Պորտ Լուի

Քաղաք
Պորտ Լուի
Port Louis
Դրոշ Զինանշան
Երկիր	Մավրիկիոս
Ենթարկում	Մայրաքաղաք
Համայնք	Port Louis District?
Հիմնադրված է	1735 թ.
Տվյալ կարգավիճակում	1966 թվականից
Մակերես	46 700 000 քառակուսի մետր
ԲԾՄ	134 մետր
Բնակչություն	149 194 մարդ (2012)
Ժամային գոտի	UTC+4
Պաշտոնական կայք	mccpl.mu​(անգլ.)
Պորտ Լուի (Մավրիկիոս)
Պորտ Լուի Վիքիպահեստում

Պորտ Լուին (անգլ.՝ Port Louis), (ֆրանսերեն՝ Port Louis) Մավրիկիոսի խոշորագույն քաղաք, հիմնական նավահանգիստ և մայրաքաղաք։ Գտնվում է Հնդկական օվկիանոսի ափին։

Բնակչությունը՝ 149 194 մարդ (2012):

Պատմություն

1635 թվականից քաղաքը հայտնի էր որպես նավահանգիստ։ 1735 թվականին ֆրանսիացիները այն դարձրել են Մավրիկիոսի վարչական կենտրոն, և այն վերածվել է Բարեհուսո հրվանդան ուղևորվող ֆրանսիական նավերի համար մատակարարման հիմնական կետի։ Քաղաքը ստացել է «Պորտ Լուի» անվանումը Ֆրանսիայի թագավոր Լյուդովիկոս XV պատվին։ Քաղաքի առաջին նահանգապետը համարվում էր ֆրանսիացի ծովագնաց Բերտրան Ֆրանսուա Մաե դե Լաբուրդոննեն։

Բնակչություն

Քաղաքի բնակչությունը հիմնականում կազմում են XIX դարում Հնդկաստանից եկած բանվորների ժառանգները։ Ավելի վաղ կղզում բնակվում էին ստրուկներ, ովքեր XVIII դարում բերվել էին այստեղ բրիտանացիների և ֆրանսիացիների կողմից։ Կղզու բնակչության 75 տոկոսը կազմում են խառը ծագման հնդկացիները՝ հնդիկներ, չինացիներ, աֆրիկացիներ ու եվրոպացիներ։

Արդյունաբերություն

Շաքարի, ձեթի և ծխախոտի արտադրություն։ Քաղաքում գործում է համալսարան և մի քանի թանգարաններ։

Քույր քաղաքներ

• Հնդկաստան Ահմադաբադ, Հնդկաստան
• Կանադա Քվեբեկ, Կանադա
• Ֆրանսիա Սեն Մալո, Ֆրանսիա

Ծանոթագրություններ

Վիքիպահեստն ունի նյութեր, որոնք վերաբերում են «Պորտ Լուի» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 390)։