Դովեղ

Գյուղ
Դովեղ
Երկիր	Հայաստան
Մարզ	ՏավուշՏավուշ
Համայնք	Տավուշի մարզ և Նոյեմբերյանի շրջան
Գյուղապետ	Գնել Կիրակոսյան
ԲԾՄ	720 մ
Կլիմայի տեսակ	մերձարևադարձային
Պաշտոնական լեզու	Հայերեն
Բնակչություն	534 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	դովեղցի
Ժամային գոտի	UTC+4
Դովեղ (Հայաստան) Դովեղ (Տավուշի մարզ)

Դովեղ, գյուղ Հայաստանի Տավուշի մարզում, նախկին Նոյեմբերյանի շրջանում, Նոյեմբերյան քաղաքից մոտ 2 կմ արևելք։

Գյուղի անվան ծագման տարբեր բացատրություններ կան։ Մի վարկածով հնում բնակավայրի անվանումը Դավեղ է եղել, այսինքն` դեպի վեր։ Դովեղը հարևան ադրբեջանցիները անվանել են Բալաքենդ, այսինքն՝ փոքր շեն։

Բնակչություն

Ըստ Հայաստանի 2011 թ. մարդահամարի արդյունքների՝ Դովեղի մշտական բնակչությունը կազմել է 534, առկա բնակչությունը՝ 523 մարդ։ Բնակիչները հայեր են, որոնց նախնիների մի մասը գաղթել է Արցախից։

Դովեղի բնակչության փոփոխությունը ժամանակի ընթացքում՝ ստորև.

Տարի	1873	1897	1926	1939	1959	1970	1979	1989	2001	2011
Բնակիչ	201	351	370	506	514	525	576	642	602	534

Իրականում այսօր գյուղում բնակվում է 500-ից պակաս մարդ։

Տնտեսություն

Բնակչությունը զբաղվում է անասնապահությամբ, դաշտավարությամբ և մասամբ այգեգործությամբ։

Օգտակար հանածոներ

Գյուղի տարածքում կան ֆելզիտի հանքավայրեր։

Պատմամշակութային կառույցներ

Դովեղից 4 կմ հարավ-արևելքում գտնվում է XVI-XIX դարերի Սուրբ Սարգիս վանական համալիրը, իսկ 6 կմ հարավ՝ XVI-XVII դարերի «Արի գեղ» գյուղատեղին։

Տես նաև

• Դովեղի պատմության և մշակույթի անշարժ հուշարձանների ցանկ (Տավուշի մարզ)

Ծանոթագրություններ

Հայաստան   Տավուշի մարզ   Աշխարհագրություն