ռեկորդային ցածր °C (°F)	9 (48)	7 (45)	4 (39)	2 (36)	−2 (28)	−3 (27)	−3 (27)	−4 (25)	−1 (30)	2 (36)	1 (34)	3 (37)	−4 (25)
Տեղումներ մմ (դյույմ)	91.3 (3.594)	87.0 (3.425)	69.5 (2.736)	32.3 (1.272)	6.2 (0.244)	1.2 (0.047)	0.4 (0.016)	0.8 (0.031)	3.8 (0.15)	11.4 (0.449)	25.7 (1.012)	33.2 (1.307)	362.8 (14.283)
% խոնավություն	45	53	58	54	45	43	38	30	26	28	31	36	40.6
Աղբյուր #1: BBC Weather^[2]
Աղբյուր #2: Ministry of Works and Transport (Meteorological Service Division) «Ministry of Works & Transport: Tabulation of Climate Statistics for Selected Stations in Namibia» (PDF). 2012. Արխիվացված է օրիգինալից (PDF) 2016 թ․ մարտի 4-ին. Վերցված է 2015 թ․ նոյեմբերի 25-ին.

Սպորտ

Քաղաքում գործում են մի քանի մարզական ակումբներ։

Բազմաթիվ բռնցքամարտիկներ, ինչպիսիք են Պաուլուս Մոզեսը, Պաուլուս Ամբունդան և Ամբերկ Շինդյուուն ծնվել են Վինդհուկում։

Նամիբիայի հավաքականը կրիկետի հիմնական տնային խաղերը խաղում են Wanderers Cricket Ground մարզադաշտում^[3], ինչպես նաև մի քանի այլ մարզադաշտերում^[4]^[5]։