Հայաստանի ավտոճանապարհներ

Վիքիպեդիայից՝ ազատ հանրագիտարանից
6.1 Armenia road sign.svg

Հայաստանի ավտոճանապարհները հանդիսանում են Հայաստանի տրանսպորտային համակարգի կարևորագույն և հիմնական մասը։ Առկա երկաթուղային հանգույցը թույլ է զարգացած, որը կապված է նաև հանրապետության տարածքի լեռնային բարդ ռելիեֆի հետ, ուստի ավտոճանապարհները երկրի սոցիալ-տնտեսական զարգացման գործում ունեն որոշիչ նշանակություն։ Ավտոմայրուղիների դերը Հայաստանում անփոխարինելի է նաև միջազգային բեռնափոխադրումների գործում։

Ավտոճանապարհները[խմբագրել | խմբագրել կոդը]

Տե՛ս նաև՝ Հայաստանի ավտոմոբիլային ճանապարհներ

Հայաստանի Հանրապետությունում իրենց բնույթով ժամանակակից նշանակություն ունեցող ավտոճանապարհները հայտնվել են դեռևս 19-րդ դարում։ Կազմավորված ավտոճանապարհային ցանցի ընդհանուր օգտագործվող հատվածի երկարությունը կազմում է 7637 կմ (4745 մղոն), որից 96,7%-ը ասֆալտապատ է։ Հանրապետության տարածքի յուրաքանչյուր 1000 կմ² (390 քառ. մղոն) հատվածին ընկնում է 258 կմ (160 մղոն) ճանապարհ։

Մայրաքաղաք Երևանից դուրս են գալիս չորս հիմնական ավտոմայրուղիներ, դեպի Արարատ, Աշտարակ, Արմավիր և Սևան։ Երևան - Մեղրի ավտոճանապարհի Երևան - Արարատ հատվածում առկա է երկրորդ ավտոխճուղին, որի հարավային մասում գործում է բնակավայրերը շրջանցող արագընթաց մայրուղին, իսկ հյուսիսային մասում դրան զուգահեռ գործում է հին մայրուղին, որով երթևեկում են հիմնականում տեղային նշանակության երթուղու ավտոբուսները։ Մնացած ճանապարհները, չնայած ունեն լավ ծածկույթ, սակայն գործածվում են ավելի սակավ։ Հայաստանի Հանրապետությունում կան նաև լեռնանցքներ (Եղեգնաձորի և Սիսիանի միջև ընկած հատվածում, Վարդենյաց լեռնանցք (Սելիմի), Քարախաչի լեռնանցք և այլն), որոնք ձմռանը հազվադեպ, բայց փակվում են ձյան պատճառով, ուստի հաճախ ձմռանը, օրինակ Վարդենիս հասնելու համար, նպատակահարմար է ուղևորվել Մարտունի քաղաքով։

Հանրապետության առավել նշանակալի ավտոճանապարհներն են.

Հայաստանի Հանրապետությունում վերջին շրջանում ստեղծվել է ավտոմայրուղիների բազմակողմ ցանց, որի ընդլայնման աշխատանքները իրենցից դժվարություն են ներկայացնում` տեղանքի բարդ ռելիեֆի և միջոցների սղության պատճառով։ Հանրապետությունում երկկողմ ավտոմայրուղիները մեծ թիվ չեն կազմում.

Ծանոթագրություններ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Հայաստանի_ավտոճանապարհներ&oldid=8463138» էջից