Հարարե (անգլ.՝ Harare), Զիմբաբվեի մայրաքաղաքն է։ Այն երկրի տնտեսական, քաղաքական և մշակութային կենտրոնն է։ Բնակչությունը 1 600 000 է, իսկ արվարձանների հետ՝ 2 800 000 (2006 թ. տվյալներով)։
Հիմնել են անգլիացի նորաբնակները 1890 թվականին և, ի պատիվ Մեծ Բրիտանիայի այն ժամանակվա վարչապետ մարկիզ Ռ․ Ա․ Թ․ Սոլսբերիի կոչել են Սոլսբերի։ 1982 թվականին վերանվանվել է Հարարե՝ ի հիշատակ աֆրիկյան շոն ցեղի առաջնորդ Հարարեի, որը 19-րդ դարի երկրորդ կեսին կառավարում էր այդ կողմերում և խիզախություն է հանդես բերել եվրոպական գաղութարարների առաջին ալիքին դիմագրավելիս[1]։