Կիգալի

Վիքիպեդիայից՝ ազատ հանրագիտարանից
Jump to navigation Jump to search
Քաղաք
Կիգալի
Kigali
CentralKigali.jpg
ԵրկիրՌուանդա Ռուանդա
ԵնթարկումՄայրաքաղաք
ՔաղաքապետՖիդել Նդայիսաբա
Հիմնադրված է1907 թ.
Մակերես730 կմ²
ԲԾՄ1567 մետր
Բնակչություն1 029 384 մարդ (2010)
Ժամային գոտիUTC+2
Պաշտոնական կայքkigalicity.gov.rw
##Կիգալի (Ռուանդա)
Red pog.png

Կիգալի (Kigali), Ռուանդայի մայրաքաղաքն է (1962 թվականի հուլիսի 1-ից)։ Բնակչությունը՝ 1 029 384 մարդ (2010 թվականի դրությամբ)[1]:

Պատմություն[խմբագրել | խմբագրել կոդը]

Ռուանդան և Բուրունդին 1890 թվականի Բրյուսելի համաժողովի արդյունքներով փոխանցվել են Գերմանական կայսրությանը:

Կիգալին հիմնադրվել է 1907 թվականին[2] (այլ տվյալներով՝ 1898 թվականին) որպես գերմանական գաղութային կառավարության նստավայր[3]: Մինչև 1916 թվականը գտնվում էր Գերմանական կայսրության վերահսկողության տակ[3]: 1919 թվականից՝ Ազգերի Լիգայի մանդատի վերահսկողության տակ[2]: 1921 թվականից Ռուանդա Ուրունդի պետության կազմում վերահսկվել է Բելգիայի կողմից[2] : 1962 թվականից անկախ Ռուանդայի մայրաքաղաքն է[3]:

1945-1991 թվականները Կիգալիի բնակչության թիվը 6000-ից աճել է 150 000-ի, իսկ 2006-ին՝ հասել է միլիոնի (արվարձանների հետ միասին)։

1994 թվականի իրադարձությունների ժամանակ զոհվել են քաղաքի տասնյակ հազարավոր բնակիչներ, բազմաթիվ բնակիչներ փախչել են հարևան երկրներ։ Քաղաքը մասամբ ավերվել է։ 1997 թվականից Կիգալին վերականգնվում է[3]:

Աշխարհագրություն[խմբագրել | խմբագրել կոդը]

Կիգալին գտնվում է հասարակածից հարավ, Ռուանդայի կենտրոնում։ Քաղաքը տեղակայված է լեռների լանջերին, ծովի մակարդակից 1830 մ բարձրության վրա։

Կլիմա[խմբագրել | խմբագրել կոդը]

Կիգալիի եղանակը

Քաղաքը գտնվում է հասարակածային մուսոնային կլիմայական գոտում[4]: Չոր սեզոնը շարունակվում է հունիսից մինչև օգոստոս: Ամսական միջին ջերմաստիճանը կազմում է 20-21 °C: Տեղումների տարեկան քանակը՝ 1000 մմ։ Կլիման բավականին մեղմ է ծովի մակարդիկ բարձր դիրքի շնորհիվ։

Տնտեսություն[խմբագրել | խմբագրել կոդը]

Քաղաքը երկրի առևտրային կենտրոնն է (սուրճ, կաշվե հումք, խոշոր եղջերավոր կենդանիներ)։ Գործում են կաշվե իրերի, կոշիկների, հագուստի, կավե իրերի արտադրության ձեռնարկություններ։ Քաղաքում գործում է նաև վերմակների գործարան։ Արվարձաններում կան սուրճի պլանտացիաներ, անագի հանքավայրեր։

Բնակչություն[խմբագրել | խմբագրել կոդը]

Տարեթիվ 1907 1945 1991 1996 2001 2006
Բնակչություն,
բնակիչ
357[5] 6 000[5] 140 000[5] 358 200[5] 605 000[5] 1 000 000[5]

Քույր-քաղաքներ[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Կիգալիի օդանավակայանը  
Կիգալիի մինի-տաքսիները  
Ռիչարդ Կանդտի անվան Բնական պատմության թանգարան  
«Հազար բլուր» հյուրանոց  
Կիգալի լեռը և արվարձանը  
Քաղաքի տեսարանը ցեղասպանության հուշակոթողից  
Կիգալիի տեսարանը տիեզերքից  
Կիգալիի տեսարանը տիեզերքից  
Կիգալիի համայնապատկերը

Ծանոթագրություններ[խմբագրել | խմբագրել կոդը]

  1. Rwanda: largest cities and towns and statistics of their population World Gazetteer (անգլ.)(գերմ.)(ֆր.)(իսպ.)
  2. 2,0 2,1 2,2 «Кигали в период колонии»։ Արխիվացված է օրիգինալից 2012-02-22-ին։ Վերցված է 2015-12-04 
  3. 3,0 3,1 3,2 3,3 Кигали в Географической энциклопедии
  4. Climate Summary for Kigali, Rwanda
  5. 5,0 5,1 5,2 5,3 5,4 5,5 «Население Кигали»։ Արխիվացված է օրիգինալից 2016-03-06-ին։ Վերցված է 2015-12-04 
  6. 6,00 6,01 6,02 6,03 6,04 6,05 6,06 6,07 6,08 6,09 6,10 «Международные отношения и сотрудничество»։ Արխիվացված է օրիգինալից 2016-03-06-ին։ Վերցված է 2015-12-04