Ենոքավան

Ենոքավան
Գյուղ
	Ենոքավան
	Ապագա Ռեզորթ
Երկիր	Հայաստան
Մարզ	Տավուշ
Գյուղապետ	Ալիբեկ Բաբայան
Այլ անվանումներ	Շիրազ, մինչև 1935 — Քրդևան;
ԲԾՄ	1100 մ
Կլիմայի տեսակ	մերձարևադարձային
Պաշտոնական լեզու	Հայերեն
Բնակչություն	537 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	ենոքավանցի
Ժամային գոտի	UTC+4
Հեռախոսային կոդ	+374 (263)
	Ենոքավան Վիքիպահեստում

Ենոքավան (նախկին անվանումը` Քրդևան), գյուղ Հայաստանի Հանրապետության Տավուշի մարզի Իջևանի տարածաշրջանում, մարզկենտրոն Իջևանից մոտ 4 կմ հյուսիս-արևմուտք, Սառնաջուր գետի ափին, Գետահովիտ գյուղից 4 կմ արևմուտք^[2]։

Բնակավայրն իր ներկայիս անվանումը ստացել է 1935 թվականին ԽՍՀՄ իշխանությունների կողմից որպես Կարմիր բանակի կողմից Հայաստանի Հանրապետության օկուպացիայի կողմնակից և երկրում խորհրդային կարգերի հաստատման աջակից Ենոք Մկրտումյանի հիշատակ։

Ենոքավան գյուղում է գտնվում Հայաստանի առաջին էքսթրեմալ զվարճանքի վայրը՝ Յելլ Էքսթրիմ պարկը^[3]։

Բնակչություն[խմբագրել | խմբագրել կոդը]

Նախնիները 19-րդ դարի կեսերին այստեղ են եկել Սևքար գյուղից։

Վերջին տարիներին Ենոքավանի բնակչությունն աճել է. 480-ից դարձել է 554 մարդ։ Բանն այն է, որ գյուղը դարձել է էքստրեմալ և արկածային զբոսաշրջությամբ հետաքրքրվողների սիրված վայրը^[4]։

Ենոքավանի բնակչության փոփոխությունը ժամանակի ընթացքում` ստորև^[5].

Տարի	Բնակչություն
1873	301 մարդ	^[6]
1897	556 մարդ	^[6]
1926	471 մարդ	^[6]
1939	631 մարդ	^[6]
1959	580 մարդ	^[6]
1970	561 մարդ	^[6]
1979	489 մարդ	^[6]
1989	447 մարդ	^[6]
2001	576 մարդ	^[6]
2011	537 մարդ	^[7]

Տնտեսություն[խմբագրել | խմբագրել կոդը]

Բնակչությունը զբաղվում է անասնապահությամբ, ծխախոտագործությամբ, բանջարաբուծությամբ և հացահատիկի մշակությամբ։

Պատմամշակութային կառույցներ[խմբագրել | խմբագրել կոդը]

Ենոքավանի մեջ է մ.թ.ա. 2-րդ-1-ին հազարամյակի “Աստղի բլուր” դամբարանադաշտը։ Շրջակայքում են Սբ. Սարգիս (XIII դար), Սբ. Հովհաննես (XII-XIV դարեր), “Սբ. Օկոնախաչ” (XII-XIII դարեր) եկեղեցիներն ու Սբ. Աստվածածին (XIII դար) և Սբ. Սարգիս (XII-XIII դարեր) մատուռները։