Բերքաբեր

Բերքաբեր
Գյուղ
	Բերքաբեր
Երկիր	Հայաստան
Մարզ	Տավուշ
Այլ անվանումներ	Պիպիս, Ջողազ
Մակերես	11.8 կմ²
ԲԾՄ	700 մ
Պաշտոնական լեզու	Հայերեն
Բնակչություն	▼465 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	բերքաբերցի
Ժամային գոտի	UTC+4
Պաշտոնական կայք	tavush.mtad.am/about-communities/714/ (հայ.)
	Բերքաբեր Վիքիպահեստում

Բերքաբեր (նախկին անվանումը` Ջողազ), գյուղ Հայաստանի Հանրապետության Տավուշի մարզի Իջևանի տարածաշրջանում, մարզկենտրոն Իջևանից 17 կմ հյուսիս, Աղստև գետի ձախակողմյան վտակ Ոսկեպար (Ջողազ) գետի հովտում` Բերքաբերի ջրամբարի հարավային ափին։ Բարձրությունը ծովի մակերևույթից կազմում է 700 մ։ Գյուղը գտնվում է հայ-ադրբեջանական շփման գծի անմիջական հարևանությամբ։

Անվանում[խմբագրել | խմբագրել կոդը]

Գյուղի նախկին անվանումներից է՝ Պիպիս, Պապիս, Ջողազ։ Բերքաբեր է կոչվում 1978 թվականի հունվարի 25-ից^[2]։

Հին հայաբնակ գյուղ է, հիշատակվել է նաև որպես ավան։

Կլիմա[խմբագրել | խմբագրել կոդը]

Բերքաբերը ունի բարեխառն կլիմա։ Ամռանը միջին ջերմաստիճանը +30C է, ձմռանը՝ -2 C։

Բնակչություն[խմբագրել | խմբագրել կոդը]

Ըստ ՀՀ 2011 թ. մարդահամարի արդյունքների` Բերքաբերի մշտական բնակչությունը կազմել է 465, առկա բնակչությունը` 392 մարդ^[3]։ Հին հայաբնակ գյուղ է, բնակչության փոփոխությունը ժամանակի ընթացքում` ստորև.

Տարի	Բնակչություն
1831	312 մարդ	^[4]
1873	212 մարդ	^[5]
1897	276 մարդ	^[4]
1926	281 մարդ	^[4]
1939	357 մարդ	^[4]
1959	478 մարդ	^[4]
1970	505 մարդ	^[4]
1979	501 մարդ	^[4]
1989	526 մարդ	^[4]
2001	491 մարդ	^[4]
2011	465 մարդ	^[1]

Տնտեսություն[խմբագրել | խմբագրել կոդը]

Բնակչությունը զբաղվում է անասնապահությամբ, դաշտավարությամբ, այգեգործությամբ, բանջարաբուծությամբ և ծխախոտագործությամբ։

Պատմամշակութային կառույցներ[խմբագրել | խմբագրել կոդը]

Բերքաբեր գյուղն ունի ազգագրական թանգարան։ Գյուղի և ջրամբարի միջև կա մ.թ.ա. 3-րդ հազարամյակի դամբարանադաշտ^[6]։ Գյուղում է գտնվում 19-րդ դարի Սուրբ Գրիգոր եկեղեցին։ Գործում է միջնակարգ դպրոց։^[փա՞ստ]